| Library / Tipiṭaka / តិបិដក • Tipiṭaka / អង្គុត្តរនិកាយ (ដីកា) • Aṅguttaranikāya (ṭīkā) |
៣. ឧគ្គហសុត្តវណ្ណនា
3. Uggahasuttavaṇṇanā
៣៣. តតិយេ សព្ពបឋមំ ឧដ្ឋានសីលាតិ រត្តិយា វិភាយនវេលាយ សាមិកេ បរិជនេ សេយ្យាយ អវុដ្ឋិតេ សព្ពបឋមំ ឧដ្ឋានសីលា។ សាមិកំ ទិស្វា និសិន្នាសនតោ អគ្គិទឌ្ឍា វិយ បឋមមេវ វុដ្ឋហន្តីតិ វា បុព្ពុដ្ឋាយិនិយោ។ កិំការន្តិ កិំករណីយំ, កិំករណភាវេន បុច្ឆិត្វា កាតព្ពវេយ្យាវច្ចន្តិ អត្ថោ។ តំ បដិស្សុណន្តា វិចរន្តីតិ កិំការប្បដិស្សាវិនិយោ។ មនាបំយេវ កិរិយំ ករោន្តិ សីលេនាតិ មនាបចារិនិយោ។ បិយមេវ វទន្តិ សីលេនាតិ បិយវាទិនិយោ។
33. Tatiye sabbapaṭhamaṃ uṭṭhānasīlāti rattiyā vibhāyanavelāya sāmike parijane seyyāya avuṭṭhite sabbapaṭhamaṃ uṭṭhānasīlā. Sāmikaṃ disvā nisinnāsanato aggidaḍḍhā viya paṭhamameva vuṭṭhahantīti vā pubbuṭṭhāyiniyo. Kiṃkāranti kiṃkaraṇīyaṃ, kiṃkaraṇabhāvena pucchitvā kātabbaveyyāvaccanti attho. Taṃ paṭissuṇantā vicarantīti kiṃkārappaṭissāviniyo. Manāpaṃyeva kiriyaṃ karonti sīlenāti manāpacāriniyo. Piyameva vadanti sīlenāti piyavādiniyo.
តត្រុបាយាយាតិ តត្រ កម្មេ សាធេតព្ពឧបាយភូតាយ វីមំសាយ។ តេនាហ ‘‘តស្មិំ ឧណ្ណាកប្បាសសំវិធានេ’’តិអាទិ។ អលំ កាតុន្តិ កាតុំ សមត្ថា។ អលំ សំវិធាតុន្តិ វិចារេតុំ សមត្ថា។ តេនាហ ‘‘អលំ កាតុំ អលំ សំវិធាតុន្តិ អត្តនា កាតុម្បិ បរេហិ ការាបេតុម្បី’’តិអាទិ។ សេសមេត្ថ សុវិញ្ញេយ្យមេវ។
Tatrupāyāyāti tatra kamme sādhetabbaupāyabhūtāya vīmaṃsāya. Tenāha ‘‘tasmiṃ uṇṇākappāsasaṃvidhāne’’tiādi. Alaṃ kātunti kātuṃ samatthā. Alaṃ saṃvidhātunti vicāretuṃ samatthā. Tenāha ‘‘alaṃ kātuṃ alaṃ saṃvidhātunti attanā kātumpi parehi kārāpetumpī’’tiādi. Sesamettha suviññeyyameva.
ឧគ្គហសុត្តវណ្ណនា និដ្ឋិតា។
Uggahasuttavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya / ៣. ឧគ្គហសុត្តំ • 3. Uggahasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) / ៣. ឧគ្គហសុត្តវណ្ណនា • 3. Uggahasuttavaṇṇanā
