| Library / Tipiṭaka / တိပိဋက • Tipiṭaka / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) |
၄. နီဝရဏဝဂ္ဂော
4. Nīvaraṇavaggo
၃-၄. ဥပက္ကိလေသသုတ္တာဒိဝဏ္ဏနာ
3-4. Upakkilesasuttādivaṇṇanā
၂၁၄-၂၁၅. စတုတ္ထဝဂ္ဂသ္သ တတိယေ န စ ပဘသ္သရန္တိ န စ ပဘာဝန္တံ။ ပဘင္ဂု စာတိ ပဘိဇ္ဇနသဘာဝံ။ အယောတိ ကာဠလောဟံ။ ဌပေတ္ဝာ ဣဓ ဝုတ္တာနိ စတ္တာရိ အဝသေသံ လောဟံ နာမ။ သဇ္ဈူတိ ရဇတံ။ စိတ္တသ္သာတိ စတုဘူမကစိတ္တသ္သ။ လောကိယသ္သ တာဝ ဥပက္ကိလေသော ဟောတု , လောကုတ္တရသ္သ ကထံ ဟောတီတိ? ဥပ္ပဇ္ဇိတုံ အပ္ပဒာနေန။ ယဒဂ္ဂေန ဟိ ဥပ္ပဇ္ဇိတုံ န ဒေန္တိ, တဒဂ္ဂေနေဝ တေ လောကိယသ္သာပိ လောကုတ္တရသ္သာပိ ဥပက္ကိလေသာ နာမ ဟောန္တိ။ ပဘင္ဂု စာတိ အာရမ္မဏေ စုဏ္ဏဝိစုဏ္ဏဘာဝူပဂမနေန ဘိဇ္ဇနသဘာဝံ။ အနာဝရဏာ အနီဝရဏာတိ ကုသလဓမ္မေ န အာဝရန္တီတိ အနာဝရဏာ, န နီဝရန္တိ န ပဋိစ္ဆာဒေန္တီတိ အနီဝရဏာ။ စေတသော အနုပက္ကိလေသာတိ စတုဘူမကစိတ္တသ္သ အနုပက္ကိလေသာ။
214-215. Catutthavaggassa tatiye na ca pabhassaranti na ca pabhāvantaṃ. Pabhaṅgu cāti pabhijjanasabhāvaṃ. Ayoti kāḷalohaṃ. Ṭhapetvā idha vuttāni cattāri avasesaṃ lohaṃ nāma. Sajjhūti rajataṃ. Cittassāti catubhūmakacittassa. Lokiyassa tāva upakkileso hotu , lokuttarassa kathaṃ hotīti? Uppajjituṃ appadānena. Yadaggena hi uppajjituṃ na denti, tadaggeneva te lokiyassāpi lokuttarassāpi upakkilesā nāma honti. Pabhaṅgu cāti ārammaṇe cuṇṇavicuṇṇabhāvūpagamanena bhijjanasabhāvaṃ. Anāvaraṇā anīvaraṇāti kusaladhamme na āvarantīti anāvaraṇā, na nīvaranti na paṭicchādentīti anīvaraṇā. Cetaso anupakkilesāti catubhūmakacittassa anupakkilesā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya
၃. ဥပက္ကိလေသသုတ္တံ • 3. Upakkilesasuttaṃ
၄. အနုပက္ကိလေသသုတ္တံ • 4. Anupakkilesasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၃-၄. ဥပက္ကိလေသသုတ္တာဒိဝဏ္ဏနာ • 3-4. Upakkilesasuttādivaṇṇanā
