| Library / Tipiṭaka / ತಿಪಿಟಕ • Tipiṭaka / ಖುದ್ದಸಿಕ್ಖಾ-ಮೂಲಸಿಕ್ಖಾ • Khuddasikkhā-mūlasikkhā |
೧೬. ವಚ್ಚಪಸ್ಸಾವಟ್ಠಾನಿಕನಿದ್ದೇಸೋ
16. Vaccapassāvaṭṭhānikaniddeso
ವಚ್ಚಪಸ್ಸಾವಟ್ಠಾನಿಕನ್ತಿ –
Vaccapassāvaṭṭhānikanti –
೧೫೬.
156.
ನ ಕರೇಯ್ಯ ಯಥಾವುಡ್ಢಂ, ವಚ್ಚಂ ಯಾತಾನುಪುಬ್ಬಿಯಾ।
Na kareyya yathāvuḍḍhaṃ, vaccaṃ yātānupubbiyā;
ವಚ್ಚಪಸ್ಸಾವಕುಟಿಯೋ, ನ್ಹಾನತಿತ್ಥಞ್ಚ ಲಬ್ಭತಿ॥
Vaccapassāvakuṭiyo, nhānatitthañca labbhati.
೧೫೭.
157.
ಪವಿಸೇಯ್ಯುಬ್ಭಜಿತ್ವಾ ನೋ, ಸಹಸಾ ಪವಿಸೇಯ್ಯ ಚ।
Paviseyyubbhajitvā no, sahasā paviseyya ca;
ಉಕ್ಕಾಸಿತ್ವಾವುಬ್ಭಜೇಯ್ಯ, ಪಾದುಕಾಸ್ವೇವ ಸಣ್ಠಿತೋ॥
Ukkāsitvāvubbhajeyya, pādukāsveva saṇṭhito.
೧೫೮.
158.
ನ ಕರೇ ನಿತ್ಥುನಂ ವಚ್ಚಂ, ದನ್ತಕಟ್ಠಞ್ಚ ಖಾದಯಂ।
Na kare nitthunaṃ vaccaṃ, dantakaṭṭhañca khādayaṃ;
ವಚ್ಚಪಸ್ಸಾವದೋಣೀನಂ, ನ ಕರೇಯ್ಯುಭಯಂ ಬಹಿ॥
Vaccapassāvadoṇīnaṃ, na kareyyubhayaṃ bahi.
೧೫೯.
159.
ಕೂಪೇ ಕಟ್ಠಂ ನ ಪಾತೇಯ್ಯ, ಖೇಳಂ ಪಸ್ಸಾವದೋಣಿಯಾ।
Kūpe kaṭṭhaṃ na pāteyya, kheḷaṃ passāvadoṇiyā;
ನಾವಲೇಖೇಯ್ಯ ಫರುಸೇ-ನುಹತಞ್ಚಾಪಿ ಧೋವಯೇ॥
Nāvalekheyya pharuse-nuhatañcāpi dhovaye.
೧೬೦.
160.
ನ ನಿಕ್ಖಮೇಯ್ಯ ಸಹಸಾ-ವುಬ್ಭಜಿತ್ವಾ ನ ನಿಕ್ಖಮೇ।
Na nikkhameyya sahasā-vubbhajitvā na nikkhame;
ಚಪು ಚಪು ನಾಚಮೇಯ್ಯ, ಉಕ್ಲಾಪಞ್ಚ ವಿಸೋಧಯೇತಿ॥
Capu capu nācameyya, uklāpañca visodhayeti.
