| Library / Tipiṭaka / তিপিটক • Tipiṭaka / কঙ্খাৰিতরণী-অভিনৰ-টীকা • Kaṅkhāvitaraṇī-abhinava-ṭīkā |
৫. ঊনৰীসতিৰস্সসিক্খাপদৰণ্ণনা
5. Ūnavīsativassasikkhāpadavaṇṇanā
গব্ভৰীসোপি হি ‘‘পরিপুণ্ণৰীসো’’ ত্ৰেৰ সঙ্খং গচ্ছতীতি আহ ‘‘পটিসন্ধিগ্গহণতো পট্ঠাযা’’তিআদি। তত্থ পটিসন্ধিগ্গহণতো পট্ঠাযাতি যং মাতুকুচ্ছিস্মিং পঠমং চিত্তং উপ্পন্নং পঠমং ৰিঞ্ঞাণং পাতুভূতং, তং আদিং কত্ৰা। সোতি যো পুগ্গলো ঊনৰীসতিৰস্সো উপসম্পাদিতো, সো পুগ্গলো। অঞ্ঞং উপসম্পাদেতীতি উপজ্ঝাযো ৰা কম্মৰাচাচরিযো ৰা হুত্ৰা অঞ্ঞং পুগ্গলং উপসম্পাদেতি। তন্তি ঊনৰীসতিৰস্সং পুগ্গলং। সীমং ৰা সম্মন্নতীতি নৰং সীমং বন্ধতি।
Gabbhavīsopi hi ‘‘paripuṇṇavīso’’ tveva saṅkhaṃ gacchatīti āha ‘‘paṭisandhiggahaṇato paṭṭhāyā’’tiādi. Tattha paṭisandhiggahaṇato paṭṭhāyāti yaṃ mātukucchismiṃ paṭhamaṃ cittaṃ uppannaṃ paṭhamaṃ viññāṇaṃ pātubhūtaṃ, taṃ ādiṃ katvā. Soti yo puggalo ūnavīsativasso upasampādito, so puggalo. Aññaṃ upasampādetīti upajjhāyo vā kammavācācariyo vā hutvā aññaṃ puggalaṃ upasampādeti. Tanti ūnavīsativassaṃ puggalaṃ. Sīmaṃ vā sammannatīti navaṃ sīmaṃ bandhati.
ঊনৰীসতিৰস্সসিক্খাপদৰণ্ণনা নিট্ঠিতা।
Ūnavīsativassasikkhāpadavaṇṇanā niṭṭhitā.
