| Library / Tipiṭaka / തിപിടക • Tipiṭaka / അങ്ഗുത്തരനികായ (ടീകാ) • Aṅguttaranikāya (ṭīkā) |
൫-൬. ഉപവാണസുത്താദിവണ്ണനാ
5-6. Upavāṇasuttādivaṇṇanā
൧൭൫-൬. പഞ്ചമേ വിജ്ജായാതി ദിബ്ബചക്ഖുപുബ്ബേനിവാസാനുസ്സതിആസവക്ഖയഞാണസങ്ഖാതായ തിവിധായ വിജ്ജായ, അട്ഠവിധായ വാ. അട്ഠവിധാപി ഹി വിജ്ജാ വിപസ്സനാഞാണേന മനോമയിദ്ധിയാ ച സഹ അഭിഞ്ഞാ പരിഗ്ഗഹേത്വാ വുത്താ. പന്നരസധമ്മഭേദേന ചരണേന സമന്നാഗതോതി സീലസംവരോ, ഇന്ദ്രിയേസു ഗുത്തദ്വാരതാ, ഭോജനേ മത്തഞ്ഞുതാ, ജാഗരിയാനുയോഗോ, സദ്ധാ, ഹിരീ, ഓത്തപ്പം, ബാഹുസച്ചം, വീരിയം, സതി, പഞ്ഞാ, ചത്താരി രൂപാവചരജ്ഝാനാനീതി ഏവം പന്നരസഭേദേന ചരണധമ്മേന സമന്നാഗതോ. ഇമേയേവ ഹി പന്നരസ ധമ്മാ യസ്മാ ഏതേഹി ചരതി അരിയസാവകോ ഗച്ഛതി അമതം ദിസം, തസ്മാ ‘‘ചരണ’’ന്തി വുത്താ. ഛട്ഠേ നത്ഥി വത്തബ്ബം.
175-6. Pañcame vijjāyāti dibbacakkhupubbenivāsānussatiāsavakkhayañāṇasaṅkhātāya tividhāya vijjāya, aṭṭhavidhāya vā. Aṭṭhavidhāpi hi vijjā vipassanāñāṇena manomayiddhiyā ca saha abhiññā pariggahetvā vuttā. Pannarasadhammabhedena caraṇena samannāgatoti sīlasaṃvaro, indriyesu guttadvāratā, bhojane mattaññutā, jāgariyānuyogo, saddhā, hirī, ottappaṃ, bāhusaccaṃ, vīriyaṃ, sati, paññā, cattāri rūpāvacarajjhānānīti evaṃ pannarasabhedena caraṇadhammena samannāgato. Imeyeva hi pannarasa dhammā yasmā etehi carati ariyasāvako gacchati amataṃ disaṃ, tasmā ‘‘caraṇa’’nti vuttā. Chaṭṭhe natthi vattabbaṃ.
ഉപവാണസുത്താദിവണ്ണനാ നിട്ഠിതാ.
Upavāṇasuttādivaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / അങ്ഗുത്തരനികായ • Aṅguttaranikāya
൫. ഉപവാണസുത്തം • 5. Upavāṇasuttaṃ
൬. ആയാചനസുത്തം • 6. Āyācanasuttaṃ
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) / ൫. ഉപവാണസുത്തവണ്ണനാ • 5. Upavāṇasuttavaṇṇanā
