| Library / Tipiṭaka / တိပိဋက • Tipiṭaka / ပာစိတ္ယာဒိယောဇနာပာဠိ • Pācityādiyojanāpāḷi |
၇၇. ဥပောသထဘေဒာဒိကထာ
77. Uposathabhedādikathā
၁၄၉. ပန္နရသိကသ္သ ပုဗ္ဗကိစ္စသ္သ ပာဠိယံ အာဂတတ္တာ စာတုဒ္ဒသိကသ္သေဝ ပုဗ္ဗကိစ္စံ ဒသ္သေန္တော အာဟ ‘‘အဇ္ဇုပောသထော စာတုဒ္ဒသော’’တိ။
149. Pannarasikassa pubbakiccassa pāḷiyaṃ āgatattā cātuddasikasseva pubbakiccaṃ dassento āha ‘‘ajjuposatho cātuddaso’’ti.
‘‘အဓမ္မေန ဝဂ္ဂ’’န္တိအာဒီသု ဝိနိစ္ဆယော ဧဝံ ဝေဒိတဗ္ဗောတိ ယောဇနာ။ အဓမ္မေန ဝဂ္ဂန္တိ ဧတ္ထ အဓမ္မံ နာမ ဧကသ္မိံ ဝိဟာရေ စတုန္နံ ဘိက္ခူနံ သုတ္တုဒ္ဒေသဥပောသထမကတ္ဝာ ပာရိသုဒ္ဓိဥပောသထကရဏဉ္စ တိဏ္ဏံ ပာရိသုဒ္ဓိဥပောသထမကတ္ဝာ သုတ္တုဒ္ဒေသကရဏဉ္စ။ ဝဂ္ဂံ နာမ သဗ္ဗေဝ အသန္နိပတိတ္ဝာ ဧကသ္သ ဆန္ဒပာရိသုဒ္ဓိဟရဏံ။ ဆန္ဒပာရိသုဒ္ဓိ နာမ သင္ဃမဇ္ဈံယေဝ အာဂစ္ဆတိ, န ဂဏမဇ္ဈံ, န ပုဂ္ဂလသ္သ သန္တိကံ။ အဓမ္မေန သမဂ္ဂန္တိ ဧတ္ထ အဓမ္မံ ဝုတ္တနယမေဝ။ သမဂ္ဂံ နာမ သဗ္ဗေသံ သန္နိပတနံ။ ဓမ္မေန ဝဂ္ဂန္တိ ဧတ္ထ ဓမ္မံ နာမ စတုန္နံ သုတ္တုဒ္ဒေသဥပောသထကရဏဉ္စ တိဏ္ဏံ ပာရိသုဒ္ဓိဥပောသထကရဏဉ္စ။ ဝဂ္ဂံ ဝုတ္တနယမေဝ။
‘‘Adhammena vagga’’ntiādīsu vinicchayo evaṃ veditabboti yojanā. Adhammena vagganti ettha adhammaṃ nāma ekasmiṃ vihāre catunnaṃ bhikkhūnaṃ suttuddesauposathamakatvā pārisuddhiuposathakaraṇañca tiṇṇaṃ pārisuddhiuposathamakatvā suttuddesakaraṇañca. Vaggaṃ nāma sabbeva asannipatitvā ekassa chandapārisuddhiharaṇaṃ. Chandapārisuddhi nāma saṅghamajjhaṃyeva āgacchati, na gaṇamajjhaṃ, na puggalassa santikaṃ. Adhammena samagganti ettha adhammaṃ vuttanayameva. Samaggaṃ nāma sabbesaṃ sannipatanaṃ. Dhammena vagganti ettha dhammaṃ nāma catunnaṃ suttuddesauposathakaraṇañca tiṇṇaṃ pārisuddhiuposathakaraṇañca. Vaggaṃ vuttanayameva.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝဂ္ဂပာဠိ • Mahāvaggapāḷi / ၇၇. ဥပောသထဘေဒာဒိ • 77. Uposathabhedādi
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝဂ္ဂ-အဋ္ဌကထာ • Mahāvagga-aṭṭhakathā / ဥပောသထဘေဒာဒိကထာ • Uposathabhedādikathā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ဥပောသထဘေဒာဒိကထာဝဏ္ဏနာ • Uposathabhedādikathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ဥပောသထဘေဒာဒိကထာဝဏ္ဏနာ • Uposathabhedādikathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ဥပောသထဘေဒာဒိကထာဝဏ္ဏနာ • Uposathabhedādikathāvaṇṇanā
