| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
8. ரட்ட²பாலத்தே²ரஅபதா³னங்
8. Raṭṭhapālattheraapadānaṃ
97.
97.
‘‘பது³முத்தரஸ்ஸ ப⁴க³வதோ, லோகஜெட்ட²ஸ்ஸ தாதி³னோ;
‘‘Padumuttarassa bhagavato, lokajeṭṭhassa tādino;
வரனாகோ³ மயா தி³ன்னோ, ஈஸாத³ந்தோ உரூள்ஹவா.
Varanāgo mayā dinno, īsādanto urūḷhavā.
98.
98.
‘‘ஸேதச்ச²த்தோ பஸோபி⁴தோ, ஸகப்பனோ ஸஹத்தி²போ;
‘‘Setacchatto pasobhito, sakappano sahatthipo;
அக்³கா⁴பெத்வான தங் ஸப்³ப³ங், ஸங்கா⁴ராமங் அகாரயிங்.
Agghāpetvāna taṃ sabbaṃ, saṅghārāmaṃ akārayiṃ.
99.
99.
‘‘சதுபஞ்ஞாஸஸஹஸ்ஸானி, பாஸாதே³ காரயிங் அஹங்;
‘‘Catupaññāsasahassāni, pāsāde kārayiṃ ahaṃ;
100.
100.
‘‘அனுமோதி³ மஹாவீரோ, ஸயம்பூ⁴ அக்³க³புக்³க³லோ;
‘‘Anumodi mahāvīro, sayambhū aggapuggalo;
ஸப்³பே³ ஜனே ஹாஸயந்தோ, தே³ஸேஸி அமதங் பத³ங்.
Sabbe jane hāsayanto, desesi amataṃ padaṃ.
101.
101.
‘‘தங் மே பு³த்³தோ⁴ வியாகாஸி, ஜலஜுத்தரனாமகோ;
‘‘Taṃ me buddho viyākāsi, jalajuttaranāmako;
பி⁴க்கு²ஸங்கே⁴ நிஸீதி³த்வா, இமா கா³தா² அபா⁴ஸத².
Bhikkhusaṅghe nisīditvā, imā gāthā abhāsatha.
102.
102.
‘‘‘சதுபஞ்ஞாஸஸஹஸ்ஸானி, பாஸாதே³ காரயீ அயங்;
‘‘‘Catupaññāsasahassāni, pāsāde kārayī ayaṃ;
கத²யிஸ்ஸாமி விபாகங், ஸுணோத² மம பா⁴ஸதோ.
Kathayissāmi vipākaṃ, suṇotha mama bhāsato.
103.
103.
‘‘‘அட்டா²ரஸஸஹஸ்ஸானி, கூடாகா³ரா ப⁴விஸ்ஸரே;
‘‘‘Aṭṭhārasasahassāni, kūṭāgārā bhavissare;
ப்³யம்ஹுத்தமம்ஹி நிப்³ப³த்தா, ஸப்³ப³ஸொண்ணமயா ச தே.
Byamhuttamamhi nibbattā, sabbasoṇṇamayā ca te.
104.
104.
‘‘‘பஞ்ஞாஸக்க²த்துங் தே³விந்தோ³, தே³வரஜ்ஜங் கரிஸ்ஸதி;
‘‘‘Paññāsakkhattuṃ devindo, devarajjaṃ karissati;
அட்ட²பஞ்ஞாஸக்க²த்துஞ்ச, சக்கவத்தீ ப⁴விஸ்ஸதி.
Aṭṭhapaññāsakkhattuñca, cakkavattī bhavissati.
105.
105.
‘‘‘கப்பஸதஸஹஸ்ஸம்ஹி, ஓக்காககுலஸம்ப⁴வோ;
‘‘‘Kappasatasahassamhi, okkākakulasambhavo;
கோ³தமோ நாம கொ³த்தேன, ஸத்தா² லோகே ப⁴விஸ்ஸதி.
Gotamo nāma gottena, satthā loke bhavissati.
106.
106.
‘‘‘தே³வலோகா சவித்வான, ஸுக்கமூலேன சோதி³தோ;
‘‘‘Devalokā cavitvāna, sukkamūlena codito;
அட்³டே⁴ குலே மஹாபோ⁴கே³, நிப்³ப³த்திஸ்ஸதி தாவதே³.
Aḍḍhe kule mahābhoge, nibbattissati tāvade.
107.
107.
‘‘‘ஸோ பச்சா² பப்³ப³ஜித்வான, ஸுக்கமூலேன சோதி³தோ;
‘‘‘So pacchā pabbajitvāna, sukkamūlena codito;
ரட்ட²பாலோதி நாமேன, ஹெஸ்ஸதி ஸத்து² ஸாவகோ.
Raṭṭhapāloti nāmena, hessati satthu sāvako.
108.
108.
‘‘‘பதா⁴னபஹிதத்தோ ஸோ, உபஸந்தோ நிரூபதி⁴;
‘‘‘Padhānapahitatto so, upasanto nirūpadhi;
ஸப்³பா³ஸவே பரிஞ்ஞாய, நிப்³பா³யிஸ்ஸதினாஸவோ’.
Sabbāsave pariññāya, nibbāyissatināsavo’.
109.
109.
‘‘உட்டா²ய அபி⁴னிக்க²ம்ம, ஜஹிதா போ⁴க³ஸம்பதா³;
‘‘Uṭṭhāya abhinikkhamma, jahitā bhogasampadā;
கே²ளபிண்டே³வ போ⁴க³ம்ஹி, பேமங் மய்ஹங் ந விஜ்ஜதி.
Kheḷapiṇḍeva bhogamhi, pemaṃ mayhaṃ na vijjati.
110.
110.
‘‘வீரியங் மே து⁴ரதோ⁴ரய்ஹங், யோக³க்கே²மாதி⁴வாஹனங்;
‘‘Vīriyaṃ me dhuradhorayhaṃ, yogakkhemādhivāhanaṃ;
தா⁴ரேமி அந்திமங் தே³ஹங், ஸம்மாஸம்பு³த்³த⁴ஸாஸனே.
Dhāremi antimaṃ dehaṃ, sammāsambuddhasāsane.
111.
111.
‘‘படிஸம்பி⁴தா³ சதஸ்ஸோ, விமொக்கா²பி ச அட்டி²மே;
‘‘Paṭisambhidā catasso, vimokkhāpi ca aṭṭhime;
ச²ளபி⁴ஞ்ஞா ஸச்சி²கதா, கதங் பு³த்³த⁴ஸ்ஸ ஸாஸனங்’’.
Chaḷabhiññā sacchikatā, kataṃ buddhassa sāsanaṃ’’.
இத்த²ங் ஸுத³ங் ஆயஸ்மா ரட்ட²பாலோ தே²ரோ இமா கா³தா²யோ அபா⁴ஸித்தா²தி.
Itthaṃ sudaṃ āyasmā raṭṭhapālo thero imā gāthāyo abhāsitthāti.
ரட்ட²பாலத்தே²ரஸ்ஸாபதா³னங் அட்ட²மங்.
Raṭṭhapālattherassāpadānaṃ aṭṭhamaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / அபதா³ன-அட்ட²கதா² • Apadāna-aṭṭhakathā / 8. ரட்ட²பாலத்தே²ரஅபதா³னவண்ணனா • 8. Raṭṭhapālattheraapadānavaṇṇanā
