| Library / Tipiṭaka / တိပိဋက • Tipiṭaka / ကင္ခာဝိတရဏီ-အဘိနဝ-ဋီကာ • Kaṅkhāvitaraṇī-abhinava-ṭīkā |
၅. ဦနဝီသတိဝသ္သသိက္ခာပဒဝဏ္ဏနာ
5. Ūnavīsativassasikkhāpadavaṇṇanā
ဂဗ္ဘဝီသောပိ ဟိ ‘‘ပရိပုဏ္ဏဝီသော’’ တ္ဝေဝ သင္ခံ ဂစ္ဆတီတိ အာဟ ‘‘ပဋိသန္ဓိဂ္ဂဟဏတော ပဋ္ဌာယာ’’တိအာဒိ။ တတ္ထ ပဋိသန္ဓိဂ္ဂဟဏတော ပဋ္ဌာယာတိ ယံ မာတုကုစ္ဆိသ္မိံ ပဌမံ စိတ္တံ ဥပ္ပန္နံ ပဌမံ ဝိညာဏံ ပာတုဘူတံ, တံ အာဒိံ ကတ္ဝာ။ သောတိ ယော ပုဂ္ဂလော ဦနဝီသတိဝသ္သော ဥပသမ္ပာဒိတော, သော ပုဂ္ဂလော။ အညံ ဥပသမ္ပာဒေတီတိ ဥပဇ္ဈာယော ဝာ ကမ္မဝာစာစရိယော ဝာ ဟုတ္ဝာ အညံ ပုဂ္ဂလံ ဥပသမ္ပာဒေတိ။ တန္တိ ဦနဝီသတိဝသ္သံ ပုဂ္ဂလံ။ သီမံ ဝာ သမ္မန္နတီတိ နဝံ သီမံ ဗန္ဓတိ။
Gabbhavīsopi hi ‘‘paripuṇṇavīso’’ tveva saṅkhaṃ gacchatīti āha ‘‘paṭisandhiggahaṇato paṭṭhāyā’’tiādi. Tattha paṭisandhiggahaṇato paṭṭhāyāti yaṃ mātukucchismiṃ paṭhamaṃ cittaṃ uppannaṃ paṭhamaṃ viññāṇaṃ pātubhūtaṃ, taṃ ādiṃ katvā. Soti yo puggalo ūnavīsativasso upasampādito, so puggalo. Aññaṃ upasampādetīti upajjhāyo vā kammavācācariyo vā hutvā aññaṃ puggalaṃ upasampādeti. Tanti ūnavīsativassaṃ puggalaṃ. Sīmaṃ vā sammannatīti navaṃ sīmaṃ bandhati.
ဦနဝီသတိဝသ္သသိက္ခာပဒဝဏ္ဏနာ နိဋ္ဌိတာ။
Ūnavīsativassasikkhāpadavaṇṇanā niṭṭhitā.
