| Library / Tipiṭaka / திபிடக • Tipiṭaka / உதா³னபாளி • Udānapāḷi |
10. உப்பஜ்ஜந்திஸுத்தங்
10. Uppajjantisuttaṃ
60. ஏவங் மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ ஆராமே. அத² கோ² ஆயஸ்மா ஆனந்தோ³ யேன ப⁴க³வா தேனுபஸங்கமி; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³. ஏகமந்தங் நிஸின்னோ கோ² ஆயஸ்மா ஆனந்தோ³ ப⁴க³வந்தங் ஏதத³வோச –
60. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Atha kho āyasmā ānando yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā ānando bhagavantaṃ etadavoca –
‘‘யாவகீவஞ்ச, ப⁴ந்தே, ததா²க³தா லோகே நுப்பஜ்ஜந்தி அரஹந்தோ ஸம்மாஸம்பு³த்³தா⁴ தாவ அஞ்ஞதித்தி²யா பரிப்³பா³ஜகா ஸக்கதா ஹொந்தி க³ருகதா மானிதா பூஜிதா அபசிதா லாபி⁴னோ சீவரபிண்ட³பாதஸேனாஸனகி³லானபச்சயபே⁴ஸஜ்ஜபரிக்கா²ரானங். யதோ ச கோ², ப⁴ந்தே, ததா²க³தா லோகே உப்பஜ்ஜந்தி அரஹந்தோ ஸம்மாஸம்பு³த்³தா⁴ அத² அஞ்ஞதித்தி²யா பரிப்³பா³ஜகா அஸக்கதா ஹொந்தி அக³ருகதா அமானிதா அபூஜிதா அனபசிதா ந லாபி⁴னோ சீவரபிண்ட³பாதஸேனாஸனகி³லானபச்சயபே⁴ஸஜ்ஜபரிக்கா²ரானங். ப⁴க³வா யேவ 1 தா³னி, ப⁴ந்தே, ஸக்கதோ ஹோதி க³ருகதோ மானிதோ பூஜிதோ அபசிதோ லாபீ⁴ சீவரபிண்ட³பாதஸேனாஸனகி³லானபச்சயபே⁴ஸஜ்ஜபரிக்கா²ரானங், பி⁴க்கு²ஸங்கோ⁴ சா’’தி.
‘‘Yāvakīvañca, bhante, tathāgatā loke nuppajjanti arahanto sammāsambuddhā tāva aññatitthiyā paribbājakā sakkatā honti garukatā mānitā pūjitā apacitā lābhino cīvarapiṇḍapātasenāsanagilānapaccayabhesajjaparikkhārānaṃ. Yato ca kho, bhante, tathāgatā loke uppajjanti arahanto sammāsambuddhā atha aññatitthiyā paribbājakā asakkatā honti agarukatā amānitā apūjitā anapacitā na lābhino cīvarapiṇḍapātasenāsanagilānapaccayabhesajjaparikkhārānaṃ. Bhagavā yeva 2 dāni, bhante, sakkato hoti garukato mānito pūjito apacito lābhī cīvarapiṇḍapātasenāsanagilānapaccayabhesajjaparikkhārānaṃ, bhikkhusaṅgho cā’’ti.
‘‘ஏவமேதங் , ஆனந்த³, யாவகீவஞ்ச, ஆனந்த³, ததா²க³தா லோகே நுப்பஜ்ஜந்தி அரஹந்தோ ஸம்மாஸம்பு³த்³தா⁴ தாவ அஞ்ஞதித்தி²யா பரிப்³பா³ஜகா ஸக்கதா ஹொந்தி க³ருகதா மானிதா பூஜிதா அபசிதா லாபி⁴னோ சீவரபிண்ட³பாதஸேனாஸனகி³லானபச்சயபே⁴ஸஜ்ஜபரிக்கா²ரானங். யதோ ச கோ², ஆனந்த³, ததா²க³தா லோகே உப்பஜ்ஜந்தி அரஹந்தோ ஸம்மாஸம்பு³த்³தா⁴ அத² அஞ்ஞதித்தி²யா பரிப்³பா³ஜகா அஸக்கதா ஹொந்தி அக³ருகதா அமானிதா அபூஜிதா அனபசிதா ந லாபி⁴னோ சீவரபிண்ட³பாதஸேனாஸனகி³லானபச்சயபே⁴ஸஜ்ஜபரிக்கா²ரானங். ததா²க³தோவ 3 தா³னி ஸக்கதோ ஹோதி க³ருகதோ மானிதோ பூஜிதோ அபசிதோ லாபீ⁴ சீவரபிண்ட³பாதஸேனாஸனகி³லானபச்சயபே⁴ஸஜ்ஜபரிக்கா²ரானங், பி⁴க்கு²ஸங்கோ⁴ சா’’தி.
‘‘Evametaṃ , ānanda, yāvakīvañca, ānanda, tathāgatā loke nuppajjanti arahanto sammāsambuddhā tāva aññatitthiyā paribbājakā sakkatā honti garukatā mānitā pūjitā apacitā lābhino cīvarapiṇḍapātasenāsanagilānapaccayabhesajjaparikkhārānaṃ. Yato ca kho, ānanda, tathāgatā loke uppajjanti arahanto sammāsambuddhā atha aññatitthiyā paribbājakā asakkatā honti agarukatā amānitā apūjitā anapacitā na lābhino cīvarapiṇḍapātasenāsanagilānapaccayabhesajjaparikkhārānaṃ. Tathāgatova 4 dāni sakkato hoti garukato mānito pūjito apacito lābhī cīvarapiṇḍapātasenāsanagilānapaccayabhesajjaparikkhārānaṃ, bhikkhusaṅgho cā’’ti.
அத² கோ² ப⁴க³வா ஏதமத்த²ங் விதி³த்வா தாயங் வேலாயங் இமங் உதா³னங் உதா³னேஸி –
Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi –
‘‘ஓபா⁴ஸதி தாவ ஸோ கிமி,
‘‘Obhāsati tāva so kimi,
ஹதப்பபோ⁴ ஹோதி ந சாபி பா⁴ஸதி.
Hatappabho hoti na cāpi bhāsati.
யாவ ஸம்மாஸம்பு³த்³தா⁴ லோகே நுப்பஜ்ஜந்தி;
Yāva sammāsambuddhā loke nuppajjanti;
ந தக்கிகா ஸுஜ்ஜ²ந்தி ந சாபி ஸாவகா,
Na takkikā sujjhanti na cāpi sāvakā,
து³த்³தி³ட்டீ² ந து³க்கா² பமுச்சரே’’தி. த³ஸமங்;
Duddiṭṭhī na dukkhā pamuccare’’ti. dasamaṃ;
தஸ்ஸுத்³தா³னங் –
Tassuddānaṃ –
ஆயுஜடிலவெக்க²ணா, தயோ தித்தி²யா ஸுபூ⁴தி;
Āyujaṭilavekkhaṇā, tayo titthiyā subhūti;
க³ணிகா உபாதி நவமோ, உப்பஜ்ஜந்தி ச தே த³ஸாதி.
Gaṇikā upāti navamo, uppajjanti ca te dasāti.
ஜச்சந்த⁴வக்³கோ³ ச²ட்டோ² நிட்டி²தோ.
Jaccandhavaggo chaṭṭho niṭṭhito.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / உதா³ன-அட்ட²கதா² • Udāna-aṭṭhakathā / 10. உப்பஜ்ஜந்திஸுத்தவண்ணனா • 10. Uppajjantisuttavaṇṇanā
