| Library / Tipiṭaka / တိပိဋက • Tipiṭaka / ကင္ခာဝိတရဏီ-အဘိနဝ-ဋီကာ • Kaṅkhāvitaraṇī-abhinava-ṭīkā |
၃. ဥက္ကောဋနသိက္ခာပဒဝဏ္ဏနာ
3. Ukkoṭanasikkhāpadavaṇṇanā
တသ္သ တသ္သ ဘိက္ခုနောတိ ယေန ယေန ဝူပသမိတံ, တသ္သ တသ္သ ဘိက္ခုနော။ ‘‘အကတံ ကမ္မ’’န္တိအာဒီနိ ဝဒန္တောတိ ‘‘အကတံ ကမ္မံ, ဒုက္ကဋံ ကမ္မံ, ပုန ကာတဗ္ဗံ ကမ္မံ, အနိဟတံ ဒုန္နိဟတံ ပုန နိဟနိတဗ္ဗ’’န္တိ (ပာစိ. ၃၉၄) ဝဒန္တော။ ယထာဌိတဘာဝေန ပတိဋ္ဌာတုံ န ဒဒေယ္ယာတိ တေသံ ပဝတ္တိ အာကာရဒသ္သနတ္ထံ ဝုတ္တံ။ တေနာဟ ‘‘ယံ ပန ဓမ္မေန အဓိကရဏံ နိဟတံ, တံ သုနိဟတမေဝာ’’တိ။
Tassa tassa bhikkhunoti yena yena vūpasamitaṃ, tassa tassa bhikkhuno. ‘‘Akataṃ kamma’’ntiādīni vadantoti ‘‘akataṃ kammaṃ, dukkaṭaṃ kammaṃ, puna kātabbaṃ kammaṃ, anihataṃ dunnihataṃ puna nihanitabba’’nti (pāci. 394) vadanto. Yathāṭhitabhāvena patiṭṭhātuṃ na dadeyyāti tesaṃ pavatti ākāradassanatthaṃ vuttaṃ. Tenāha ‘‘yaṃ pana dhammena adhikaraṇaṃ nihataṃ, taṃ sunihatamevā’’ti.
ဥက္ကောဋနသိက္ခာပဒဝဏ္ဏနာ နိဋ္ဌိတာ။
Ukkoṭanasikkhāpadavaṇṇanā niṭṭhitā.
