| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੯. ਉਪਯਨ੍ਤਿਸੁਤ੍ਤવਣ੍ਣਨਾ
9. Upayantisuttavaṇṇanā
੬੯. ਨવਮੇ ਉਦਕવਡ੍ਢਨਸਮਯੇਤਿ ਸਬ੍ਬਦਿવਸੇਸੁ ਮਹਾਸਮੁਦ੍ਦਸ੍ਸ ਅਨ੍ਤੋ ਮਹਨ੍ਤਚਨ੍ਦਕਨ੍ਤਮਣਿਪਬ੍ਬਤਾਨਂ ਜੁਣ੍ਹਸਮ੍ਫਸ੍ਸੇਨ ਪਹਤਤ੍ਤਾ ਜਲਾਭਿਸਨ੍ਦਨવਸੇਨ ਉਦਕਸ੍ਸ વਡ੍ਢਨਸਮਯੇ। ਉਪਰਿ ਗਚ੍ਛਨ੍ਤੋਤਿ ਪਕਤਿਯਾ ਉਦਕਸ੍ਸ ਤਿਟ੍ਠਟ੍ਠਾਨਸ੍ਸ ਤਤੋ ਉਪਰਿ ਗਚ੍ਛਨ੍ਤੋਤਿ ਅਤ੍ਥੋ। ਉਪਰਿ ਯਾਪੇਤੀਤਿ ਉਦਕਂ ਤਤ੍ਥ ਉਪਰੂਪਰਿ વਡ੍ਢੇਤਿ। ਤਥਾਭੂਤੋ ਚ ਤਂ ਬ੍ਰੂਹੇਨ੍ਤੋ ਪੂਰੇਨ੍ਤੋਤਿ વੁਚ੍ਚਤੀਤਿ ਆਹ ‘‘વਡ੍ਢੇਤਿ ਪੂਰੇਤੀਤਿ ਅਤ੍ਥੋ’’ਤਿ। ਯਸ੍ਮਾ ਪਚ੍ਚਯਧਮ੍ਮਾ ਅਤ੍ਤਨੋ ਫਲਸਮવਾਯਪਚ੍ਚਯੇ ਹੋਨ੍ਤੇ ਤਸ੍ਸ ਉਪਰਿ ਠਿਤੋ વਿਯ ਹੋਤਿ ਤਸ੍ਸ ਅਤ੍ਤਨੋ વਸੇ વਤ੍ਤਾਪਨਤੋ, ਤਸ੍ਮਾ વੁਤ੍ਤਂ ‘‘ਅવਿਜ੍ਜਾ ਉਪਰਿ ਗਚ੍ਛਨ੍ਤੀ’’ਤਿ। ਪਚ੍ਚਯਭਾવੇਨ ਹਿ ਸਾ ਤਥਾ વੁਚ੍ਚਤਿ। ਤੇਨਾਹ ‘‘ਸਙ੍ਖਾਰਾਨਂ ਪਚ੍ਚਯੋ ਭવਿਤੁਂ ਸਕ੍ਕੁਣਨ੍ਤੀ’’ਤਿ। ਅਪਗਚ੍ਛਨ੍ਤੋ ਯਾਯਨ੍ਤੋ। ਤੇਨਾਹ ‘‘ਓਸਰਨ੍ਤੋ’’ਤਿ, ਅવਡ੍ਢਨ੍ਤੋ ਪਰਿਹੀਯਮਾਨੋਤਿ ਅਤ੍ਥੋ।
69. Navame udakavaḍḍhanasamayeti sabbadivasesu mahāsamuddassa anto mahantacandakantamaṇipabbatānaṃ juṇhasamphassena pahatattā jalābhisandanavasena udakassa vaḍḍhanasamaye. Upari gacchantoti pakatiyā udakassa tiṭṭhaṭṭhānassa tato upari gacchantoti attho. Upari yāpetīti udakaṃ tattha uparūpari vaḍḍheti. Tathābhūto ca taṃ brūhento pūrentoti vuccatīti āha ‘‘vaḍḍheti pūretīti attho’’ti. Yasmā paccayadhammā attano phalasamavāyapaccaye honte tassa upari ṭhito viya hoti tassa attano vase vattāpanato, tasmā vuttaṃ ‘‘avijjā upari gacchantī’’ti. Paccayabhāvena hi sā tathā vuccati. Tenāha ‘‘saṅkhārānaṃ paccayo bhavituṃ sakkuṇantī’’ti. Apagacchanto yāyanto. Tenāha ‘‘osaranto’’ti, avaḍḍhanto parihīyamānoti attho.
ਉਪਯਨ੍ਤਿਸੁਤ੍ਤવਣ੍ਣਨਾ ਨਿਟ੍ਠਿਤਾ।
Upayantisuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੯. ਉਪਯਨ੍ਤਿਸੁਤ੍ਤਂ • 9. Upayantisuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੯. ਉਪਯਨ੍ਤਿਸੁਤ੍ਤવਣ੍ਣਨਾ • 9. Upayantisuttavaṇṇanā
