| Library / Tipiṭaka / д̇ибидага • Tipiṭaka / т̇зрийг̇аат̇аабаал̣и • Therīgāthāpāḷi |
7. сад̇д̇аганибаад̇о
7. Sattakanipāto
1. уд̇д̇араат̇зрийг̇аат̇аа
1. Uttarātherīgāthā
175.
175.
‘‘‘мусалаани г̇ахзд̇ваана, д̇хан̃н̃ам̣ годдзнд̇и маан̣аваа;
‘‘‘Musalāni gahetvāna, dhaññaṃ koṭṭenti māṇavā;
буд̇д̇ад̣̇аараани босзнд̇аа, д̇ханам̣ винд̣̇анд̇и маан̣аваа.
Puttadārāni posentā, dhanaṃ vindanti māṇavā.
176.
176.
‘‘‘гхадзт̇а б̣уд̣̇д̇хасаасанз, яам̣ гад̇ваа наануд̇аббад̇и;
‘‘‘Ghaṭetha buddhasāsane, yaṃ katvā nānutappati;
киббам̣ баад̣̇аани д̇ховид̇ваа, згаманд̇ам̣ нисийд̣̇ат̇а.
Khippaṃ pādāni dhovitvā, ekamantaṃ nisīdatha.
177.
177.
‘‘‘жид̇д̇ам̣ убадтабзд̇ваана, згаг̇г̇ам̣ сусамаахид̇ам̣;
‘‘‘Cittaṃ upaṭṭhapetvāna, ekaggaṃ susamāhitaṃ;
бажжавзгкат̇а сан̇каарз, барад̇о но жа ад̇д̇ад̇о’.
Paccavekkhatha saṅkhāre, parato no ca attato’.
178.
178.
‘‘д̇ассаахам̣ важанам̣ суд̇ваа, бадаажаараанусаасаним̣;
‘‘Tassāhaṃ vacanaṃ sutvā, paṭācārānusāsaniṃ;
баад̣̇з багкаалаяид̇ваана, згаманд̇з убаависим̣.
Pāde pakkhālayitvāna, ekamante upāvisiṃ.
179.
179.
‘‘рад̇д̇ияаа буримз яаамз, буб̣б̣аж̇аад̇имануссарим̣;
‘‘Rattiyā purime yāme, pubbajātimanussariṃ;
рад̇д̇ияаа маж̇жхимз яаамз, д̣̇иб̣б̣ажагкум̣ висод̇хаяим̣.
Rattiyā majjhime yāme, dibbacakkhuṃ visodhayiṃ.
180.
180.
‘‘рад̇д̇ияаа бажчимз яаамз, д̇амогканд̇хам̣ бад̣̇аалаяим̣;
‘‘Rattiyā pacchime yāme, tamokkhandhaṃ padālayiṃ;
д̇звиж̇ж̇аа ат̇а вудтаасим̣, гад̇аа д̇з анусаасаний.
Tevijjā atha vuṭṭhāsiṃ, katā te anusāsanī.
181.
181.
‘‘саггам̣ва д̣̇зваа д̇ид̣̇асаа, сан̇г̇аамз абарааж̇ид̇ам̣;
‘‘Sakkaṃva devā tidasā, saṅgāme aparājitaṃ;
бурагкад̇ваа вихассаами, д̇звиж̇ж̇аамхи анаасаваа’’.
Purakkhatvā vihassāmi, tevijjāmhi anāsavā’’.
… уд̇д̇араа т̇зрий….
… Uttarā therī….
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / т̇зрийг̇аат̇аа-адтагат̇аа • Therīgāthā-aṭṭhakathā / 1. уд̇д̇араат̇зрийг̇аат̇ааван̣н̣анаа • 1. Uttarātherīgāthāvaṇṇanā
