| Library / Tipiṭaka / ਤਿਪਿਟਕ • Tipiṭaka / ਖੁਦ੍ਦਸਿਕ੍ਖਾ-ਮੂਲਸਿਕ੍ਖਾ • Khuddasikkhā-mūlasikkhā |
੧੬. વਚ੍ਚਪਸ੍ਸਾવਟ੍ਠਾਨਿਕਨਿਦ੍ਦੇਸੋ
16. Vaccapassāvaṭṭhānikaniddeso
વਚ੍ਚਪਸ੍ਸਾવਟ੍ਠਾਨਿਕਨ੍ਤਿ –
Vaccapassāvaṭṭhānikanti –
੧੫੬.
156.
ਨ ਕਰੇਯ੍ਯ ਯਥਾવੁਡ੍ਢਂ, વਚ੍ਚਂ ਯਾਤਾਨੁਪੁਬ੍ਬਿਯਾ।
Na kareyya yathāvuḍḍhaṃ, vaccaṃ yātānupubbiyā;
વਚ੍ਚਪਸ੍ਸਾવਕੁਟਿਯੋ, ਨ੍ਹਾਨਤਿਤ੍ਥਞ੍ਚ ਲਬ੍ਭਤਿ॥
Vaccapassāvakuṭiyo, nhānatitthañca labbhati.
੧੫੭.
157.
ਪવਿਸੇਯ੍ਯੁਬ੍ਭਜਿਤ੍વਾ ਨੋ, ਸਹਸਾ ਪવਿਸੇਯ੍ਯ ਚ।
Paviseyyubbhajitvā no, sahasā paviseyya ca;
ਉਕ੍ਕਾਸਿਤ੍વਾવੁਬ੍ਭਜੇਯ੍ਯ, ਪਾਦੁਕਾਸ੍વੇવ ਸਣ੍ਠਿਤੋ॥
Ukkāsitvāvubbhajeyya, pādukāsveva saṇṭhito.
੧੫੮.
158.
ਨ ਕਰੇ ਨਿਤ੍ਥੁਨਂ વਚ੍ਚਂ, ਦਨ੍ਤਕਟ੍ਠਞ੍ਚ ਖਾਦਯਂ।
Na kare nitthunaṃ vaccaṃ, dantakaṭṭhañca khādayaṃ;
વਚ੍ਚਪਸ੍ਸਾવਦੋਣੀਨਂ, ਨ ਕਰੇਯ੍ਯੁਭਯਂ ਬਹਿ॥
Vaccapassāvadoṇīnaṃ, na kareyyubhayaṃ bahi.
੧੫੯.
159.
ਕੂਪੇ ਕਟ੍ਠਂ ਨ ਪਾਤੇਯ੍ਯ, ਖੇਲ਼ਂ ਪਸ੍ਸਾવਦੋਣਿਯਾ।
Kūpe kaṭṭhaṃ na pāteyya, kheḷaṃ passāvadoṇiyā;
ਨਾવਲੇਖੇਯ੍ਯ ਫਰੁਸੇ-ਨੁਹਤਞ੍ਚਾਪਿ ਧੋવਯੇ॥
Nāvalekheyya pharuse-nuhatañcāpi dhovaye.
੧੬੦.
160.
ਨ ਨਿਕ੍ਖਮੇਯ੍ਯ ਸਹਸਾ-વੁਬ੍ਭਜਿਤ੍વਾ ਨ ਨਿਕ੍ਖਮੇ।
Na nikkhameyya sahasā-vubbhajitvā na nikkhame;
ਚਪੁ ਚਪੁ ਨਾਚਮੇਯ੍ਯ, ਉਕ੍ਲਾਪਞ੍ਚ વਿਸੋਧਯੇਤਿ॥
Capu capu nācameyya, uklāpañca visodhayeti.
