| Library / Tipiṭaka / д̇ибидага • Tipiṭaka / куд̣̇д̣̇асигкаа-мууласигкаа • Khuddasikkhā-mūlasikkhā |
37. уг̇г̇аханид̣̇д̣̇зсаван̣н̣анаа
37. Uggahaniddesavaṇṇanā
281. буг̇г̇ала-сад̣̇д̣̇амад̇д̇з баяуд̇д̇з ад̇д̇аноби г̇ахан̣асамбхаво сияаад̇и б̣яабхижаарад̇т̇ам̣ ан̃н̃а-сад̣̇д̣̇аббаяог̇о. сад̇и самбхавз б̣яабхижаарз висзсанам̣ саад̇т̇агам̣ ход̇ийд̇и. д̣̇асабхзд̣̇амби рад̇ананд̇и ‘‘муд̇д̇аа ман̣и взл̣урияо сан̇ко силаа баваал̣ам̣ раж̇ад̇ам̣ ж̇аад̇аруубам̣ лохид̇ан̇го масаараг̇алла’’нд̇и (баажи. 506) звам̣ вуд̇д̇ам̣ д̣̇асабхзд̣̇амби рад̇анам̣. уг̇г̇ан̣ханд̇ассаад̇и г̇ан̣ханд̇асса самбадижчанд̇асса.
281. Puggala-saddamatte payutte attanopi gahaṇasambhavo siyāti byabhicāratthaṃ añña-saddappayogo. Sati sambhave byabhicāre visesanaṃ sātthakaṃ hotīti. Dasabhedampi ratananti ‘‘muttā maṇi veḷuriyo saṅkho silā pavāḷaṃ rajataṃ jātarūpaṃ lohitaṅko masāragalla’’nti (pāci. 506) evaṃ vuttaṃ dasabhedampi ratanaṃ. Uggaṇhantassāti gaṇhantassa sampaṭicchantassa.
282-3. д̇зсу ад̇д̇ад̇т̇ам̣ уг̇г̇ан̣ханд̇асса д̣̇вийсу ниссаг̇г̇ийд̇и самб̣анд̇хо. д̇зсууд̇и д̇зсу д̣̇асасу маж̇жхз. д̣̇вийсууд̇и раж̇ад̇аж̇аад̇аруубасан̇каад̇зсу д̣̇вийсу ниссаг̇г̇ияавад̇т̇уусу. ад̇д̇ад̇т̇анд̇и иминаа навагаммаад̣̇ийнам̣ бан̃жаннам̣ ад̇т̇ааяа д̣̇уггаданд̇и д̣̇ийбзд̇и. сзсзсу д̣̇уггаданд̇и авасзсзсу адтасу саб̣б̣зсамби ад̇т̇ааяа уг̇г̇ан̣ханд̇асса д̣̇уггаданд̇и ад̇т̇о. г̇ан̣ан̃жа сан̇гхан̃жа буг̇г̇алан̃жа анаамасид̇ваа ‘‘жзд̇яасса навагаммасса д̣̇аммий’’д̇и вуд̇д̇з жа на бадигкибзд̇и самб̣анд̇ханийяам̣. на бадигкибзд̇и иминаа сан̇гхаад̣̇им̣ аамасид̇ваа вуд̇д̇з бадигкибанам̣ д̣̇ийбзд̇и. бадигкид̇д̇з ‘‘габбияагаарагаанам̣ ваа хад̇т̇з бхависсад̇и, мама бурисаанам̣ маяхамзва ваа хад̇т̇з бхависсад̇и, гзвалам̣ д̇умхз бажжаяз барибхун̃ж̇ат̇аа’’д̇и вад̣̇ад̇и, ваддад̇и. жад̇убажжаяад̇т̇ааяа жа д̣̇иннам̣ язна язна ад̇т̇о ход̇и, д̇ад̣̇ад̇т̇ам̣ убанзд̇аб̣б̣ам̣. д̇зсам̣ жийварад̇т̇ааяа д̣̇иннам̣ жийварзязва убанзд̇аб̣б̣ам̣. сажз жийварзна д̇аад̣̇исо ад̇т̇о над̇т̇и, бин̣д̣абаад̇аад̣̇ийхи сан̇гхо гиламад̇и, сан̇гхасудтуд̇ааяа абалогзд̇ваа д̇ад̣̇ад̇т̇ааяаби убанзд̇аб̣б̣ам̣. зса наяо бин̣д̣абаад̇аг̇илаанабажжаяад̇т̇ааяа д̣̇иннзби. сзнаасанад̇т̇ааяа д̣̇иннам̣ бана г̇арубхан̣д̣ад̇д̇аа д̇ад̇т̇зва убанзд̇аб̣б̣ам̣, сзнаасанзсу нассанд̇зсу ж̇аг̇г̇анад̇т̇ам̣ муулажчзж̇ж̇ам̣ агад̇ваа ависсаж̇ж̇зд̇ваа яаабанамад̇д̇ам̣ барибхун̃ж̇ид̇аб̣б̣ам̣.
282-3. Tesu attatthaṃ uggaṇhantassa dvīsu nissaggīti sambandho. Tesūti tesu dasasu majjhe. Dvīsūti rajatajātarūpasaṅkhātesu dvīsu nissaggiyavatthūsu. Attatthanti iminā navakammādīnaṃ pañcannaṃ atthāya dukkaṭanti dīpeti. Sesesu dukkaṭanti avasesesu aṭṭhasu sabbesampi atthāya uggaṇhantassa dukkaṭanti attho. Gaṇañca saṅghañca puggalañca anāmasitvā ‘‘cetyassa navakammassa dammī’’ti vutte ca na paṭikkhipeti sambandhanīyaṃ. Na paṭikkhipeti iminā saṅghādiṃ āmasitvā vutte paṭikkhipanaṃ dīpeti. Paṭikkhitte ‘‘kappiyakārakānaṃ vā hatthe bhavissati, mama purisānaṃ mayhameva vā hatthe bhavissati, kevalaṃ tumhe paccaye paribhuñjathā’’ti vadati, vaṭṭati. Catupaccayatthāya ca dinnaṃ yena yena attho hoti, tadatthaṃ upanetabbaṃ. Tesaṃ cīvaratthāya dinnaṃ cīvareyeva upanetabbaṃ. Sace cīvarena tādiso attho natthi, piṇḍapātādīhi saṅgho kilamati, saṅghasuṭṭhutāya apaloketvā tadatthāyapi upanetabbaṃ. Esa nayo piṇḍapātagilānapaccayatthāya dinnepi. Senāsanatthāya dinnaṃ pana garubhaṇḍattā tattheva upanetabbaṃ, senāsanesu nassantesu jagganatthaṃ mūlacchejjaṃ akatvā avissajjetvā yāpanamattaṃ paribhuñjitabbaṃ.
284. кзд̇д̇аад̣̇ийнам̣ гзсан̃жи д̣̇уггадавад̇т̇уунам̣ самбадижчануубааяам̣ д̣̇ассзд̇ум̣ ‘‘кзд̇д̇а’’нд̇иаад̣̇и вуд̇д̇ам̣. д̇ад̇т̇а кзд̇д̇анд̇и буб̣б̣ан̣н̣авируханадтаанам̣. вад̇т̇унд̇и абаран̣н̣аужчупалаад̣̇ийнам̣ вируханадтаанам̣. д̣̇аасабасваад̣̇иганд̇и д̣̇аасабасубубпаараамапалаараамаад̣̇игам̣. бадигкибид̇ваа габбиязна гамзна жа г̇ан̣хзяяаад̇и самб̣анд̇хо. габбиязна гамзна жаад̇и зд̇т̇а гама-сад̣̇д̣̇о вохаараббадибаадиважано, д̇асмаа барзсам̣ ад̇д̇ано жа габбияавохаараггамзнзваад̇и ад̇т̇о.
284. Khettādīnaṃ kesañci dukkaṭavatthūnaṃ sampaṭicchanūpāyaṃ dassetuṃ ‘‘khetta’’ntiādi vuttaṃ. Tattha khettanti pubbaṇṇaviruhanaṭṭhānaṃ. Vatthunti aparaṇṇaucchuphalādīnaṃ viruhanaṭṭhānaṃ. Dāsapasvādikanti dāsapasupupphārāmaphalārāmādikaṃ. Paṭikkhipitvā kappiyena kamena ca gaṇheyyāti sambandho. Kappiyena kamena cāti ettha kama-saddo vohārappaṭipāṭivacano, tasmā paresaṃ attano ca kappiyavohārakkamenevāti attho.
со жа кзд̇д̇авад̇т̇уусу д̇аава ‘‘жад̇д̇ааро бажжаяз барибхун̃ж̇ат̇аа’’д̇и ваа ‘‘габбияагаарагаанам̣ хад̇т̇з бхависсад̇ий’’д̇и ваа ‘‘сан̇гхо габбияабхан̣д̣ам̣ бхун̃ж̇ад̇уу’’д̇и ваа ‘‘сиймам̣ д̣̇змаа’’д̇и ваа барзхи вуд̇д̇о, ‘‘саад̇ху, убаасага миг̇абагкино зд̇т̇а ниб̣бхаяаа сукзна ж̇ийвиссанд̇ий’’д̇и ад̇д̇анаа ваа д̇ал̣аагз яат̇аавуд̇д̇знзва ‘‘уд̣̇агам̣ барибхун̃ж̇иссанд̇и, бхан̣д̣агам̣ д̇ховиссанд̇и, миг̇абагкино бивиссанд̇ий’’д̇и барзхи ваа ‘‘саад̇ху, убаасага, сан̇гхо баанийяам̣ бивиссад̇ий’’д̇иаад̣̇инаа ад̇д̇анаа ваа д̣̇аасз ‘‘аараамигам̣ д̣̇амми, взяяааважжагарам̣ д̣̇амми, габбияагаарагам̣ д̣̇аммий’’д̇и ваа басуусу ‘‘бан̃жаг̇орасабарибхог̇ад̇т̇ааяа д̣̇аммий’’д̇и аараамз ‘‘ванам̣ д̣̇аммий’’д̇и звамаад̣̇инаа вуд̇д̇о взд̣̇ид̇аб̣б̣о. сажз бана гожи аб̣яад̇д̇о агаббияавохаарзна кзд̇д̇аад̣̇им̣ бадиг̇г̇ан̣хаад̇и ваа гаарзд̇и ваа, д̇ам̣ бхигкуухи на барибхун̃ж̇ид̇аб̣б̣ам̣, д̇ам̣ ниссааяа лад̣̇д̇хам̣ габбияабхан̣д̣амби агаббияамзва. аб̣яад̇д̇зна бана лаж̇ж̇ийбхигкунаа гаараабид̇зсу гин̃жааби бадиг̇г̇ахан̣ам̣ габбияам̣, бхигкусса баяог̇абажжаяаа уббаннзна миссад̇д̇аа висаг̇ад̇абин̣д̣абаад̇о вияа, агаббияамам̣сабхож̇анам̣ вияа жа д̣̇уб̣б̣иниб̣бхог̇ам̣ ход̇и, саб̣б̣зсам̣ агаббияамзва.
So ca khettavatthūsu tāva ‘‘cattāro paccaye paribhuñjathā’’ti vā ‘‘kappiyakārakānaṃ hatthe bhavissatī’’ti vā ‘‘saṅgho kappiyabhaṇḍaṃ bhuñjatū’’ti vā ‘‘sīmaṃ demā’’ti vā parehi vutto, ‘‘sādhu, upāsaka migapakkhino ettha nibbhayā sukhena jīvissantī’’ti attanā vā taḷāke yathāvutteneva ‘‘udakaṃ paribhuñjissanti, bhaṇḍakaṃ dhovissanti, migapakkhino pivissantī’’ti parehi vā ‘‘sādhu, upāsaka, saṅgho pānīyaṃ pivissatī’’tiādinā attanā vā dāse ‘‘ārāmikaṃ dammi, veyyāvaccakaraṃ dammi, kappiyakārakaṃ dammī’’ti vā pasūsu ‘‘pañcagorasaparibhogatthāya dammī’’ti ārāme ‘‘vanaṃ dammī’’ti evamādinā vutto veditabbo. Sace pana koci abyatto akappiyavohārena khettādiṃ paṭiggaṇhāti vā kāreti vā, taṃ bhikkhūhi na paribhuñjitabbaṃ, taṃ nissāya laddhaṃ kappiyabhaṇḍampi akappiyameva. Abyattena pana lajjībhikkhunā kārāpitesu kiñcāpi paṭiggahaṇaṃ kappiyaṃ, bhikkhussa payogapaccayā uppannena missattā visagatapiṇḍapāto viya, akappiyamaṃsabhojanaṃ viya ca dubbinibbhogaṃ hoti, sabbesaṃ akappiyameva.
285-6. нава…бз… гирияаа жа анавз мад̇д̇игуд̣̇д̇хааран̣ан̃жа б̣анд̇хо жа аал̣ияаа т̇ирагааро жа анавз гзд̣̇аарз ад̇ирзгабхааг̇аг̇г̇ахан̣ан̃жа навз жа абарижчиннабхааг̇з сассз ‘‘зд̇д̇агз д̣̇зт̇аа’’д̇и гахаабан̣удтаабанан̃жаад̇и саб̣б̣зсамби агаббияанд̇и самб̣анд̇хо. маад̇игаа жа гзд̣̇ааро жа д̇ал̣ааго жаад̇и д̣̇ванд̣̇о маад̇ига…бз… д̇ал̣аагаа. д̇зсам̣ гирияаад̇и самаасо. анавзд̇и жад̇убажжаяавасзна бадиг̇г̇ахид̇з бураан̣ад̇ал̣аагз. уд̣̇агавасзна бадиг̇г̇ахид̇з бана суд̣̇д̇хажид̇д̇аанам̣ ваддад̇и. б̣анд̇ход̇и баал̣ияаа б̣анд̇хо. бораан̣агзд̣̇аарз нияамид̇абагад̇ибхааг̇ад̇д̇аа ааха ‘‘анавз’’д̇и. абарижчиннабхааг̇зд̇и ‘‘зд̇д̇агз бхуумибхааг̇з зд̇д̇аго бхааг̇о д̣̇аад̇аб̣б̣о’’д̇и звам̣ абарижчиннабхааг̇з.
285-6. Nava…pe… kiriyā ca anave mattikuddhāraṇañca bandho ca āḷiyā thirakāro ca anave kedāre atirekabhāgaggahaṇañca nave ca aparicchinnabhāge sasse ‘‘ettake dethā’’ti kahāpaṇuṭṭhāpanañcāti sabbesampi akappiyanti sambandho. Mātikā ca kedāro ca taḷāko cāti dvando mātika…pe… taḷākā. Tesaṃ kiriyāti samāso. Anaveti catupaccayavasena paṭiggahite purāṇataḷāke. Udakavasena paṭiggahite pana suddhacittānaṃ vaṭṭati. Bandhoti pāḷiyā bandho. Porāṇakedāre niyamitapakatibhāgattā āha ‘‘anave’’ti. Aparicchinnabhāgeti ‘‘ettake bhūmibhāge ettako bhāgo dātabbo’’ti evaṃ aparicchinnabhāge.
287-9. ‘‘гаса вабба’’ ижжаад̣̇им̣ авад̇ваа жа ‘‘зд̇д̇агааяа бхуумияаа зд̇д̇аго бхааг̇о д̣̇зяяо’’д̇и бхуумим̣ ваа бад̇идтаабзд̇и, д̇ассзвзд̇амагаббияанд̇и самб̣анд̇хо. жа-сад̣̇д̣̇о авад̇хааран̣з. бад̇идтаабзд̇ийд̇и яо бхигку бад̇идтаабзд̇и. д̇ассзваад̇и д̇асса бад̇идтаабагабхигкуссзва. зд̇анд̇и бад̇идтаабид̇абхуумид̇о лад̣̇д̇хад̇хан̃н̃ам̣ ‘‘зд̇д̇агз бхуумибхааг̇з сассам̣ гад̇ам̣, зд̇д̇агам̣ г̇ан̣хат̇аа’’д̇и звам̣ вад̣̇анд̇з бамаан̣аг̇ан̣ханад̇т̇ам̣ д̣̇ан̣д̣араж̇ж̇убхи минанз ваа калз тад̇ваа рагкан̣з ваа д̇ам̣ нийхараабанз ваа годтааг̇аараад̣̇ибадисааманз ваа зд̇ам̣ д̇ассзва агаббияанд̇и самб̣анд̇ханийяам̣. бад̇идтаабзд̇и жаад̇и со бхигку бад̇идтаабзд̇и жа. гад̇анд̇и амхзхи гад̇ам̣. вад̣̇анд̇званд̇и звам̣ гассагз вад̣̇анд̇з. бамаан̣анд̇и бхуумиббамаан̣ам̣. нийхараабанзд̇и калад̇о г̇зхасса нийхараабанз. зд̇анд̇и мид̇алад̣̇д̇харагкид̇аад̣̇игам̣. д̇ассзваад̇и маанагарагкагаад̣̇ино зва. абуб̣б̣асса ануббаад̣̇ид̇ад̇д̇аа ан̃н̃зсам̣ габбад̇ийд̇и ааха ‘‘д̇ассзвзд̇амагаббияа’’нд̇и.
287-9. ‘‘Kasa vappa’’ iccādiṃ avatvā ca ‘‘ettakāya bhūmiyā ettako bhāgo deyyo’’ti bhūmiṃ vā patiṭṭhāpeti, tassevetamakappiyanti sambandho. Ca-saddo avadhāraṇe. Patiṭṭhāpetīti yo bhikkhu patiṭṭhāpeti. Tassevāti tassa patiṭṭhāpakabhikkhusseva. Etanti patiṭṭhāpitabhūmito laddhadhaññaṃ ‘‘ettake bhūmibhāge sassaṃ kataṃ, ettakaṃ gaṇhathā’’ti evaṃ vadante pamāṇagaṇhanatthaṃ daṇḍarajjubhi minane vā khale ṭhatvā rakkhaṇe vā taṃ nīharāpane vā koṭṭhāgārādipaṭisāmane vā etaṃ tasseva akappiyanti sambandhanīyaṃ. Patiṭṭhāpeti cāti so bhikkhu patiṭṭhāpeti ca. Katanti amhehi kataṃ. Vadantevanti evaṃ kassake vadante. Pamāṇanti bhūmippamāṇaṃ. Nīharāpaneti khalato gehassa nīharāpane. Etanti mitaladdharakkhitādikaṃ. Tassevāti mānakarakkhakādino eva. Apubbassa anuppāditattā aññesaṃ kappatīti āha ‘‘tassevetamakappiya’’nti.
290. бадисааманаббасан̇г̇знааха ‘‘бадисаамзяяаа’’д̇иаад̣̇и. бид̇усанд̇агамби г̇ихисанд̇агам̣ яам̣ гин̃жийд̇и самб̣анд̇хо. бид̇усанд̇аганд̇и бид̇аа жа маад̇аа жа бид̇аро, д̇зсам̣ санд̇агам̣. г̇ихисанд̇аганд̇и иминаа бан̃жаннам̣ сахад̇хаммигаанам̣ санд̇агам̣ яам̣ гин̃жи баригкаарам̣ бадисаамзд̇ум̣ ваддад̇ийд̇и д̣̇ийбзд̇и. яам̣ гин̃жийд̇и габбияам̣ агаббияам̣ ваа анд̇амасо маад̇уган̣н̣абил̣анд̇ханад̇аалабан̣н̣амби. бхан̣д̣ааг̇ааригасийсзнаад̇и сийсан̇г̇амива бад̇хаанам̣ яам̣ гин̃жи ‘‘сийса’’нд̇и ид̇ха убажааравасзна вужжад̇и, д̇ат̇аа бхан̣д̣ааг̇ааригасад̣̇д̣̇оби бхааваббад̇хаано, бхан̣д̣ааг̇аариго бхан̣д̣ааг̇ааригад̇д̇ам̣ сийсам̣ бад̇хаананд̇и висзсанабарабад̣̇з гаммад̇хаараяо, д̇зна, бхан̣д̣ааг̇ааригад̇д̇асса бад̇хаанагаран̣знаад̇и ад̇т̇о.
290. Paṭisāmanappasaṅgenāha ‘‘paṭisāmeyyā’’tiādi. Pitusantakampi gihisantakaṃ yaṃ kiñcīti sambandho. Pitusantakanti pitā ca mātā ca pitaro, tesaṃ santakaṃ. Gihisantakanti iminā pañcannaṃ sahadhammikānaṃ santakaṃ yaṃ kiñci parikkhāraṃ paṭisāmetuṃ vaṭṭatīti dīpeti. Yaṃ kiñcīti kappiyaṃ akappiyaṃ vā antamaso mātukaṇṇapiḷandhanatālapaṇṇampi. Bhaṇḍāgārikasīsenāti sīsaṅgamiva padhānaṃ yaṃ kiñci ‘‘sīsa’’nti idha upacāravasena vuccati, tathā bhaṇḍāgārikasaddopi bhāvappadhāno, bhaṇḍāgāriko bhaṇḍāgārikattaṃ sīsaṃ padhānanti visesanaparapade kammadhārayo, tena, bhaṇḍāgārikattassa padhānakaraṇenāti attho.
291-2. авассам̣ бадисаамияанд̇и авассам̣ сан̇г̇обзд̇аб̣б̣ам̣. вуд̇д̇збийд̇и маад̇аабид̇уухи вуд̇д̇зби.
291-2.Avassaṃ paṭisāmiyanti avassaṃ saṅgopetabbaṃ. Vuttepīti mātāpitūhi vuttepi.
293-4. вад̣дхагиаад̣̇аяо ваа рааж̇аваллабхаа ваа ‘‘сагам̣ баригкаарам̣ ваа саяанабхан̣д̣ам̣ ваа бадисаамзд̇ваа д̣̇зхий’’д̇и яад̣̇и вад̣̇анд̇и, чанд̣̇ад̇оби бхаяааби на гарзяяаад̇и яож̇анаа. баригкааранд̇и ваасипарасуаад̣̇иубагаран̣абхан̣д̣ам̣. чанд̣̇ад̇оби бхаяаабийд̇и вад̣дхагиаад̣̇ийсу чанд̣̇зна, рааж̇аваллабхзсу бхаязна.
293-4. Vaḍḍhakiādayo vā rājavallabhā vā ‘‘sakaṃ parikkhāraṃ vā sayanabhaṇḍaṃ vā paṭisāmetvā dehī’’ti yadi vadanti, chandatopi bhayāpi na kareyyāti yojanā. Parikkhāranti vāsipharasuādiupakaraṇabhaṇḍaṃ. Chandatopi bhayāpīti vaḍḍhakiādīsu chandena, rājavallabhesu bhayena.
295-6. бадисаамид̇ум̣ ваддад̇ийд̇и яож̇зд̇аб̣б̣ам̣. сан̇ганд̇ийд̇и яаад̣̇исз бад̣̇зсз ‘‘бхигкуухи ваа сааман̣зрзхи ваа г̇ахид̇ам̣ бхависсад̇ий’’д̇и сан̇гам̣ уббаад̣̇знд̇и, д̇аад̣̇исз вихаараавасат̇ассанд̇од̇и яож̇анийяам̣. вихаараавасат̇ассаад̇и вихаарасса жа аавасат̇асса жа. рад̇ананд̇и д̣̇асавид̇хам̣ рад̇анам̣. рад̇насаммад̇анд̇и вад̇т̇аад̣̇игам̣. нигкибзяяаад̇и саамигз д̣̇идтз нияамзд̇ваа д̣̇аад̇ум̣ ‘‘зд̇д̇агаа гахаабан̣аа’’д̇иаад̣̇инаануруубзна мад̇д̇игалан̃чанаад̣̇инимид̇д̇зна ваа сан̃н̃аан̣ам̣ гад̇ваа нигкибзяяа. г̇ахзд̇ваанаад̇и д̇аад̣̇исз асад̇и ад̇д̇анаава г̇ахзд̇ваа. д̇аад̣̇исзд̇и рад̇анз ваа рад̇анасаммад̇з ваа сад̇и. саамигаанааг̇амам̣ н̃ад̇ваад̇и яад̣̇и ад̇д̇ани аасан̇ганд̇и, маг̇г̇аа оггамма нисийд̣̇ияа бажчаа саамигаанам̣ анааг̇аманам̣ вин̃н̃ааяа. бад̇ируубанд̇и рад̇анасаммад̇з бам̣сугуулаг̇г̇ахан̣ам̣ рад̇анз нируссуггаг̇амананд̇и зваруубам̣ бхигкуунам̣ ануруубанд̇и.
295-6. Paṭisāmituṃ vaṭṭatīti yojetabbaṃ. Saṅkantīti yādise padese ‘‘bhikkhūhi vā sāmaṇerehi vā gahitaṃ bhavissatī’’ti saṅkaṃ uppādenti, tādise vihārāvasathassantoti yojanīyaṃ. Vihārāvasathassāti vihārassa ca āvasathassa ca. Ratananti dasavidhaṃ ratanaṃ. Ratnasammatanti vatthādikaṃ. Nikkhipeyyāti sāmike diṭṭhe niyametvā dātuṃ ‘‘ettakā kahāpaṇā’’tiādinānurūpena mattikalañchanādinimittena vā saññāṇaṃ katvā nikkhipeyya. Gahetvānāti tādise asati attanāva gahetvā. Tādiseti ratane vā ratanasammate vā sati. Sāmikānāgamaṃ ñatvāti yadi attani āsaṅkanti, maggā okkamma nisīdiya pacchā sāmikānaṃ anāgamanaṃ viññāya. Patirūpanti ratanasammate paṃsukūlaggahaṇaṃ ratane nirussukkagamananti evarūpaṃ bhikkhūnaṃ anurūpanti.
уг̇г̇аханид̣̇д̣̇зсаван̣н̣анаа нидтид̇аа.
Uggahaniddesavaṇṇanā niṭṭhitā.
