| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
2. убаваанад̇т̇зраабад̣̇аанаван̣н̣анаа
2. Upavānattheraapadānavaṇṇanā
бад̣̇умуд̇д̇аро наама ж̇инод̇иаад̣̇игам̣ ааяасмад̇о убаваанад̇т̇зрасса абад̣̇аанам̣. аяамбааяасмаа буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о бад̣̇умуд̇д̇арасса бхаг̇авад̇о гаалз д̣̇алид̣̇д̣̇агулз ниб̣б̣ад̇д̇ид̇ваа вин̃н̃уд̇ам̣ бад̇д̇о бхаг̇авад̇и бариниб̣б̣уд̇з д̇асса д̇хаад̇ум̣ г̇ахзд̇ваа мануссад̣̇званааг̇аг̇арул̣агумбхан̣д̣аяагкаг̇анд̇хаб̣б̣зхи сад̇д̇арад̇анамаяз сад̇д̇аяож̇анигз т̇уубз гад̇з д̇ад̇т̇а суд̇ход̇ам̣ ад̇д̇ано уд̇д̇арасаадагам̣ взл̣аг̇г̇з лаг̇г̇зд̇ваа ааб̣анд̇хид̇ваа д̇хаж̇ам̣ гад̇ваа бууж̇ам̣ агааси. д̇ам̣ г̇ахзд̇ваа абхисаммад̇аго наама яагкасзнаабад̇и д̣̇звзхи жзд̇ияабууж̇аарагкан̣ад̇т̇ам̣ табид̇о ад̣̇иссамаанагааяо д̇ам̣ аагаасз д̇хаарзнд̇о жзд̇ияам̣ д̇игкад̇д̇ум̣ бад̣̇агкин̣ам̣ агааси. со д̇ам̣ д̣̇исваа бхияяосомад̇д̇ааяа басаннамаанасо худ̇ваа д̇зна бун̃н̃агаммзна д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з саавад̇т̇ияам̣ б̣раахман̣агулз ниб̣б̣ад̇д̇ид̇ваа убаваанод̇и лад̣̇д̇ханаамо ваяаббад̇д̇о ж̇зд̇аванабадиг̇г̇ахан̣з б̣уд̣̇д̇хаанубхаавам̣ д̣̇исваа бадилад̣̇д̇хасад̣̇д̇хо баб̣б̣аж̇ид̇ваа вибассанааяа гаммам̣ гаронд̇о арахад̇д̇ам̣ бад̇ваа чал̣абхин̃н̃о ахоси. яад̣̇аа бхаг̇авад̇о апаасу ахоси, д̇ад̣̇аа т̇зро ун̣ход̣̇агам̣ д̇ат̇ааруубам̣ баанаган̃жа бхзсаж̇ж̇ам̣ бхаг̇авад̇о убанаамзси. д̇знасса сад̇т̇уно рог̇о вуубасами. д̇асса бхаг̇аваа анумод̣̇анам̣ агааси.
Padumuttaronāma jinotiādikaṃ āyasmato upavānattherassa apadānaṃ. Ayampāyasmā purimabuddhesu katādhikāro tattha tattha bhave vivaṭṭūpanissayāni puññāni upacinanto padumuttarassa bhagavato kāle daliddakule nibbattitvā viññutaṃ patto bhagavati parinibbute tassa dhātuṃ gahetvā manussadevanāgagaruḷakumbhaṇḍayakkhagandhabbehi sattaratanamaye sattayojanike thūpe kate tattha sudhotaṃ attano uttarasāṭakaṃ veḷagge laggetvā ābandhitvā dhajaṃ katvā pūjaṃ akāsi. Taṃ gahetvā abhisammatako nāma yakkhasenāpati devehi cetiyapūjārakkhaṇatthaṃ ṭhapito adissamānakāyo taṃ ākāse dhārento cetiyaṃ tikkhattuṃ padakkhiṇaṃ akāsi. So taṃ disvā bhiyyosomattāya pasannamānaso hutvā tena puññakammena devamanussesu saṃsaranto imasmiṃ buddhuppāde sāvatthiyaṃ brāhmaṇakule nibbattitvā upavānoti laddhanāmo vayappatto jetavanapaṭiggahaṇe buddhānubhāvaṃ disvā paṭiladdhasaddho pabbajitvā vipassanāya kammaṃ karonto arahattaṃ patvā chaḷabhiñño ahosi. Yadā bhagavato aphāsu ahosi, tadā thero uṇhodakaṃ tathārūpaṃ pānakañca bhesajjaṃ bhagavato upanāmesi. Tenassa satthuno rogo vūpasami. Tassa bhagavā anumodanaṃ akāsi.
52. звам̣ со бад̇д̇аарахад̇д̇апало ад̇хиг̇ад̇азд̇ад̣̇аг̇г̇адтаано ад̇д̇ано буб̣б̣агаммам̣ сарид̇ваа соманассавасзна буб̣б̣ажарид̇аабад̣̇аанам̣ багаасзнд̇о бад̣̇умуд̇д̇аро наама ж̇инод̇иаад̣̇имааха. д̇ад̇т̇а саб̣б̣зсам̣ логияалогуд̇д̇арад̇хаммаанам̣ баараг̇уу барияосаанам̣ ниб̣б̣аанам̣ г̇ад̇о бад̇д̇о бад̣̇умуд̇д̇аро наама ж̇ино ж̇ид̇абан̃жамааро бхаг̇аваа аг̇г̇игканд̇хо ива чаб̣б̣ан̣н̣аа б̣уд̣̇д̇харам̣сияо ж̇алид̇ваа саб̣б̣алогам̣ д̇хаммабаж̇ж̇од̇зна обхаасзд̇ваа самб̣уд̣̇д̇хо судту б̣уд̣̇д̇хо авиж̇ж̇аанид̣̇д̣̇уубаг̇ад̇ааяа баж̇ааяа саваасанааяа гилзсанид̣̇д̣̇ааяа бадиб̣уд̣̇д̇хо вигасид̇анзд̇д̇абан̇гаж̇о бариниб̣б̣уд̇о канд̇хабариниб̣б̣аанзна ниб̣б̣уд̇о ад̣̇ассанам̣ г̇ад̇од̇и самб̣анд̇хо.
52. Evaṃ so pattaarahattaphalo adhigataetadaggaṭṭhāno attano pubbakammaṃ saritvā somanassavasena pubbacaritāpadānaṃ pakāsento padumuttaro nāma jinotiādimāha. Tattha sabbesaṃ lokiyalokuttaradhammānaṃ pāragū pariyosānaṃ nibbānaṃ gato patto padumuttaro nāma jino jitapañcamāro bhagavā aggikkhandho iva chabbaṇṇā buddharaṃsiyo jalitvā sabbalokaṃ dhammapajjotena obhāsetvā sambuddho suṭṭhu buddho avijjāniddūpagatāya pajāya savāsanāya kilesaniddāya paṭibuddho vikasitanettapaṅkajo parinibbuto khandhaparinibbānena nibbuto adassanaṃ gatoti sambandho.
57. ж̇ан̇гхаад̇и жзд̇ияагаран̣агаалз убажинид̇аб̣б̣аанам̣ идтагаанам̣ табанад̇т̇ааяа, ниб̣анд̇хияамаанасобаанабанд̇и.
57.Jaṅghāti cetiyakaraṇakāle upacinitabbānaṃ iṭṭhakānaṃ ṭhapanatthāya, nibandhiyamānasopānapanti.
88. суд̇ход̇ам̣ раж̇агзнааханд̇и вад̇т̇ад̇ховагзна бурисзна судту д̇ховид̇ам̣ сувисуд̣̇д̇хагад̇ам̣, уд̇д̇арзяяабадам̣ мама уд̇д̇арасаадагам̣ ахам̣ взл̣аг̇г̇з лаг̇г̇ид̇ваа д̇хаж̇ам̣ гад̇ваа угкибим̣, амб̣арз аагаасз уссаабзсинд̇и ад̇т̇о. сзсам̣ сувин̃н̃зяяамзваад̇и.
88.Sudhotaṃrajakenāhanti vatthadhovakena purisena suṭṭhu dhovitaṃ suvisuddhakataṃ, uttareyyapaṭaṃ mama uttarasāṭakaṃ ahaṃ veḷagge laggitvā dhajaṃ katvā ukkhipiṃ, ambare ākāse ussāpesinti attho. Sesaṃ suviññeyyamevāti.
убаваанад̇т̇зраабад̣̇аанаван̣н̣анаа самад̇д̇аа.
Upavānattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 2. убаваанад̇т̇зраабад̣̇аанам̣ • 2. Upavānattheraapadānaṃ
