| Library / Tipiṭaka / ತಿಪಿಟಕ • Tipiṭaka / ಸುತ್ತನಿಪಾತಪಾಳಿ • Suttanipātapāḷi |
೬. ಉಪಸೀವಮಾಣವಪುಚ್ಛಾ
6. Upasīvamāṇavapucchā
೧೦೭೫.
1075.
‘‘ಏಕೋ ಅಹಂ ಸಕ್ಕ ಮಹನ್ತಮೋಘಂ, (ಇಚ್ಚಾಯಸ್ಮಾ ಉಪಸೀವೋ)
‘‘Eko ahaṃ sakka mahantamoghaṃ, (iccāyasmā upasīvo)
ಅನಿಸ್ಸಿತೋ ನೋ ವಿಸಹಾಮಿ ತಾರಿತುಂ।
Anissito no visahāmi tārituṃ;
ಆರಮ್ಮಣಂ ಬ್ರೂಹಿ ಸಮನ್ತಚಕ್ಖು, ಯಂ ನಿಸ್ಸಿತೋ ಓಘಮಿಮಂ ತರೇಯ್ಯಂ’’॥
Ārammaṇaṃ brūhi samantacakkhu, yaṃ nissito oghamimaṃ tareyyaṃ’’.
೧೦೭೬.
1076.
‘‘ಆಕಿಞ್ಚಞ್ಞಂ ಪೇಕ್ಖಮಾನೋ ಸತಿಮಾ, (ಉಪಸೀವಾತಿ ಭಗವಾ)
‘‘Ākiñcaññaṃ pekkhamāno satimā, (upasīvāti bhagavā)
ನತ್ಥೀತಿ ನಿಸ್ಸಾಯ ತರಸ್ಸು ಓಘಂ।
Natthīti nissāya tarassu oghaṃ;
ಕಾಮೇ ಪಹಾಯ ವಿರತೋ ಕಥಾಹಿ, ತಣ್ಹಕ್ಖಯಂ ನತ್ತಮಹಾಭಿಪಸ್ಸ’’ 1॥
Kāme pahāya virato kathāhi, taṇhakkhayaṃ nattamahābhipassa’’ 2.
೧೦೭೭.
1077.
‘‘ಸಬ್ಬೇಸು ಕಾಮೇಸು ಯೋ ವೀತರಾಗೋ, (ಇಚ್ಚಾಯಸ್ಮಾ ಉಪಸೀವೋ)
‘‘Sabbesu kāmesu yo vītarāgo, (iccāyasmā upasīvo)
ಆಕಿಞ್ಚಞ್ಞಂ ನಿಸ್ಸಿತೋ ಹಿತ್ವಾ ಮಞ್ಞಂ।
Ākiñcaññaṃ nissito hitvā maññaṃ;
೧೦೭೮.
1078.
‘‘ಸಬ್ಬೇಸು ಕಾಮೇಸು ಯೋ ವೀತರಾಗೋ, (ಉಪಸೀವಾತಿ ಭಗವಾ)
‘‘Sabbesu kāmesu yo vītarāgo, (upasīvāti bhagavā)
ಆಕಿಞ್ಚಞ್ಞಂ ನಿಸ್ಸಿತೋ ಹಿತ್ವಾ ಮಞ್ಞಂ।
Ākiñcaññaṃ nissito hitvā maññaṃ;
ಸಞ್ಞಾವಿಮೋಕ್ಖೇ ಪರಮೇ ವಿಮುತ್ತೋ, ತಿಟ್ಠೇಯ್ಯ ಸೋ ತತ್ಥ ಅನಾನುಯಾಯೀ’’॥
Saññāvimokkhe parame vimutto, tiṭṭheyya so tattha anānuyāyī’’.
೧೦೭೯.
1079.
‘‘ತಿಟ್ಠೇ ಚೇ ಸೋ ತತ್ಥ ಅನಾನುಯಾಯೀ, ಪೂಗಮ್ಪಿ ವಸ್ಸಾನಂ ಸಮನ್ತಚಕ್ಖು।
‘‘Tiṭṭhe ce so tattha anānuyāyī, pūgampi vassānaṃ samantacakkhu;
ತತ್ಥೇವ ಸೋ ಸೀತಿಸಿಯಾ ವಿಮುತ್ತೋ, ಚವೇಥ ವಿಞ್ಞಾಣಂ ತಥಾವಿಧಸ್ಸ’’॥
Tattheva so sītisiyā vimutto, cavetha viññāṇaṃ tathāvidhassa’’.
೧೦೮೦.
1080.
‘‘ಅಚ್ಚೀ ಯಥಾ ವಾತವೇಗೇನ ಖಿತ್ತಾ 7, (ಉಪಸೀವಾತಿ ಭಗವಾ)
‘‘Accī yathā vātavegena khittā 8, (upasīvāti bhagavā)
ಅತ್ಥಂ ಪಲೇತಿ ನ ಉಪೇತಿ ಸಙ್ಖಂ।
Atthaṃ paleti na upeti saṅkhaṃ;
ಏವಂ ಮುನೀ ನಾಮಕಾಯಾ ವಿಮುತ್ತೋ, ಅತ್ಥಂ ಪಲೇತಿ ನ ಉಪೇತಿ ಸಙ್ಖಂ’’॥
Evaṃ munī nāmakāyā vimutto, atthaṃ paleti na upeti saṅkhaṃ’’.
೧೦೮೧.
1081.
‘‘ಅತ್ಥಙ್ಗತೋ ಸೋ ಉದ ವಾ ಸೋ ನತ್ಥಿ, ಉದಾಹು ವೇ ಸಸ್ಸತಿಯಾ ಅರೋಗೋ।
‘‘Atthaṅgato so uda vā so natthi, udāhu ve sassatiyā arogo;
ತಂ ಮೇ ಮುನೀ ಸಾಧು ವಿಯಾಕರೋಹಿ, ತಥಾ ಹಿ ತೇ ವಿದಿತೋ ಏಸ ಧಮ್ಮೋ’’॥
Taṃ me munī sādhu viyākarohi, tathā hi te vidito esa dhammo’’.
೧೦೮೨.
1082.
‘‘ಅತ್ಥಙ್ಗತಸ್ಸ ನ ಪಮಾಣಮತ್ಥಿ, (ಉಪಸೀವಾತಿ ಭಗವಾ)
‘‘Atthaṅgatassa na pamāṇamatthi, (upasīvāti bhagavā)
ಯೇನ ನಂ ವಜ್ಜುಂ ತಂ ತಸ್ಸ ನತ್ಥಿ।
Yena naṃ vajjuṃ taṃ tassa natthi;
ಸಬ್ಬೇಸು ಧಮ್ಮೇಸು ಸಮೋಹತೇಸು, ಸಮೂಹತಾ ವಾದಪಥಾಪಿ ಸಬ್ಬೇ’’ತಿ॥
Sabbesu dhammesu samohatesu, samūhatā vādapathāpi sabbe’’ti.
ಉಪಸೀವಮಾಣವಪುಚ್ಛಾ ಛಟ್ಠೀ ನಿಟ್ಠಿತಾ।
Upasīvamāṇavapucchā chaṭṭhī niṭṭhitā.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಸುತ್ತನಿಪಾತ-ಅಟ್ಠಕಥಾ • Suttanipāta-aṭṭhakathā / ೬. ಉಪಸೀವಸುತ್ತವಣ್ಣನಾ • 6. Upasīvasuttavaṇṇanā
