| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೯. ಉಪ್ಪಲವಣ್ಣಾಥೇರೀಅಪದಾನಂ
9. Uppalavaṇṇātherīapadānaṃ
೩೮೪.
384.
‘‘ಭಿಕ್ಖುನೀ ಉಪ್ಪಲವಣ್ಣಾ, ಇದ್ಧಿಯಾ ಪಾರಮಿಂ ಗತಾ।
‘‘Bhikkhunī uppalavaṇṇā, iddhiyā pāramiṃ gatā;
ವನ್ದಿತ್ವಾ ಸತ್ಥುನೋ ಪಾದೇ, ಇದಂ ವಚನಮಬ್ರವಿ॥
Vanditvā satthuno pāde, idaṃ vacanamabravi.
೩೮೫.
385.
ಸಬ್ಬದುಕ್ಖಂ ಮಯಾ ಖೀಣಂ, ಆರೋಚೇಮಿ ಮಹಾಮುನಿ॥
Sabbadukkhaṃ mayā khīṇaṃ, ārocemi mahāmuni.
೩೮೬.
386.
‘‘‘ಯಾವತಾ ಪರಿಸಾ ಅತ್ಥಿ, ಪಸನ್ನಾ ಜಿನಸಾಸನೇ।
‘‘‘Yāvatā parisā atthi, pasannā jinasāsane;
ಯಸ್ಸಾ ಚ ಮೇಪರಾಧೋತ್ಥಿ, ಖಮನ್ತು ಜಿನಸಮ್ಮುಖಾ॥
Yassā ca meparādhotthi, khamantu jinasammukhā.
೩೮೭.
387.
೩೮೮.
388.
‘‘‘ಇದ್ಧಿಞ್ಚಾಪಿ ನಿದಸ್ಸೇಹಿ, ಮಮ ಸಾಸನಕಾರಿಕೇ।
‘‘‘Iddhiñcāpi nidassehi, mama sāsanakārike;
ಚತಸ್ಸೋ ಪರಿಸಾ ಅಜ್ಜ, ಕಙ್ಖಂ ಛಿನ್ದಾಹಿ ಯಾವತಾ॥
Catasso parisā ajja, kaṅkhaṃ chindāhi yāvatā.
೩೮೯.
389.
‘‘‘ಧೀತಾ ತುಯ್ಹಂ ಮಹಾವೀರ, ಪಞ್ಞವನ್ತ ಜುತಿನ್ಧರ।
‘‘‘Dhītā tuyhaṃ mahāvīra, paññavanta jutindhara;
ಬಹುಞ್ಚ ದುಕ್ಕರಂ ಕಮ್ಮಂ, ಕತಂ ಮೇ ಅತಿದುಕ್ಕರಂ॥
Bahuñca dukkaraṃ kammaṃ, kataṃ me atidukkaraṃ.
೩೯೦.
390.
‘‘‘ಉಪ್ಪಲಸ್ಸೇವ ಮೇ ವಣ್ಣೋ, ನಾಮೇನುಪ್ಪಲನಾಮಿಕಾ।
‘‘‘Uppalasseva me vaṇṇo, nāmenuppalanāmikā;
ಸಾವಿಕಾ ತೇ ಮಹಾವೀರ, ಪಾದೇ ವನ್ದಾಮಿ ಚಕ್ಖುಮ॥
Sāvikā te mahāvīra, pāde vandāmi cakkhuma.
೩೯೧.
391.
‘‘‘ರಾಹುಲೋ ಚ ಅಹಞ್ಚೇವ, ನೇಕಜಾತಿಸತೇ ಬಹೂ।
‘‘‘Rāhulo ca ahañceva, nekajātisate bahū;
ಏಕಸ್ಮಿಂ ಸಮ್ಭವೇ ಜಾತಾ, ಸಮಾನಛನ್ದಮಾನಸಾ॥
Ekasmiṃ sambhave jātā, samānachandamānasā.
೩೯೨.
392.
ಪಚ್ಛಿಮೇ ಭವೇ ಸಮ್ಪತ್ತೇ, ಉಭೋಪಿ ನಾನಾಸಮ್ಭವಾ॥
Pacchime bhave sampatte, ubhopi nānāsambhavā.
೩೯೩.
393.
‘‘‘ಪುತ್ತೋ ಚ ರಾಹುಲೋ ನಾಮ, ಧೀತಾ ಉಪ್ಪಲಸವ್ಹಯಾ।
‘‘‘Putto ca rāhulo nāma, dhītā uppalasavhayā;
ಪಸ್ಸ ವೀರ ಮಮಂ ಇದ್ಧಿಂ, ಬಲಂ ದಸ್ಸೇಮಿ ಸತ್ಥುನೋ॥
Passa vīra mamaṃ iddhiṃ, balaṃ dassemi satthuno.
೩೯೪.
394.
‘‘‘ಮಹಾಸಮುದ್ದೇ ಚತುರೋ, ಪಕ್ಖಿಪಿ ಹತ್ಥಪಾತಿಯಂ।
‘‘‘Mahāsamudde caturo, pakkhipi hatthapātiyaṃ;
೩೯೫.
395.
‘‘‘ಉಬ್ಬತ್ತಯಿತ್ವಾ ಪಥವಿಂ, ಪಕ್ಖಿಪಿ ಹತ್ಥಪಾತಿಯಂ।
‘‘‘Ubbattayitvā pathaviṃ, pakkhipi hatthapātiyaṃ;
ಚಿತ್ತಂ ಮುಞ್ಜಂ ಯಥಾ ನಾಮ, ಲುಞ್ಚಿ ಕೋಮಾರಕೋ ಯುವಾ॥
Cittaṃ muñjaṃ yathā nāma, luñci komārako yuvā.
೩೯೬.
396.
‘‘‘ಚಕ್ಕವಾಳಸಮಂ ಪಾಣಿಂ, ಛಾದಯಿತ್ವಾನ ಮತ್ಥಕೇ।
‘‘‘Cakkavāḷasamaṃ pāṇiṃ, chādayitvāna matthake;
ವಸ್ಸಾಪೇತ್ವಾನ ಫುಸಿತಂ, ನಾನಾವಣ್ಣಂ ಪುನಪ್ಪುನಂ॥
Vassāpetvāna phusitaṃ, nānāvaṇṇaṃ punappunaṃ.
೩೯೭.
397.
‘‘‘ಭೂಮಿಂ ಉದುಕ್ಖಲಂ ಕತ್ವಾ, ಧಞ್ಞಂ ಕತ್ವಾನ ಸಕ್ಖರಂ।
‘‘‘Bhūmiṃ udukkhalaṃ katvā, dhaññaṃ katvāna sakkharaṃ;
ಸಿನೇರುಂ ಮುಸಲಂ ಕತ್ವಾ, ಮದ್ದಿ ಕೋಮಾರಿಕಾ ಯಥಾ॥
Sineruṃ musalaṃ katvā, maddi komārikā yathā.
೩೯೮.
398.
‘‘‘ಧೀತಾಹಂ ಬುದ್ಧಸೇಟ್ಠಸ್ಸ, ನಾಮೇನುಪ್ಪಲಸವ್ಹಯಾ।
‘‘‘Dhītāhaṃ buddhaseṭṭhassa, nāmenuppalasavhayā;
ಅಭಿಞ್ಞಾಸು ವಸೀಭೂತಾ, ತವ ಸಾಸನಕಾರಿಕಾ॥
Abhiññāsu vasībhūtā, tava sāsanakārikā.
೩೯೯.
399.
‘‘‘ನಾನಾವಿಕುಬ್ಬನಂ ಕತ್ವಾ, ದಸ್ಸೇತ್ವಾ ಲೋಕನಾಯಕಂ।
‘‘‘Nānāvikubbanaṃ katvā, dassetvā lokanāyakaṃ;
೪೦೦.
400.
‘‘‘ಇದ್ಧೀಸು ಚ ವಸೀ ಹೋಮಿ, ದಿಬ್ಬಾಯ ಸೋತಧಾತುಯಾ।
‘‘‘Iddhīsu ca vasī homi, dibbāya sotadhātuyā;
ಚೇತೋಪರಿಯಞಾಣಸ್ಸ, ವಸೀ ಹೋಮಿ ಮಹಾಮುನೇ॥
Cetopariyañāṇassa, vasī homi mahāmune.
೪೦೧.
401.
‘‘‘ಪುಬ್ಬೇನಿವಾಸಂ ಜಾನಾಮಿ, ದಿಬ್ಬಚಕ್ಖು ವಿಸೋಧಿತಂ।
‘‘‘Pubbenivāsaṃ jānāmi, dibbacakkhu visodhitaṃ;
ಸಬ್ಬಾಸವಪರಿಕ್ಖೀಣಾ, ನತ್ಥಿ ದಾನಿ ಪುನಬ್ಭವೋ॥
Sabbāsavaparikkhīṇā, natthi dāni punabbhavo.
೪೦೨.
402.
‘‘‘ಅತ್ಥಧಮ್ಮನಿರುತ್ತೀಸು, ಪಟಿಭಾನೇ ತಥೇವ ಚ।
‘‘‘Atthadhammaniruttīsu, paṭibhāne tatheva ca;
೪೦೩.
403.
ಅಧಿಕಾರಂ ಬಹುಂ ಮಯ್ಹಂ, ತುಯ್ಹತ್ಥಾಯ ಮಹಾಮುನಿ॥
Adhikāraṃ bahuṃ mayhaṃ, tuyhatthāya mahāmuni.
೪೦೪.
404.
‘‘‘ಯಂ ಮಯಾ ಪೂರಿತಂ ಕಮ್ಮಂ, ಕುಸಲಂ ಸರ ಮೇ ಮುನಿ।
‘‘‘Yaṃ mayā pūritaṃ kammaṃ, kusalaṃ sara me muni;
ತವತ್ಥಾಯ ಮಹಾವೀರ, ಪುಞ್ಞಂ ಉಪಚಿತಂ ಮಯಾ॥
Tavatthāya mahāvīra, puññaṃ upacitaṃ mayā.
೪೦೫.
405.
ತವತ್ಥಾಯ ಮಹಾವೀರ, ಚತ್ತಂ ಮೇ ಜೀವಿತುತ್ತಮಂ॥
Tavatthāya mahāvīra, cattaṃ me jīvituttamaṃ.
೪೦೬.
406.
‘‘‘ದಸಕೋಟಿಸಹಸ್ಸಾನಿ , ಅದಾಸಿಂ ಮಮ ಜೀವಿತಂ।
‘‘‘Dasakoṭisahassāni , adāsiṃ mama jīvitaṃ;
ಪರಿಚ್ಚತ್ತಾ ಚ ಮೇ ಹೋಮಿ, ತವತ್ಥಾಯ ಮಹಾಮುನಿ॥
Pariccattā ca me homi, tavatthāya mahāmuni.
೪೦೭.
407.
‘‘‘ತದಾತಿವಿಮ್ಹಿತಾ ಸಬ್ಬಾ, ಸಿರಸಾವ ಕತಞ್ಜಲೀ।
‘‘‘Tadātivimhitā sabbā, sirasāva katañjalī;
ಅವೋಚಯ್ಯೇ ಕಥಂ ಆಸಿ, ಅತುಲಿದ್ಧಿಪರಕ್ಕಮಾ’॥
Avocayye kathaṃ āsi, atuliddhiparakkamā’.
೪೦೮.
408.
‘‘ಸತಸಹಸ್ಸಿತೋ ಕಪ್ಪೇ, ನಾಗಕಞ್ಞಾ ಅಹಂ ತದಾ।
‘‘Satasahassito kappe, nāgakaññā ahaṃ tadā;
ವಿಮಲಾ ನಾಮ ನಾಮೇನ, ಕಞ್ಞಾನಂ ಸಾಧುಸಮ್ಮತಾ॥
Vimalā nāma nāmena, kaññānaṃ sādhusammatā.
೪೦೯.
409.
‘‘ಮಹೋರಗೋ ಮಹಾನಾಗೋ, ಪಸನ್ನೋ ಜಿನಸಾಸನೇ।
‘‘Mahorago mahānāgo, pasanno jinasāsane;
ಪದುಮುತ್ತರಂ ಮಹಾತೇಜಂ, ನಿಮನ್ತೇಸಿ ಸಸಾವಕಂ॥
Padumuttaraṃ mahātejaṃ, nimantesi sasāvakaṃ.
೪೧೦.
410.
‘‘ರತನಮಯಂ ಮಣ್ಡಪಂ, ಪಲ್ಲಙ್ಕಂ ರತನಾಮಯಂ।
‘‘Ratanamayaṃ maṇḍapaṃ, pallaṅkaṃ ratanāmayaṃ;
ರತನಂ ವಾಲುಕಾಕಿಣ್ಣಂ, ಉಪಭೋಗಂ ರತನಾಮಯಂ॥
Ratanaṃ vālukākiṇṇaṃ, upabhogaṃ ratanāmayaṃ.
೪೧೧.
411.
‘‘ಮಗ್ಗಞ್ಚ ಪಟಿಯಾದೇಸಿ, ರತನದ್ಧಜಭೂಸಿತಂ।
‘‘Maggañca paṭiyādesi, ratanaddhajabhūsitaṃ;
ಪಚ್ಚುಗ್ಗನ್ತ್ವಾನ ಸಮ್ಬುದ್ಧಂ, ವಜ್ಜನ್ತೋ ತೂರಿಯೇಹಿ ಸೋ॥
Paccuggantvāna sambuddhaṃ, vajjanto tūriyehi so.
೪೧೨.
412.
ಮಹೋರಗಸ್ಸ ಭವನೇ, ನಿಸೀದಿ ಪರಮಾಸನೇ॥
Mahoragassa bhavane, nisīdi paramāsane.
೪೧೩.
413.
‘‘ಅನ್ನಂ ಪಾನಂ ಖಾದನೀಯಂ, ಭೋಜನಞ್ಚ ಮಹಾರಹಂ।
‘‘Annaṃ pānaṃ khādanīyaṃ, bhojanañca mahārahaṃ;
ವರಂ ವರಞ್ಚ ಪಾದಾಸಿ, ನಾಗರಾಜಾ ಮಹಾಯಸಂ॥
Varaṃ varañca pādāsi, nāgarājā mahāyasaṃ.
೪೧೪.
414.
‘‘ಭುಞ್ಜಿತ್ವಾನ ಸಮ್ಬುದ್ಧೋ, ಪತ್ತಂ ಧೋವಿತ್ವಾ ಯೋನಿಸೋ।
‘‘Bhuñjitvāna sambuddho, pattaṃ dhovitvā yoniso;
ಅನುಮೋದನೀಯಂಕಾಸಿ, ನಾಗಕಞ್ಞಾ ಮಹಿದ್ಧಿಕಾ॥
Anumodanīyaṃkāsi, nāgakaññā mahiddhikā.
೪೧೫.
415.
‘‘ಸಬ್ಬಞ್ಞುಂ ಫುಲ್ಲಿತಂ ದಿಸ್ವಾ, ನಾಗಕಞ್ಞಾ ಮಹಾಯಸಂ।
‘‘Sabbaññuṃ phullitaṃ disvā, nāgakaññā mahāyasaṃ;
ಪಸನ್ನಂ ಸತ್ಥುನೋ ಚಿತ್ತಂ, ಸುನಿಬನ್ಧಞ್ಚ ಮಾನಸಂ॥
Pasannaṃ satthuno cittaṃ, sunibandhañca mānasaṃ.
೪೧೬.
416.
‘‘ಮಮಞ್ಚ ಚಿತ್ತಮಞ್ಞಾಯ, ಜಲಜುತ್ತಮನಾಮಕೋ।
‘‘Mamañca cittamaññāya, jalajuttamanāmako;
ತಸ್ಮಿಂ ಖಣೇ ಮಹಾವೀರೋ, ಭಿಕ್ಖುನಿಂ ದಸ್ಸಯಿದ್ಧಿಯಾ॥
Tasmiṃ khaṇe mahāvīro, bhikkhuniṃ dassayiddhiyā.
೪೧೭.
417.
‘‘ಇದ್ಧೀ ಅನೇಕಾ ದಸ್ಸೇಸಿ, ಭಿಕ್ಖುನೀ ಸಾ ವಿಸಾರದಾ।
‘‘Iddhī anekā dassesi, bhikkhunī sā visāradā;
೪೧೮.
418.
‘‘‘ಅದ್ದಸಾಹಂ ಇಮಂ ಇದ್ಧಿಂ, ಸುಮನಂ ಇತರಾಯಪಿ।
‘‘‘Addasāhaṃ imaṃ iddhiṃ, sumanaṃ itarāyapi;
ಕಥಂ ಅಹೋಸಿ ಸಾ ವೀರ, ಇದ್ಧಿಯಾ ಸುವಿಸಾರದಾ’॥
Kathaṃ ahosi sā vīra, iddhiyā suvisāradā’.
೪೧೯.
419.
‘‘‘ಓರಸಾ ಮುಖತೋ ಜಾತಾ, ಧೀತಾ ಮಮ ಮಹಿದ್ಧಿಕಾ।
‘‘‘Orasā mukhato jātā, dhītā mama mahiddhikā;
ಮಮಾನುಸಾಸನಿಕರಾ, ಇದ್ಧಿಯಾ ಸುವಿಸಾರದಾ’॥
Mamānusāsanikarā, iddhiyā suvisāradā’.
೪೨೦.
420.
ಅಹಮ್ಪಿ ತಾದಿಸಾ ಹೋಮಿ, ಇದ್ಧಿಯಾ ಸುವಿಸಾರದಾ॥
Ahampi tādisā homi, iddhiyā suvisāradā.
೪೨೧.
421.
ಅನಾಗತಮ್ಹಿ ಅದ್ಧಾನೇ, ಈದಿಸಾ ಹೋಮಿ ನಾಯಕ॥
Anāgatamhi addhāne, īdisā homi nāyaka.
೪೨೨.
422.
‘‘ಮಣಿಮಯಮ್ಹಿ ಪಲ್ಲಙ್ಕೇ, ಮಣ್ಡಪಮ್ಹಿ ಪಭಸ್ಸರೇ।
‘‘Maṇimayamhi pallaṅke, maṇḍapamhi pabhassare;
ಅನ್ನಪಾನೇನ ತಪ್ಪೇತ್ವಾ, ಸಸಙ್ಘಂ ಲೋಕನಾಯಕಂ॥
Annapānena tappetvā, sasaṅghaṃ lokanāyakaṃ.
೪೨೩.
423.
‘‘ನಾಗಾನಂ ಪವರಂ ಪುಪ್ಫಂ, ಅರುಣಂ ನಾಮ ಉಪ್ಪಲಂ।
‘‘Nāgānaṃ pavaraṃ pupphaṃ, aruṇaṃ nāma uppalaṃ;
ವಣ್ಣಂ ಮೇ ಈದಿಸಂ ಹೋತು, ಪೂಜೇಸಿಂ ಲೋಕನಾಯಕಂ॥
Vaṇṇaṃ me īdisaṃ hotu, pūjesiṃ lokanāyakaṃ.
೪೨೪.
424.
‘‘ತೇನ ಕಮ್ಮೇನ ಸುಕತೇನ, ಚೇತನಾಪಣಿಧೀಹಿ ಚ।
‘‘Tena kammena sukatena, cetanāpaṇidhīhi ca;
ಜಹಿತ್ವಾ ಮಾನುಸಂ ದೇಹಂ, ತಾವತಿಂಸಮಗಚ್ಛಹಂ॥
Jahitvā mānusaṃ dehaṃ, tāvatiṃsamagacchahaṃ.
೪೨೫.
425.
‘‘ತತೋ ಚುತಾಹಂ ಮನುಜೇ, ಉಪಪನ್ನಾ ಸಯಮ್ಭುನೋ।
‘‘Tato cutāhaṃ manuje, upapannā sayambhuno;
ಉಪ್ಪಲೇಹಿ ಪಟಿಚ್ಛನ್ನಂ, ಪಿಣ್ಡಪಾತಮದಾಸಹಂ॥
Uppalehi paṭicchannaṃ, piṇḍapātamadāsahaṃ.
೪೨೬.
426.
‘‘ಏಕನವುತಿತೋ ಕಪ್ಪೇ, ವಿಪಸ್ಸೀ ನಾಮ ನಾಯಕೋ।
‘‘Ekanavutito kappe, vipassī nāma nāyako;
ಉಪ್ಪಜ್ಜಿ ಚಾರುದಸ್ಸನೋ, ಸಬ್ಬಧಮ್ಮೇಸು ಚಕ್ಖುಮಾ॥
Uppajji cārudassano, sabbadhammesu cakkhumā.
೪೨೭.
427.
‘‘ಸೇಟ್ಠಿಧೀತಾ ತದಾ ಹುತ್ವಾ, ಬಾರಾಣಸಿಪುರುತ್ತಮೇ।
‘‘Seṭṭhidhītā tadā hutvā, bārāṇasipuruttame;
ನಿಮನ್ತೇತ್ವಾನ ಸಮ್ಬುದ್ಧಂ, ಸಸಙ್ಘಂ ಲೋಕನಾಯಕಂ॥
Nimantetvāna sambuddhaṃ, sasaṅghaṃ lokanāyakaṃ.
೪೨೮.
428.
‘‘ಮಹಾದಾನಂ ದದಿತ್ವಾನ, ಉಪ್ಪಲೇಹಿ ವಿನಾಯಕಂ।
‘‘Mahādānaṃ daditvāna, uppalehi vināyakaṃ;
೪೨೯.
429.
‘‘ಇಮಮ್ಹಿ ಭದ್ದಕೇ ಕಪ್ಪೇ, ಬ್ರಹ್ಮಬನ್ಧು ಮಹಾಯಸೋ।
‘‘Imamhi bhaddake kappe, brahmabandhu mahāyaso;
ಕಸ್ಸಪೋ ನಾಮ ಗೋತ್ತೇನ, ಉಪ್ಪಜ್ಜಿ ವದತಂ ವರೋ॥
Kassapo nāma gottena, uppajji vadataṃ varo.
೪೩೦.
430.
‘‘ಉಪಟ್ಠಾಕೋ ಮಹೇಸಿಸ್ಸ, ತದಾ ಆಸಿ ನರಿಸ್ಸರೋ।
‘‘Upaṭṭhāko mahesissa, tadā āsi narissaro;
ಕಾಸಿರಾಜಾ ಕಿಕೀ ನಾಮ, ಬಾರಾಣಸಿಪುರುತ್ತಮೇ॥
Kāsirājā kikī nāma, bārāṇasipuruttame.
೪೩೧.
431.
‘‘ತಸ್ಸಾಸಿಂ ದುತಿಯಾ ಧೀತಾ, ಸಮಣಗುತ್ತಸವ್ಹಯಾ।
‘‘Tassāsiṃ dutiyā dhītā, samaṇaguttasavhayā;
ಧಮ್ಮಂ ಸುತ್ವಾ ಜಿನಗ್ಗಸ್ಸ, ಪಬ್ಬಜ್ಜಂ ಸಮರೋಚಯಿಂ॥
Dhammaṃ sutvā jinaggassa, pabbajjaṃ samarocayiṃ.
೪೩೨.
432.
‘‘ಅನುಜಾನಿ ನ ನೋ ತಾತೋ, ಅಗಾರೇವ ತದಾ ಮಯಂ।
‘‘Anujāni na no tāto, agāreva tadā mayaṃ;
ವೀಸವಸ್ಸಸಹಸ್ಸಾನಿ, ವಿಚರಿಮ್ಹ ಅತನ್ದಿತಾ॥
Vīsavassasahassāni, vicarimha atanditā.
೪೩೩.
433.
‘‘ಕೋಮಾರಿಬ್ರಹ್ಮಚರಿಯಂ, ರಾಜಕಞ್ಞಾ ಸುಖೇಧಿತಾ।
‘‘Komāribrahmacariyaṃ, rājakaññā sukhedhitā;
ಬುದ್ಧೋಪಟ್ಠಾನನಿರತಾ, ಮುದಿತಾ ಸತ್ತಧೀತರೋ॥
Buddhopaṭṭhānaniratā, muditā sattadhītaro.
೪೩೪.
434.
೪೩೫.
435.
‘‘ಅಹಂ ಖೇಮಾ ಚ ಸಪ್ಪಞ್ಞಾ, ಪಟಾಚಾರಾ ಚ ಕುಣ್ಡಲಾ।
‘‘Ahaṃ khemā ca sappaññā, paṭācārā ca kuṇḍalā;
ಕಿಸಾಗೋತಮೀ ಧಮ್ಮದಿನ್ನಾ, ವಿಸಾಖಾ ಹೋತಿ ಸತ್ತಮೀ॥
Kisāgotamī dhammadinnā, visākhā hoti sattamī.
೪೩೬.
436.
‘‘ತೇಹಿ ಕಮ್ಮೇಹಿ ಸುಕತೇಹಿ, ಚೇತನಾಪಣಿಧೀಹಿ ಚ।
‘‘Tehi kammehi sukatehi, cetanāpaṇidhīhi ca;
ಜಹಿತ್ವಾ ಮಾನುಸಂ ದೇಹಂ, ತಾವತಿಂಸಮಗಚ್ಛಹಂ॥
Jahitvā mānusaṃ dehaṃ, tāvatiṃsamagacchahaṃ.
೪೩೭.
437.
‘‘ತತೋ ಚುತಾ ಮನುಸ್ಸೇಸು, ಉಪಪನ್ನಾ ಮಹಾಕುಲೇ।
‘‘Tato cutā manussesu, upapannā mahākule;
ಪೀತಂ ಮಟ್ಠಂ ವರಂ ದುಸ್ಸಂ, ಅದಂ ಅರಹತೋ ಅಹಂ॥
Pītaṃ maṭṭhaṃ varaṃ dussaṃ, adaṃ arahato ahaṃ.
೪೩೮.
438.
‘‘ತತೋ ಚುತಾರಿಟ್ಠಪುರೇ, ಜಾತಾ ವಿಪ್ಪಕುಲೇ ಅಹಂ।
‘‘Tato cutāriṭṭhapure, jātā vippakule ahaṃ;
ಧೀತಾ ತಿರಿಟಿವಚ್ಛಸ್ಸ, ಉಮ್ಮಾದನ್ತೀ ಮನೋಹರಾ॥
Dhītā tiriṭivacchassa, ummādantī manoharā.
೪೩೯.
439.
‘‘ತತೋ ಚುತಾ ಜನಪದೇ, ಕುಲೇ ಅಞ್ಞತರೇ ಅಹಂ।
‘‘Tato cutā janapade, kule aññatare ahaṃ;
ಪಸೂತಾ ನಾತಿಫೀತಮ್ಹಿ, ಸಾಲಿಂ ಗೋಪೇಮಹಂ ತದಾ॥
Pasūtā nātiphītamhi, sāliṃ gopemahaṃ tadā.
೪೪೦.
440.
‘‘ದಿಸ್ವಾ ಪಚ್ಚೇಕಸಮ್ಬುದ್ಧಂ, ಪಞ್ಚಲಾಜಾಸತಾನಿಹಂ।
‘‘Disvā paccekasambuddhaṃ, pañcalājāsatānihaṃ;
ದತ್ವಾ ಪದುಮಚ್ಛನ್ನಾನಿ, ಪಞ್ಚ ಪುತ್ತಸತಾನಿಹಂ॥
Datvā padumacchannāni, pañca puttasatānihaṃ.
೪೪೧.
441.
‘‘ಪತ್ಥಯಿಂ ತೇಪಿ ಪತ್ಥೇಸುಂ, ಮಧುಂ ದತ್ವಾ ಸಯಮ್ಭುನೋ।
‘‘Patthayiṃ tepi patthesuṃ, madhuṃ datvā sayambhuno;
ತತೋ ಚುತಾ ಅರಞ್ಞೇಹಂ, ಅಜಾಯಿಂ ಪದುಮೋದರೇ॥
Tato cutā araññehaṃ, ajāyiṃ padumodare.
೪೪೨.
442.
‘‘ಕಾಸಿರಞ್ಞೋ ಮಹೇಸೀಹಂ, ಹುತ್ವಾ ಸಕ್ಕತಪೂಜಿತಾ।
‘‘Kāsirañño mahesīhaṃ, hutvā sakkatapūjitā;
ಅಜನಿಂ ರಾಜಪುತ್ತಾನಂ, ಅನೂನಂ ಸತಪಞ್ಚಕಂ॥
Ajaniṃ rājaputtānaṃ, anūnaṃ satapañcakaṃ.
೪೪೩.
443.
‘‘ಯದಾ ತೇ ಯೋಬ್ಬನಪ್ಪತ್ತಾ, ಕೀಳನ್ತಾ ಜಲಕೀಳಿತಂ।
‘‘Yadā te yobbanappattā, kīḷantā jalakīḷitaṃ;
ದಿಸ್ವಾ ಓಪತ್ತಪದುಮಂ, ಆಸುಂ ಪಚ್ಚೇಕನಾಯಕಾ॥
Disvā opattapadumaṃ, āsuṃ paccekanāyakā.
೪೪೪.
444.
ಚುತಾ ಇಸಿಗಿಲಿಪಸ್ಸೇ, ಗಾಮಕಮ್ಹಿ ಅಜಾಯಿಹಂ॥
Cutā isigilipasse, gāmakamhi ajāyihaṃ.
೪೪೫.
445.
ಯಾಗುಂ ಆದಾಯ ಗಚ್ಛನ್ತೀ, ಅಟ್ಠ ಪಚ್ಚೇಕನಾಯಕೇ॥
Yāguṃ ādāya gacchantī, aṭṭha paccekanāyake.
೪೪೬.
446.
‘‘ಭಿಕ್ಖಾಯ ಗಾಮಂ ಗಚ್ಛನ್ತೇ, ದಿಸ್ವಾ ಪುತ್ತೇ ಅನುಸ್ಸರಿಂ।
‘‘Bhikkhāya gāmaṃ gacchante, disvā putte anussariṃ;
ಖೀರಧಾರಾ ವಿನಿಗ್ಗಚ್ಛಿ, ತದಾ ಮೇ ಪುತ್ತಪೇಮಸಾ॥
Khīradhārā viniggacchi, tadā me puttapemasā.
೪೪೭.
447.
‘‘ತತೋ ತೇಸಂ ಅದಂ ಯಾಗುಂ, ಪಸನ್ನಾ ಸೇಹಿ ಪಾಣಿಭಿ।
‘‘Tato tesaṃ adaṃ yāguṃ, pasannā sehi pāṇibhi;
ತತೋ ಚುತಾಹಂ ತಿದಸಂ, ನನ್ದನಂ ಉಪಪಜ್ಜಹಂ॥
Tato cutāhaṃ tidasaṃ, nandanaṃ upapajjahaṃ.
೪೪೮.
448.
‘‘ಅನುಭೋತ್ವಾ ಸುಖಂ ದುಕ್ಖಂ, ಸಂಸರಿತ್ವಾ ಭವಾಭವೇ।
‘‘Anubhotvā sukhaṃ dukkhaṃ, saṃsaritvā bhavābhave;
ತವತ್ಥಾಯ ಮಹಾವೀರ, ಪರಿಚ್ಚತ್ತಞ್ಚ ಜೀವಿತಂ॥
Tavatthāya mahāvīra, pariccattañca jīvitaṃ.
೪೪೯.
449.
‘‘ಏವಂ ಬಹುವಿಧಂ ದುಕ್ಖಂ, ಸಮ್ಪತ್ತೀ ಚ ಬಹುಬ್ಬಿಧಾ।
‘‘Evaṃ bahuvidhaṃ dukkhaṃ, sampattī ca bahubbidhā;
ಪಚ್ಛಿಮೇ ಭವೇ ಸಮ್ಪತ್ತೇ, ಜಾತಾ ಸಾವತ್ಥಿಯಂ ಪುರೇ॥
Pacchime bhave sampatte, jātā sāvatthiyaṃ pure.
೪೫೦.
450.
‘‘ಮಹಾಧನಸೇಟ್ಠಿಕುಲೇ, ಸುಖಿತೇ ಸಜ್ಜಿತೇ ತಥಾ।
‘‘Mahādhanaseṭṭhikule, sukhite sajjite tathā;
ನಾನಾರತನಪಜ್ಜೋತೇ, ಸಬ್ಬಕಾಮಸಮಿದ್ಧಿನೇ॥
Nānāratanapajjote, sabbakāmasamiddhine.
೪೫೧.
451.
‘‘ಸಕ್ಕತಾ ಪೂಜಿತಾ ಚೇವ, ಮಾನಿತಾಪಚಿತಾ ತಥಾ।
‘‘Sakkatā pūjitā ceva, mānitāpacitā tathā;
೪೫೨.
452.
‘‘ಅತೀವ ಪತ್ಥಿತಾ ಚಾಸಿಂ, ರೂಪಭೋಗಸಿರೀಹಿ ಚ।
‘‘Atīva patthitā cāsiṃ, rūpabhogasirīhi ca;
ಪತ್ಥಿತಾ ಸೇಟ್ಠಿಪುತ್ತೇಹಿ, ಅನೇಕೇಹಿ ಸತೇಹಿಪಿ॥
Patthitā seṭṭhiputtehi, anekehi satehipi.
೪೫೩.
453.
‘‘ಅಗಾರಂ ಪಜಹಿತ್ವಾನ, ಪಬ್ಬಜಿಂ ಅನಗಾರಿಯಂ।
‘‘Agāraṃ pajahitvāna, pabbajiṃ anagāriyaṃ;
ಅಡ್ಢಮಾಸೇ ಅಸಮ್ಪತ್ತೇ, ಚತುಸಚ್ಚಮಪಾಪುಣಿಂ॥
Aḍḍhamāse asampatte, catusaccamapāpuṇiṃ.
೪೫೪.
454.
‘‘ಇದ್ಧಿಯಾ ಅಭಿನಿಮ್ಮಿತ್ವಾ, ಚತುರಸ್ಸಂ ರಥಂ ಅಹಂ।
‘‘Iddhiyā abhinimmitvā, caturassaṃ rathaṃ ahaṃ;
ಬುದ್ಧಸ್ಸ ಪಾದೇ ವನ್ದಿಸ್ಸಂ, ಲೋಕನಾಥಸ್ಸ ತಾದಿನೋ॥
Buddhassa pāde vandissaṃ, lokanāthassa tādino.
೪೫೫.
455.
‘‘‘ಸುಪುಪ್ಫಿತಗ್ಗಂ ಉಪಗಮ್ಮ ಪಾದಪಂ 43, ಏಕಾ ತುವಂ ತಿಟ್ಠಸಿ ಸಾಲಮೂಲೇ।
‘‘‘Supupphitaggaṃ upagamma pādapaṃ 44, ekā tuvaṃ tiṭṭhasi sālamūle;
ನ ಚಾಪಿ ತೇ ದುತಿಯೋ ಅತ್ಥಿ ಕೋಚಿ 45, ಬಾಲೇ ನ ತ್ವಂ ಭಾಯಸಿ ಧುತ್ತಕಾನಂ’॥
Na cāpi te dutiyo atthi koci 46, bāle na tvaṃ bhāyasi dhuttakānaṃ’.
೪೫೬.
456.
‘‘‘ಸತಂ ಸಹಸ್ಸಾನಿಪಿ ಧುತ್ತಕಾನಂ 47, ಸಮಾಗತಾ ಏದಿಸಕಾ ಭವೇಯ್ಯುಂ।
‘‘‘Sataṃ sahassānipi dhuttakānaṃ 48, samāgatā edisakā bhaveyyuṃ;
ಲೋಮಂ ನ ಇಞ್ಜೇ ನ ಸಮ್ಪವೇಧೇ, ಕಿಂ ಮೇ ತುವಂ ಮಾರ ಕರಿಸ್ಸಸೇಕೋ 49॥
Lomaṃ na iñje na sampavedhe, kiṃ me tuvaṃ māra karissaseko 50.
೪೫೭.
457.
‘‘‘ಏಸಾ ಅನ್ತರಧಾಯಾಮಿ, ಕುಚ್ಛಿಂ ವಾ ಪವಿಸಾಮಿ ತೇ।
‘‘‘Esā antaradhāyāmi, kucchiṃ vā pavisāmi te;
ಭಮುಕನ್ತರಿಕಾಯಮ್ಪಿ, ತಿಟ್ಠನ್ತಿಂ ಮಂ ನ ದಕ್ಖಸಿ॥
Bhamukantarikāyampi, tiṭṭhantiṃ maṃ na dakkhasi.
೪೫೮.
458.
‘‘‘ಚಿತ್ತಸ್ಮಿಂ ವಸೀಭೂತಾಮ್ಹಿ, ಇದ್ಧಿಪಾದಾ ಸುಭಾವಿತಾ।
‘‘‘Cittasmiṃ vasībhūtāmhi, iddhipādā subhāvitā;
ಸಬ್ಬಬನ್ಧನಮುತ್ತಾಮ್ಹಿ, ನ ತಂ ಭಾಯಾಮಿ ಆವುಸೋ॥
Sabbabandhanamuttāmhi, na taṃ bhāyāmi āvuso.
೪೫೯.
459.
‘‘‘ಸತ್ತಿಸೂಲೂಪಮಾ ಕಾಮಾ, ಖನ್ಧಾಸಂ ಅಧಿಕುಟ್ಟನಾ।
‘‘‘Sattisūlūpamā kāmā, khandhāsaṃ adhikuṭṭanā;
ಯಂ ತ್ವಂ ಕಾಮರತಿಂ ಬ್ರೂಸಿ, ಅರತೀ ದಾನಿ ಸಾ ಮಮ॥
Yaṃ tvaṃ kāmaratiṃ brūsi, aratī dāni sā mama.
೪೬೦.
460.
‘‘‘ಸಬ್ಬತ್ಥ ವಿಹತಾ ನನ್ದೀ, ತಮೋಖನ್ಧೋ ಪದಾಲಿತೋ।
‘‘‘Sabbattha vihatā nandī, tamokhandho padālito;
ಏವಂ ಜಾನಾಹಿ ಪಾಪಿಮ, ನಿಹತೋ ತ್ವಮಸಿ ಅನ್ತಕ’॥
Evaṃ jānāhi pāpima, nihato tvamasi antaka’.
೪೬೧.
461.
‘‘ಜಿನೋ ತಮ್ಹಿ ಗುಣೇ ತುಟ್ಠೋ, ಏತದಗ್ಗೇ ಠಪೇಸಿ ಮಂ।
‘‘Jino tamhi guṇe tuṭṭho, etadagge ṭhapesi maṃ;
ಅಗ್ಗಾ ಇದ್ಧಿಮತೀನನ್ತಿ, ಪರಿಸಾಸು ವಿನಾಯಕೋ॥
Aggā iddhimatīnanti, parisāsu vināyako.
೪೬೨.
462.
‘‘ಪರಿಚಿಣ್ಣೋ ಮಯಾ ಸತ್ಥಾ, ಕತಂ ಬುದ್ಧಸ್ಸ ಸಾಸನಂ।
‘‘Pariciṇṇo mayā satthā, kataṃ buddhassa sāsanaṃ;
ಓಹಿತೋ ಗರುಕೋ ಭಾರೋ, ಭವನೇತ್ತಿ ಸಮೂಹತಾ॥
Ohito garuko bhāro, bhavanetti samūhatā.
೪೬೩.
463.
‘‘ಯಸ್ಸತ್ಥಾಯ ಪಬ್ಬಜಿತಾ, ಅಗಾರಸ್ಮಾನಗಾರಿಯಂ।
‘‘Yassatthāya pabbajitā, agārasmānagāriyaṃ;
ಸೋ ಮೇ ಅತ್ಥೋ ಅನುಪ್ಪತ್ತೋ, ಸಬ್ಬಸಂಯೋಜನಕ್ಖಯೋ॥
So me attho anuppatto, sabbasaṃyojanakkhayo.
೪೬೪.
464.
‘‘ಚೀವರಂ ಪಿಣ್ಡಪಾತಞ್ಚ, ಪಚ್ಚಯಂ ಸಯನಾಸನಂ।
‘‘Cīvaraṃ piṇḍapātañca, paccayaṃ sayanāsanaṃ;
ಖಣೇನ ಉಪನಾಮೇನ್ತಿ, ಸಹಸ್ಸಾನಿ ಸಮನ್ತತೋ॥
Khaṇena upanāmenti, sahassāni samantato.
೪೬೫.
465.
‘‘ಕಿಲೇಸಾ ಝಾಪಿತಾ ಮಯ್ಹಂ…ಪೇ॰… ವಿಹರಾಮಿ ಅನಾಸವಾ।
‘‘Kilesā jhāpitā mayhaṃ…pe… viharāmi anāsavā;
೪೬೬.
466.
‘‘ಸ್ವಾಗತಂ ವತ ಮೇ ಆಸಿ…ಪೇ॰… ಕತಂ ಬುದ್ಧಸ್ಸ ಸಾಸನಂ॥
‘‘Svāgataṃ vata me āsi…pe… kataṃ buddhassa sāsanaṃ.
೪೬೭.
467.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಉಪ್ಪಲವಣ್ಣಾ ಭಿಕ್ಖುನೀ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ uppalavaṇṇā bhikkhunī imā gāthāyo abhāsitthāti.
ಉಪ್ಪಲವಣ್ಣಾಥೇರಿಯಾಪದಾನಂ ನವಮಂ।
Uppalavaṇṇātheriyāpadānaṃ navamaṃ.
Footnotes:
