| Library / Tipiṭaka / তিপিটক • Tipiṭaka / মিলিন্দপঞ্হপাল়ি • Milindapañhapāḷi |
৯. উপ্পজ্জতিজাননপঞ্হো
9. Uppajjatijānanapañho
৯. রাজা আহ ‘‘ভন্তে নাগসেন, যো উপ্পজ্জতি, জানাতি সো ‘উপ্পজ্জিস্সামী’’’তি? ‘‘আম, মহারাজ, যো উপ্পজ্জতি জানাতি সো ‘উপ্পজ্জিস্সামী’’’তি। ‘‘ওপম্মং করোহী’’তি। ‘‘যথা, মহারাজ, কস্সকো গহপতিকো বীজানি পথৰিযং নিক্খিপিত্ৰা সম্মা দেৰে ৰস্সন্তে জানাতি ‘ধঞ্ঞং নিব্বত্তিস্সতী’’’তি? ‘‘আম, ভন্তে, জানেয্যা’’তি। ‘‘এৰমেৰ খো, মহারাজ, যো উপ্পজ্জতি, জানাতি সো ‘উপ্পজ্জিস্সামী’’’তি।
9. Rājā āha ‘‘bhante nāgasena, yo uppajjati, jānāti so ‘uppajjissāmī’’’ti? ‘‘Āma, mahārāja, yo uppajjati jānāti so ‘uppajjissāmī’’’ti. ‘‘Opammaṃ karohī’’ti. ‘‘Yathā, mahārāja, kassako gahapatiko bījāni pathaviyaṃ nikkhipitvā sammā deve vassante jānāti ‘dhaññaṃ nibbattissatī’’’ti? ‘‘Āma, bhante, jāneyyā’’ti. ‘‘Evameva kho, mahārāja, yo uppajjati, jānāti so ‘uppajjissāmī’’’ti.
‘‘কল্লোসি, ভন্তে নাগসেনা’’তি।
‘‘Kallosi, bhante nāgasenā’’ti.
উপ্পজ্জতিজাননপঞ্হো নৰমো।
Uppajjatijānanapañho navamo.
