| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
33. உமாபுப்பி²யவக்³கோ³
33. Umāpupphiyavaggo
1. உமாபுப்பி²யத்தே²ரஅபதா³னங்
1. Umāpupphiyattheraapadānaṃ
1.
1.
‘‘ஸமாஹிதங் ஸமாபன்னங், ஸித்³த⁴த்த²மபராஜிதங்;
‘‘Samāhitaṃ samāpannaṃ, siddhatthamaparājitaṃ;
ஸமாதி⁴னா உபவிட்ட²ங், அத்³த³ஸாஹங் நருத்தமங்.
Samādhinā upaviṭṭhaṃ, addasāhaṃ naruttamaṃ.
2.
2.
‘‘உமாபுப்ப²ங் க³ஹெத்வான, பு³த்³த⁴ஸ்ஸ அபி⁴ரோபயிங்;
‘‘Umāpupphaṃ gahetvāna, buddhassa abhiropayiṃ;
ஸப்³ப³புப்பா² ஏகஸீஸா, உத்³த⁴ங்வண்டா அதோ⁴முகா².
Sabbapupphā ekasīsā, uddhaṃvaṇṭā adhomukhā.
3.
3.
‘‘ஸுசித்தா விய திட்ட²ந்தே, ஆகாஸே புப்ப²ஸந்த²ரா;
‘‘Sucittā viya tiṭṭhante, ākāse pupphasantharā;
தேன சித்தப்பஸாதே³ன, துஸிதங் உபபஜ்ஜஹங்.
Tena cittappasādena, tusitaṃ upapajjahaṃ.
4.
4.
‘‘சதுன்னவுதிதோ கப்பே, யங் புப்ப²மபி⁴பூஜயிங்;
‘‘Catunnavutito kappe, yaṃ pupphamabhipūjayiṃ;
து³க்³க³திங் நாபி⁴ஜானாமி, பு³த்³த⁴பூஜாயித³ங் ப²லங்.
Duggatiṃ nābhijānāmi, buddhapūjāyidaṃ phalaṃ.
5.
5.
‘‘பஞ்சபஞ்ஞாஸிதோ கப்பே, ஏகோ ஆஸிங் மஹீபதி;
‘‘Pañcapaññāsito kappe, eko āsiṃ mahīpati;
ஸமந்தச²த³னோ நாம, சக்கவத்தீ மஹப்³ப³லோ.
Samantachadano nāma, cakkavattī mahabbalo.
6.
6.
‘‘படிஸம்பி⁴தா³ சதஸ்ஸோ, விமொக்கா²பி ச அட்டி²மே;
‘‘Paṭisambhidā catasso, vimokkhāpi ca aṭṭhime;
ச²ளபி⁴ஞ்ஞா ஸச்சி²கதா, கதங் பு³த்³த⁴ஸ்ஸ ஸாஸனங்.
Chaḷabhiññā sacchikatā, kataṃ buddhassa sāsanaṃ.
இத்த²ங் ஸுத³ங் ஆயஸ்மா உமாபுப்பி²யோ தே²ரோ இமா கா³தா²யோ அபா⁴ஸித்தா²தி.
Itthaṃ sudaṃ āyasmā umāpupphiyo thero imā gāthāyo abhāsitthāti.
உமாபுப்பி²யத்தே²ரஸ்ஸாபதா³னங் பட²மங்.
Umāpupphiyattherassāpadānaṃ paṭhamaṃ.
