| Library / Tipiṭaka / တိပိဋက • Tipiṭaka / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) |
၆. ဥပယဝဂ္ဂော
6. Upayavaggo
၁. ဥပယသုတ္တဝဏ္ဏနာ
1. Upayasuttavaṇṇanā
၅၃. ဥပယဝဂ္ဂသ္သ ပဌမေ ဥပယောတိ တဏ္ဟာမာနဒိဋ္ဌိဝသေန ပဉ္စက္ခန္ဓေ ဥပဂတော။ ဝိညာဏန္တိ ကမ္မဝိညာဏံ။ အာပဇ္ဇေယ္ယာတိ ကမ္မံ ဇဝာပေတ္ဝာ ပဋိသန္ဓိအာကဍ္ဎနသမတ္ထတာယ ဝုဒ္ဓိအာဒီနိ အာပဇ္ဇေယ္ယ။ ဝိညာဏုပယန္တိ ပဒသ္သ အဂ္ဂဟဏေ ကာရဏံ ဝုတ္တမေဝ။ ဝောစ္ဆိဇ္ဇတာရမ္မဏန္တိ ပဋိသန္ဓိအာကဍ္ဎနသမတ္ထတာယ အဘာဝေန အာရမ္မဏံ ဝောစ္ဆိဇ္ဇတိ။ ပတိဋ္ဌာ ဝိညာဏသ္သာတိ ကမ္မဝိညာဏသ္သ ပတိဋ္ဌာ န ဟောတိ။ တဒပ္ပတိဋ္ဌိတန္တိ တံ အပ္ပတိဋ္ဌိတံ။ အနဘိသင္ခစ္စ ဝိမုတ္တန္တိ ပဋိသန္ဓိံ အနဘိသင္ခရိတ္ဝာ ဝိမုတ္တံ။ ပဌမံ။
53. Upayavaggassa paṭhame upayoti taṇhāmānadiṭṭhivasena pañcakkhandhe upagato. Viññāṇanti kammaviññāṇaṃ. Āpajjeyyāti kammaṃ javāpetvā paṭisandhiākaḍḍhanasamatthatāya vuddhiādīni āpajjeyya. Viññāṇupayanti padassa aggahaṇe kāraṇaṃ vuttameva. Vocchijjatārammaṇanti paṭisandhiākaḍḍhanasamatthatāya abhāvena ārammaṇaṃ vocchijjati. Patiṭṭhā viññāṇassāti kammaviññāṇassa patiṭṭhā na hoti. Tadappatiṭṭhitanti taṃ appatiṭṭhitaṃ. Anabhisaṅkhacca vimuttanti paṭisandhiṃ anabhisaṅkharitvā vimuttaṃ. Paṭhamaṃ.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၁. ဥပယသုတ္တံ • 1. Upayasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၁. ဥပယသုတ္တဝဏ္ဏနာ • 1. Upayasuttavaṇṇanā
