| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၉. ဥပယန္တိသုတ္တဝဏ္ဏနာ
9. Upayantisuttavaṇṇanā
၆၉. နဝမေ ဥဒကဝဍ္ဎနသမယေတိ သဗ္ဗဒိဝသေသု မဟာသမုဒ္ဒသ္သ အန္တော မဟန္တစန္ဒကန္တမဏိပဗ္ဗတာနံ ဇုဏ္ဟသမ္ဖသ္သေန ပဟတတ္တာ ဇလာဘိသန္ဒနဝသေန ဥဒကသ္သ ဝဍ္ဎနသမယေ။ ဥပရိ ဂစ္ဆန္တောတိ ပကတိယာ ဥဒကသ္သ တိဋ္ဌဋ္ဌာနသ္သ တတော ဥပရိ ဂစ္ဆန္တောတိ အတ္ထော။ ဥပရိ ယာပေတီတိ ဥဒကံ တတ္ထ ဥပရူပရိ ဝဍ္ဎေတိ။ တထာဘူတော စ တံ ဗ္ရူဟေန္တော ပူရေန္တောတိ ဝုစ္စတီတိ အာဟ ‘‘ဝဍ္ဎေတိ ပူရေတီတိ အတ္ထော’’တိ။ ယသ္မာ ပစ္စယဓမ္မာ အတ္တနော ဖလသမဝာယပစ္စယေ ဟောန္တေ တသ္သ ဥပရိ ဌိတော ဝိယ ဟောတိ တသ္သ အတ္တနော ဝသေ ဝတ္တာပနတော, တသ္မာ ဝုတ္တံ ‘‘အဝိဇ္ဇာ ဥပရိ ဂစ္ဆန္တီ’’တိ။ ပစ္စယဘာဝေန ဟိ သာ တထာ ဝုစ္စတိ။ တေနာဟ ‘‘သင္ခာရာနံ ပစ္စယော ဘဝိတုံ သက္ကုဏန္တီ’’တိ။ အပဂစ္ဆန္တော ယာယန္တော။ တေနာဟ ‘‘ဩသရန္တော’’တိ, အဝဍ္ဎန္တော ပရိဟီယမာနောတိ အတ္ထော။
69. Navame udakavaḍḍhanasamayeti sabbadivasesu mahāsamuddassa anto mahantacandakantamaṇipabbatānaṃ juṇhasamphassena pahatattā jalābhisandanavasena udakassa vaḍḍhanasamaye. Upari gacchantoti pakatiyā udakassa tiṭṭhaṭṭhānassa tato upari gacchantoti attho. Upari yāpetīti udakaṃ tattha uparūpari vaḍḍheti. Tathābhūto ca taṃ brūhento pūrentoti vuccatīti āha ‘‘vaḍḍheti pūretīti attho’’ti. Yasmā paccayadhammā attano phalasamavāyapaccaye honte tassa upari ṭhito viya hoti tassa attano vase vattāpanato, tasmā vuttaṃ ‘‘avijjā upari gacchantī’’ti. Paccayabhāvena hi sā tathā vuccati. Tenāha ‘‘saṅkhārānaṃ paccayo bhavituṃ sakkuṇantī’’ti. Apagacchanto yāyanto. Tenāha ‘‘osaranto’’ti, avaḍḍhanto parihīyamānoti attho.
ဥပယန္တိသုတ္တဝဏ္ဏနာ နိဋ္ဌိတာ။
Upayantisuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၉. ဥပယန္တိသုတ္တံ • 9. Upayantisuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၉. ဥပယန္တိသုတ္တဝဏ္ဏနာ • 9. Upayantisuttavaṇṇanā
