| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
2. புலினபூஜகத்தே²ரஅபதா³னங்
2. Pulinapūjakattheraapadānaṃ
7.
7.
‘‘ககுத⁴ங் விலஸந்தங்வ, நிஸபா⁴ஜானியங் யதா²;
‘‘Kakudhaṃ vilasantaṃva, nisabhājāniyaṃ yathā;
ஓஸதி⁴ங்வ விரோசந்தங், ஓபா⁴ஸந்தங் நராஸப⁴ங்.
Osadhiṃva virocantaṃ, obhāsantaṃ narāsabhaṃ.
8.
8.
‘‘அஞ்ஜலிங் பக்³க³ஹெத்வான, அவந்தி³ங் ஸத்து²னோ அஹங்;
‘‘Añjaliṃ paggahetvāna, avandiṃ satthuno ahaṃ;
9.
9.
‘‘ஸுஸுத்³த⁴ங் புலினங் க³ய்ஹ, க³தமக்³கே³ ஸமோகிரிங்;
‘‘Susuddhaṃ pulinaṃ gayha, gatamagge samokiriṃ;
உச்ச²ங்கே³ன க³ஹெத்வான, விபஸ்ஸிஸ்ஸ மஹேஸினோ.
Ucchaṅgena gahetvāna, vipassissa mahesino.
10.
10.
‘‘ததோ உபட்³ட⁴புலினங், விப்பஸன்னேன சேதஸா;
‘‘Tato upaḍḍhapulinaṃ, vippasannena cetasā;
தி³வாவிஹாரே ஓஸிஞ்சிங், த்³விபதி³ந்த³ஸ்ஸ தாதி³னோ.
Divāvihāre osiñciṃ, dvipadindassa tādino.
11.
11.
‘‘ஏகனவுதிதோ கப்பே, புலினங் யமஸிஞ்சஹங்;
‘‘Ekanavutito kappe, pulinaṃ yamasiñcahaṃ;
து³க்³க³திங் நாபி⁴ஜானாமி, புலினஸ்ஸ இத³ங் ப²லங்.
Duggatiṃ nābhijānāmi, pulinassa idaṃ phalaṃ.
12.
12.
‘‘படிஸம்பி⁴தா³ சதஸ்ஸோ…பே॰… கதங் பு³த்³த⁴ஸ்ஸ ஸாஸனங்’’.
‘‘Paṭisambhidā catasso…pe… kataṃ buddhassa sāsanaṃ’’.
இத்த²ங் ஸுத³ங் ஆயஸ்மா புலினபூஜகோ தே²ரோ இமா கா³தா²யோ அபா⁴ஸித்தா²தி.
Itthaṃ sudaṃ āyasmā pulinapūjako thero imā gāthāyo abhāsitthāti.
புலினபூஜகத்தே²ரஸ்ஸாபதா³னங் து³தியங்.
Pulinapūjakattherassāpadānaṃ dutiyaṃ.
Footnotes:
