| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
3. д̇исаран̣аг̇аманияад̇т̇зраабад̣̇аанаван̣н̣анаа
3. Tisaraṇagamaniyattheraapadānavaṇṇanā
наг̇арз б̣анд̇хумад̇ияаад̇иаад̣̇игам̣ ааяасмад̇о д̇исаран̣аг̇аманияад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о вибассисса бхаг̇авад̇о гаалз б̣анд̇хумад̇ийнаг̇арз гулаг̇зхз ниб̣б̣ад̇д̇ид̇ваа анд̇хамаад̇аабид̇аро убадтааси. со згад̣̇ивасам̣ жинд̇зси – ‘‘ахам̣ маад̇аабид̇аро убадтаханд̇о баб̣б̣аж̇ид̇ум̣ на лабхаами, яам̣нуунаахам̣ д̇ийн̣и саран̣аани г̇ан̣хиссаами , звам̣ д̣̇уг̇г̇ад̇ид̇о можзссаамий’’д̇и нисабхам̣ наама вибассисса бхаг̇авад̇о аг̇г̇асаавагам̣ убасан̇гамид̇ваа д̇ийн̣и саран̣аани г̇ан̣хи. со д̇аани вассасад̇асахассаани рагкид̇ваа д̇знзва гаммзна д̇аавад̇им̣сабхаванз ниб̣б̣ад̇д̇о, д̇ад̇о барам̣ д̣̇звамануссзсу сам̣саранд̇о убхаяасамбад̇д̇ияо анубхавид̇ваа имасмим̣ б̣уд̣̇д̇хуббаад̣̇з саавад̇т̇инаг̇арз махаасаалагулз ниб̣б̣ад̇д̇о вин̃н̃уд̇ам̣ бад̇д̇о сад̇д̇авассигова д̣̇аарагзхи баривуд̇о згам̣ сан̇гхаараамам̣ аг̇амааси. д̇ад̇т̇а зго кийн̣аасавад̇т̇зро д̇асса д̇хаммам̣ д̣̇зсзд̇ваа саран̣аани ад̣̇ааси. со д̇аани г̇ахзд̇ваа буб̣б̣з ад̇д̇ано рагкид̇аани саран̣аани сарид̇ваа вибассанам̣ вад̣дхзд̇ваа арахад̇д̇ам̣ баабун̣и. д̇ам̣ арахад̇д̇аббад̇д̇ам̣ бхаг̇аваа убасамбаад̣̇зси.
Nagare bandhumatiyātiādikaṃ āyasmato tisaraṇagamaniyattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto vipassissa bhagavato kāle bandhumatīnagare kulagehe nibbattitvā andhamātāpitaro upaṭṭhāsi. So ekadivasaṃ cintesi – ‘‘ahaṃ mātāpitaro upaṭṭhahanto pabbajituṃ na labhāmi, yaṃnūnāhaṃ tīṇi saraṇāni gaṇhissāmi , evaṃ duggatito mocessāmī’’ti nisabhaṃ nāma vipassissa bhagavato aggasāvakaṃ upasaṅkamitvā tīṇi saraṇāni gaṇhi. So tāni vassasatasahassāni rakkhitvā teneva kammena tāvatiṃsabhavane nibbatto, tato paraṃ devamanussesu saṃsaranto ubhayasampattiyo anubhavitvā imasmiṃ buddhuppāde sāvatthinagare mahāsālakule nibbatto viññutaṃ patto sattavassikova dārakehi parivuto ekaṃ saṅghārāmaṃ agamāsi. Tattha eko khīṇāsavatthero tassa dhammaṃ desetvā saraṇāni adāsi. So tāni gahetvā pubbe attano rakkhitāni saraṇāni saritvā vipassanaṃ vaḍḍhetvā arahattaṃ pāpuṇi. Taṃ arahattappattaṃ bhagavā upasampādesi.
106. со арахад̇д̇аббад̇д̇о убасамбанно худ̇ваа ад̇д̇ано буб̣б̣агаммам̣ сарид̇ваа соманассавасзна буб̣б̣ажарид̇аабад̣̇аанам̣ багаасзнд̇о наг̇арз б̣анд̇хумад̇ияаад̇иаад̣̇имааха. д̇ад̇т̇а маад̇у убадтааго ахунд̇и ахам̣ маад̇аабид̇уунам̣ убадтааго бхараго б̣анд̇хумад̇ийнаг̇арз ахосинд̇и самб̣анд̇хо.
106. So arahattappatto upasampanno hutvā attano pubbakammaṃ saritvā somanassavasena pubbacaritāpadānaṃ pakāsento nagare bandhumatiyātiādimāha. Tattha mātu upaṭṭhāko ahunti ahaṃ mātāpitūnaṃ upaṭṭhāko bharako bandhumatīnagare ahosinti sambandho.
108. д̇аманд̇хагаарабихид̇аад̇и моханд̇хагаарзна бихид̇аа чаад̣̇ид̇аа. д̇ивид̇хаг̇г̇ийхи д̣аяхарзд̇и рааг̇аг̇г̇ид̣̇осаг̇г̇имохаг̇г̇исан̇каад̇зхи д̇ийхи аг̇г̇ийхи д̣аяхарз д̣аяханд̇и саб̣б̣з сад̇д̇аад̇и самб̣анд̇хо.
108.Tamandhakārapihitāti mohandhakārena pihitā chāditā. Tividhaggīhi ḍayhareti rāgaggidosaggimohaggisaṅkhātehi tīhi aggīhi ḍayhare ḍayhanti sabbe sattāti sambandho.
114. адта хзд̇уу лабхаамаханд̇и адта гааран̣аани сукасса бажжаяабхууд̇аани гааран̣аани лабхаами аханд̇и ад̇т̇о. сзсам̣ сувин̃н̃зяяамзваад̇и.
114.Aṭṭha hetū labhāmahanti aṭṭha kāraṇāni sukhassa paccayabhūtāni kāraṇāni labhāmi ahanti attho. Sesaṃ suviññeyyamevāti.
д̇исаран̣аг̇аманияад̇т̇зраабад̣̇аанаван̣н̣анаа самад̇д̇аа.
Tisaraṇagamaniyattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 3. д̇исаран̣аг̇аманияад̇т̇зраабад̣̇аанам̣ • 3. Tisaraṇagamaniyattheraapadānaṃ
