| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) |
೨. ಉಪಟ್ಠಾನಸುತ್ತವಣ್ಣನಾ
2. Upaṭṭhānasuttavaṇṇanā
೨೨೨. ಕಾಯದರಥೋ ಹೋತಿಯೇವ ನಿಯಮೇನ, ನ ಚಿತ್ತದರಥೋ ತಸ್ಸ ಮಗ್ಗೇನೇವ ಸಮುಗ್ಘಾಟಿತತ್ತಾ।
222.Kāyadaratho hotiyeva niyamena, na cittadaratho tassa maggeneva samugghāṭitattā.
ಜರಾತುರೋತಿ ಜರಾಭಿಭವನೇನ ಆತುರೋಯೇವ। ಪದದ್ವಯೇಪಿ ಏಸೇವ ನಯೋ। ಉಪರಿಟ್ಠತಾಯ ಪರಿತೋ ದೀಘಪುಥುಲತಾಯ ಅತಿವಿಯ ವಿಜ್ಝತೀತಿ ಸತ್ತಿಸಲ್ಲಗ್ಗಹಣಂ। ಏವಂ ಹಿಸ್ಸ ತಣ್ಹಾಸಲ್ಲಸ್ಸ ಸದಿಸತಾ। ಅವಿಜ್ಜಾಯ ಪನ ಸಮ್ಮೋಹಾಪಾದನೇನ ದುಕ್ಖಾಪಾದನೇನ ಚ ವಿಸಸದಿಸತಾ। ರುಪ್ಪತೋತಿ ವಿಕಾರಂ ಆಪಾದಿಯಮಾನಸ್ಸ ಪೀಳಿಯಮಾನಸ್ಸಾತಿ ಅತ್ಥೋತಿ ಆಹ ‘‘ಘಟ್ಟಿಯಮಾನಸ್ಸಾ’’ತಿ।
Jarāturoti jarābhibhavanena āturoyeva. Padadvayepi eseva nayo. Upariṭṭhatāya parito dīghaputhulatāya ativiya vijjhatīti sattisallaggahaṇaṃ. Evaṃ hissa taṇhāsallassa sadisatā. Avijjāya pana sammohāpādanena dukkhāpādanena ca visasadisatā. Ruppatoti vikāraṃ āpādiyamānassa pīḷiyamānassāti atthoti āha ‘‘ghaṭṭiyamānassā’’ti.
ಪಬ್ಬಜಿತನ್ತಿ ಸಸನ್ತಾನತೋ ಪಬ್ಬಜಿತಂ ವಾ ರಾಗಾದಿಮಲತೋ ಪಬ್ಬಜಿತಂ ವಾ। ತಸ್ಮಾತಿ ಯಸ್ಮಾ ಥೇರಸ್ಸೇವೇತಂ ವಚನಂ, ತಸ್ಮಾ ಅಯಂ ಇದಾನಿ ವುಚ್ಚಮಾನೋ ಏತ್ಥ ಗಾಥಾಯ ಅತ್ಥೋ। ದೇವತಾಯ ಹೀತಿಆದಿ ವುತ್ತಸ್ಸೇವ ಅತ್ಥಸ್ಸ ಪಾಕಟಕರಣಂ। ಏತ್ಥಾತಿ ಸೇಸಗಾಥಾಸು। ಅತ್ಥಸ್ಸ ವುತ್ತನಯತ್ತಾ ‘‘ಅನುತ್ತಾನಪದವಣ್ಣನಾ’’ತಿ ಆಹ। ವಿನಯಾತಿ ಹೇತುಮ್ಹಿ ನಿಸ್ಸಕ್ಕವಚನನ್ತಿ ತಸ್ಸ ಹೇತುಮ್ಹಿ ಕರಣವಚನೇನ ಅತ್ಥಮಾಹ ‘‘ವಿನಯೇನಾ’’ತಿ। ತಥಾ ‘‘ಸಮತಿಕ್ಕಮಾ’’ತಿ ಏತ್ಥಾಪಿ। ಪರಮಪರಿಸುದ್ಧಂ ಸಂಕಿಲೇಸಸಮುಚ್ಛಿನ್ದನತೋ। ಆರದ್ಧವೀರಿಯನ್ತಿ ಸಮ್ಭಾವಿತವೀರಿಯಂ। ಸಮ್ಭಾವನಞ್ಚಸ್ಸ ಪಗ್ಗಣ್ಹನಂ ಪರಿಪೂರಣಞ್ಚಾತಿ ಆಹ ‘‘ಪಗ್ಗಹಿತವೀರಿಯಂ ಪರಿಪುಣ್ಣವೀರಿಯ’’ನ್ತಿ।
Pabbajitanti sasantānato pabbajitaṃ vā rāgādimalato pabbajitaṃ vā. Tasmāti yasmā therassevetaṃ vacanaṃ, tasmā ayaṃ idāni vuccamāno ettha gāthāya attho. Devatāya hītiādi vuttasseva atthassa pākaṭakaraṇaṃ. Etthāti sesagāthāsu. Atthassa vuttanayattā ‘‘anuttānapadavaṇṇanā’’ti āha. Vinayāti hetumhi nissakkavacananti tassa hetumhi karaṇavacanena atthamāha ‘‘vinayenā’’ti. Tathā ‘‘samatikkamā’’ti etthāpi. Paramaparisuddhaṃ saṃkilesasamucchindanato. Āraddhavīriyanti sambhāvitavīriyaṃ. Sambhāvanañcassa paggaṇhanaṃ paripūraṇañcāti āha ‘‘paggahitavīriyaṃ paripuṇṇavīriya’’nti.
ಉಪಟ್ಠಾನಸುತ್ತವಣ್ಣನಾ ನಿಟ್ಠಿತಾ।
Upaṭṭhānasuttavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೨. ಉಪಟ್ಠಾನಸುತ್ತಂ • 2. Upaṭṭhānasuttaṃ
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೨. ಉಪಟ್ಠಾನಸುತ್ತವಣ್ಣನಾ • 2. Upaṭṭhānasuttavaṇṇanā
