| Library / Tipiṭaka / តិបិដក • Tipiṭaka / បាចិត្យាទិយោជនាបាឡិ • Pācityādiyojanāpāḷi |
២. ឧជ្ជគ្ឃិកវគ្គ-អត្ថយោជនា
2. Ujjagghikavagga-atthayojanā
៥៨៦. ឧច្ចាសទ្ទំ កត្វា ជគ្ឃនំ ហសនំ ឧជ្ជគ្ឃោ, សោយេវ ឧជ្ជគ្ឃិកា, តាយ។ ឥតិ ឥមមត្ថំ ទស្សេន្តោ អាហ ‘‘មហាហសិតំ ហសន្តោ’’តិ។ ឯត្ថាតិ ‘‘ឧជ្ជគ្ឃិកាយា’’តិបទេ។
586. Uccāsaddaṃ katvā jagghanaṃ hasanaṃ ujjaggho, soyeva ujjagghikā, tāya. Iti imamatthaṃ dassento āha ‘‘mahāhasitaṃ hasanto’’ti. Etthāti ‘‘ujjagghikāyā’’tipade.
៥៨៨. កិត្តាវតាតិ កិត្តកេន បមាណេន, ឯវំ និសិន្នេសុ ថេរេសូតិ សម្ពន្ធោ, និទ្ធារណេ ចេតំ ភុម្មវចនំ។ វវត្ថបេតីតិ ឥទញ្ចីទញ្ច កថេតីតិ វវត្ថបេតិ។ ឯត្តាវតាតិ ឯត្តកេន បមាណេន។
588.Kittāvatāti kittakena pamāṇena, evaṃ nisinnesu theresūti sambandho, niddhāraṇe cetaṃ bhummavacanaṃ. Vavatthapetīti idañcīdañca kathetīti vavatthapeti. Ettāvatāti ettakena pamāṇena.
៥៩០. និច្ចលំ កត្វា កាយស្ស ឧជុដ្ឋបនំ កាយបគ្គហោ នាមាតិ អាហ ‘‘និច្ចលំ កត្វា’’តិអាទិ។ ឯសេវ នយោ ពាហុបគ្គហសីសបគ្គហេសុបីតិ។ ទុតិយោ វគ្គោ។
590. Niccalaṃ katvā kāyassa ujuṭṭhapanaṃ kāyapaggaho nāmāti āha ‘‘niccalaṃ katvā’’tiādi. Eseva nayo bāhupaggahasīsapaggahesupīti. Dutiyo vaggo.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវិភង្គ • Mahāvibhaṅga / ២. ឧជ្ជគ្ឃិកវគ្គោ • 2. Ujjagghikavaggo
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / មហាវិភង្គ-អដ្ឋកថា • Mahāvibhaṅga-aṭṭhakathā / ២. ឧជ្ជគ្ឃិកវគ្គវណ្ណនា • 2. Ujjagghikavaggavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / ២. ឧជ្ជគ្ឃិកវគ្គវណ្ណនា • 2. Ujjagghikavaggavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / ២. ឧជ្ជគ្ឃិកវគ្គវណ្ណនា • 2. Ujjagghikavaggavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / ២. ឧជ្ជគ្ឃិកវគ្គវណ្ណនា • 2. Ujjagghikavaggavaṇṇanā
