| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
7. உபஸேனவங்க³ந்தபுத்தத்தே²ரஅபதா³னங்
7. Upasenavaṅgantaputtattheraapadānaṃ
86.
86.
‘‘பது³முத்தரங் ப⁴க³வந்தங், லோகஜெட்ட²ங் நராஸப⁴ங்;
‘‘Padumuttaraṃ bhagavantaṃ, lokajeṭṭhaṃ narāsabhaṃ;
பப்³பா⁴ரம்ஹி நிஸீத³ந்தங், உபக³ச்சி²ங் நருத்தமங்.
Pabbhāramhi nisīdantaṃ, upagacchiṃ naruttamaṃ.
87.
87.
‘‘கணிகாரபுப்ப²ங் 1 தி³ஸ்வா, வண்டே செ²த்வானஹங் ததா³;
‘‘Kaṇikārapupphaṃ 2 disvā, vaṇṭe chetvānahaṃ tadā;
அலங்கரித்வா ச²த்தம்ஹி, பு³த்³த⁴ஸ்ஸ அபி⁴ரோபயிங்.
Alaṅkaritvā chattamhi, buddhassa abhiropayiṃ.
88.
88.
‘‘பிண்ட³பாதஞ்ச பாதா³ஸிங், பரமன்னங் ஸுபோ⁴ஜனங்;
‘‘Piṇḍapātañca pādāsiṃ, paramannaṃ subhojanaṃ;
பு³த்³தே⁴ன நவமே தத்த², ஸமணே அட்ட² போ⁴ஜயிங்.
Buddhena navame tattha, samaṇe aṭṭha bhojayiṃ.
89.
89.
‘‘அனுமோதி³ மஹாவீரோ, ஸயம்பூ⁴ அக்³க³புக்³க³லோ;
‘‘Anumodi mahāvīro, sayambhū aggapuggalo;
இமினா ச²த்ததா³னேன, பரமன்னபவெச்ச²னா.
Iminā chattadānena, paramannapavecchanā.
90.
90.
‘‘தேன சித்தப்பஸாதே³ன, ஸம்பத்திமனுபொ⁴ஸ்ஸஸி;
‘‘Tena cittappasādena, sampattimanubhossasi;
ச²த்திங்ஸக்க²த்துங் தே³விந்தோ³, தே³வரஜ்ஜங் கரிஸ்ஸதி.
Chattiṃsakkhattuṃ devindo, devarajjaṃ karissati.
91.
91.
‘‘ஏகவீஸதிக்க²த்துஞ்ச, சக்கவத்தீ ப⁴விஸ்ஸதி;
‘‘Ekavīsatikkhattuñca, cakkavattī bhavissati;
பதே³ஸரஜ்ஜங் விபுலங், க³ணனாதோ அஸங்கி²யங்.
Padesarajjaṃ vipulaṃ, gaṇanāto asaṅkhiyaṃ.
92.
92.
‘‘ஸதஸஹஸ்ஸிதோ கப்பே, ஓக்காககுலஸம்ப⁴வோ;
‘‘Satasahassito kappe, okkākakulasambhavo;
93.
93.
‘‘ஸாஸனே தி³ப்³ப³மானம்ஹி, மனுஸ்ஸத்தங் க³மிஸ்ஸதி;
‘‘Sāsane dibbamānamhi, manussattaṃ gamissati;
தஸ்ஸ த⁴ம்மேஸு தா³யாதோ³, ஓரஸோ த⁴ம்மனிம்மிதோ.
Tassa dhammesu dāyādo, oraso dhammanimmito.
94.
94.
‘‘உபஸேனோதி நாமேன, ஹெஸ்ஸதி ஸத்து² ஸாவகோ;
‘‘Upasenoti nāmena, hessati satthu sāvako;
95.
95.
‘‘சரிமங் வத்ததே மய்ஹங், ப⁴வா ஸப்³பே³ ஸமூஹதா;
‘‘Carimaṃ vattate mayhaṃ, bhavā sabbe samūhatā;
96.
96.
‘‘படிஸம்பி⁴தா³ சதஸ்ஸோ, விமொக்கா²பி ச அட்டி²மே;
‘‘Paṭisambhidā catasso, vimokkhāpi ca aṭṭhime;
ச²ளபி⁴ஞ்ஞா ஸச்சி²கதா, கதங் பு³த்³த⁴ஸ்ஸ ஸாஸனங்’’.
Chaḷabhiññā sacchikatā, kataṃ buddhassa sāsanaṃ’’.
இத்த²ங் ஸுத³ங் ஆயஸ்மா உபஸேனோ வங்க³ந்தபுத்தோ தே²ரோ இமா கா³தா²யோ அபா⁴ஸித்தா²தி.
Itthaṃ sudaṃ āyasmā upaseno vaṅgantaputto thero imā gāthāyo abhāsitthāti.
உபஸேனவங்க³ந்தபுத்தத்தே²ரஸ்ஸாபதா³னங் ஸத்தமங்.
Upasenavaṅgantaputtattherassāpadānaṃ sattamaṃ.
ததியபா⁴ணவாரங்.
Tatiyabhāṇavāraṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / அபதா³ன-அட்ட²கதா² • Apadāna-aṭṭhakathā / 7. உபஸேனவங்க³ந்தபுத்தத்தே²ரஅபதா³னவண்ணனா • 7. Upasenavaṅgantaputtattheraapadānavaṇṇanā
