| Library / Tipiṭaka / တိပိဋက • Tipiṭaka / ကင္ခာဝိတရဏီ-အဘိနဝ-ဋီကာ • Kaṅkhāvitaraṇī-abhinava-ṭīkā |
၆. ထေယ္ယသတ္ထသိက္ခာပဒဝဏ္ဏနာ
6. Theyyasatthasikkhāpadavaṇṇanā
ရာဇာနံ ဝာ ဝဉ္စေတ္ဝာတိ ရာဇာနံ ထေနေတ္ဝာ ရညော သန္တကံ ကိဉ္စိ ဂဟေတ္ဝာ, ‘‘ဣဒာနိ တသ္သ န ဒသ္သာမာ’’တိ မဂ္ဂပ္ပဋိပန္နာ အကတကမ္မာ စေဝ ကတကမ္မာ စ စောရာတိ ဝုတ္တံ ဟောတိ။ ဧသ နယော သုင္ကံ ပရိဟရိတုကာမာတိ ဧတ္ထာပိ။
Rājānaṃ vā vañcetvāti rājānaṃ thenetvā rañño santakaṃ kiñci gahetvā, ‘‘idāni tassa na dassāmā’’ti maggappaṭipannā akatakammā ceva katakammāca corāti vuttaṃ hoti. Esa nayo suṅkaṃ pariharitukāmāti etthāpi.
ကာလဝိသင္ကေတေနာတိ ကာလသ္သ ဝိသင္ကေတေန, ဒိဝသဝိသင္ကေတေနာတိ ဝုတ္တံ ဟောတိ။ မဂ္ဂဝိသင္ကေတေန, ပန အဋဝိဝိသင္ကေတေန ဝာ ဂစ္ဆတော အာပတ္တိယေဝ။
Kālavisaṅketenāti kālassa visaṅketena, divasavisaṅketenāti vuttaṃ hoti. Maggavisaṅketena, pana aṭavivisaṅketena vā gacchato āpattiyeva.
ထေယ္ယသတ္ထသိက္ခာပဒဝဏ္ဏနာ နိဋ္ဌိတာ။
Theyyasatthasikkhāpadavaṇṇanā niṭṭhitā.
