| Library / Tipiṭaka / д̇ибидага • Tipiṭaka / куд̣̇д̣̇асигкаа-мууласигкаа • Khuddasikkhā-mūlasikkhā |
38. д̣̇уусананид̣̇д̣̇зсаван̣н̣анаа
38. Dūsananiddesavaṇṇanā
297. д̣̇ад̣̇ад̇од̇и сасанд̇агам̣ барасанд̇аган̃жа д̣̇знд̇асса. гулад̣̇уусанад̣̇уггаданд̇и ад̇д̇ано д̣̇уббадибад̇д̇ияаа гулаанам̣ д̣̇уусанам̣ басаад̣̇авинаасанам̣ гулад̣̇уусанам̣, д̇зна д̣̇уггадам̣ гулад̣̇уусанад̣̇уггадам̣.
297.Dadatoti sasantakaṃ parasantakañca dentassa. Kuladūsanadukkaṭanti attano duppaṭipattiyā kulānaṃ dūsanaṃ pasādavināsanaṃ kuladūsanaṃ, tena dukkaṭaṃ kuladūsanadukkaṭaṃ.
298. зд̇т̇а сан̇гхигам̣ г̇арубхан̣д̣ам̣ иссарзна д̣̇знд̇асса т̇уллажжаяанд̇и самб̣анд̇хо. зд̇т̇аад̇и зд̇зсам̣ бубпаад̣̇ийнам̣ маж̇жхз. иссарзнаад̇и д̇ад̣̇д̇хид̇алобзна вуд̇д̇ам̣, иссариязна иссаравад̇ааяаад̇и ад̇т̇о. д̣̇знд̇ассаад̇и гуласан̇г̇ахад̇т̇ааяа иссаравад̇ааяа д̣̇ад̣̇ад̇о. т̇уллажжаяанд̇и гуласан̇г̇ахад̇т̇ааяа д̣̇ад̣̇ад̇о ‘‘гулад̣̇уусанад̣̇уггада’’нд̇и сааман̃н̃авихид̇ад̣̇уггадзна сад̣̇д̇хим̣ ‘‘бан̃жимаани, бхигкавз, ависсаж̇ж̇ияаани, на виссаж̇ж̇зд̇аб̣б̣аани сан̇гхзна ваа г̇ан̣зна ваа буг̇г̇алзна ваа, виссаж̇ж̇ид̇ааниби ависсаж̇ж̇ид̇аани хонд̇и. яо виссаж̇ж̇зяяа, аабад̇д̇и т̇уллажжаяассаа’’д̇и (жуул̣ава. 321) звам̣ вуд̇д̇ат̇уллажжаяанд̇и ад̇т̇о. ан̃н̃ад̇т̇а т̇уллажжаяамзва. сзнаасанад̇т̇ааяа нияамид̇зби зсзва наяо. сан̇гхасса санд̇агам̣ т̇зяяаа д̣̇знд̇асса д̣̇уггадаад̣̇ийнийд̇и самб̣анд̇хид̇аб̣б̣ам̣. д̣̇знд̇ассаад̇и вуд̇д̇анаяамзва. д̣̇уггадаад̣̇ийнийд̇и гуласан̇г̇ахад̇т̇ааяа д̣̇ад̣̇ад̇о гулад̣̇уусанад̣̇уггадзна сад̣̇д̇хим̣ маасагз ваа уунамаасагз ваа д̣̇уггадам̣ , ад̇ирзгамаасагз ваа уунабан̃жамаасагз ваа т̇уллажжаяам̣, бан̃жамаасагз ваа ад̇ирзгабан̃жамаасагз ваа баарааж̇иганд̇и звам̣ д̣̇уггадаад̣̇ийни хонд̇ийд̇и ад̇т̇о. ан̃н̃ад̇т̇а д̣̇уггадаад̣̇ийнзва.
298. Ettha saṅghikaṃ garubhaṇḍaṃ issarena dentassa thullaccayanti sambandho. Etthāti etesaṃ pupphādīnaṃ majjhe. Issarenāti taddhitalopena vuttaṃ, issariyena issaravatāyāti attho. Dentassāti kulasaṅgahatthāya issaravatāya dadato. Thullaccayanti kulasaṅgahatthāya dadato ‘‘kuladūsanadukkaṭa’’nti sāmaññavihitadukkaṭena saddhiṃ ‘‘pañcimāni, bhikkhave, avissajjiyāni, na vissajjetabbāni saṅghena vā gaṇena vā puggalena vā, vissajjitānipi avissajjitāni honti. Yo vissajjeyya, āpatti thullaccayassā’’ti (cūḷava. 321) evaṃ vuttathullaccayanti attho. Aññattha thullaccayameva. Senāsanatthāya niyamitepi eseva nayo. Saṅghassa santakaṃ theyyā dentassa dukkaṭādīnīti sambandhitabbaṃ. Dentassāti vuttanayameva. Dukkaṭādīnīti kulasaṅgahatthāya dadato kuladūsanadukkaṭena saddhiṃ māsake vā ūnamāsake vā dukkaṭaṃ , atirekamāsake vā ūnapañcamāsake vā thullaccayaṃ, pañcamāsake vā atirekapañcamāsake vā pārājikanti evaṃ dukkaṭādīni hontīti attho. Aññattha dukkaṭādīneva.
299-300. гуласан̇г̇ахад̇т̇ам̣ палабубпуубаг̇ам̣ ругкам̣ саб̣б̣ат̇аа робзд̇ун̃жа робаабзд̇ун̃жа ж̇аг̇г̇ид̇ун̃жа на ваддад̇ийд̇и самб̣анд̇ханийяам̣. жа-сад̣̇д̣̇о ожинид̇ум̣ ожинаабзд̇ум̣, г̇ант̇ид̇ум̣ г̇ант̇аабзд̇унд̇и жа авуд̇д̇аани жа самужжинод̇и. палабубпаани самбаад̣̇анавасзна убаг̇ажчад̇ийд̇и палабубпуубаг̇ам̣. саб̣б̣ат̇аад̇и габбияавохаараагаббияавохаарабарияааяаобхаасанимид̇д̇агаммавасзна саб̣б̣аббагаарзнзва. д̇ад̇т̇а габбияавохааро наама ‘‘имам̣ ругкам̣ ж̇аана, имам̣ ааваадам̣ ж̇аана, имам̣ маалааважчам̣ ж̇аана, зд̇т̇а уд̣̇агам̣ ж̇аанаа’’д̇и важанам̣, сугкамаад̇игааяа уж̇угаран̣ан̃жа. д̇аб̣б̣ибарияааязна агаббияавохааро наама. барияааяо наама ‘‘бан̣д̣ид̇зна маалааважчаад̣̇аяо робаабзд̇аб̣б̣аа, на жирассзва убагаарааяа сам̣вад̇д̇анд̇ий’’д̇иаад̣̇иважанам̣. обхаасо наама гуд̣̇д̣̇аалакан̣ид̇д̇аад̣̇ийни жа маалааважчз жа г̇ахзд̇ваа таанам̣. нимид̇д̇агаммам̣ наама гуд̣̇д̣̇аалауд̣̇агабхааж̇анаад̣̇ийнам̣ аахарид̇ваа самийбз табанам̣. ж̇аг̇г̇ид̇унд̇и вад̣̇анд̇и уд̣̇агасзжанаад̣̇ийни гад̇ваа. г̇ант̇анаг̇ант̇аабанзсу бана саб̣б̣ааби ча бубпавигад̇ияо взд̣̇ид̇аб̣б̣аа г̇ант̇имам̣ г̇обпимам̣ взд̇химам̣ взтимам̣ бууримам̣ вааяиманд̇и. наамавасзнзва банзд̇зсам̣ висзсо взд̣̇ид̇аб̣б̣о. д̇ам̣ бана гуласан̇г̇ахад̇о ан̃н̃ад̇рааби бхигкусса гаад̇умби агаббияаважанзна гаараабзд̇умби на ваддад̇и. ‘‘звам̣ ж̇аана, звам̣ гад̇з собхзяяа, яат̇аа зд̇аани бубпаани на вигирияанд̇и, д̇ат̇аа гарохий’’д̇иаад̣̇инаа бана габбияаважанзна гаараабзд̇ум̣ винаа гуласан̇г̇ахам̣ ваддад̇и. робанаад̣̇ийнийд̇и агаббияабат̇авияам̣ робаабанасин̃жаабанаад̣̇ийни, ан̃н̃ад̇т̇а робанаад̣̇ийни.
299-300. Kulasaṅgahatthaṃ phalapupphūpagaṃ rukkhaṃ sabbathā ropetuñca ropāpetuñca jaggituñca na vaṭṭatīti sambandhanīyaṃ. Ca-saddo ocinituṃ ocināpetuṃ, ganthituṃ ganthāpetunti ca avuttāni ca samuccinoti. Phalapupphāni sampādanavasena upagacchatīti phalapupphūpagaṃ. Sabbathāti kappiyavohāraakappiyavohārapariyāyaobhāsanimittakammavasena sabbappakāreneva. Tattha kappiyavohāro nāma ‘‘imaṃ rukkhaṃ jāna, imaṃ āvāṭaṃ jāna, imaṃ mālāvacchaṃ jāna, ettha udakaṃ jānā’’ti vacanaṃ, sukkhamātikāya ujukaraṇañca. Tabbipariyāyena akappiyavohāro nāma. Pariyāyo nāma ‘‘paṇḍitena mālāvacchādayo ropāpetabbā, na cirasseva upakārāya saṃvattantī’’tiādivacanaṃ. Obhāso nāma kuddālakhaṇittādīni ca mālāvacche ca gahetvā ṭhānaṃ. Nimittakammaṃ nāma kuddālaudakabhājanādīnaṃ āharitvā samīpe ṭhapanaṃ. Jaggitunti vadanti udakasecanādīni katvā. Ganthanaganthāpanesu pana sabbāpi cha pupphavikatiyo veditabbā ganthimaṃ gopphimaṃ vedhimaṃ veṭhimaṃ pūrimaṃ vāyimanti. Nāmavaseneva panetesaṃ viseso veditabbo. Taṃ pana kulasaṅgahato aññatrāpi bhikkhussa kātumpi akappiyavacanena kārāpetumpi na vaṭṭati. ‘‘Evaṃ jāna, evaṃ kate sobheyya, yathā etāni pupphāni na vikiriyanti, tathā karohī’’tiādinā pana kappiyavacanena kārāpetuṃ vinā kulasaṅgahaṃ vaṭṭati. Ropanādīnīti akappiyapathaviyaṃ ropāpanasiñcāpanādīni, aññattha ropanādīni.
301-2. ид̣̇аани бубпад̣̇аанаад̣̇ийсу адтасу гуласан̇г̇ахавад̇т̇уусу авасзсаани д̣̇вз д̣̇ассзд̇ум̣ ‘‘вуд̇д̇ааваа’’д̇иаад̣̇имааха. вуд̇д̇аава мижчааж̇ийвавиваж̇ж̇анааяам̣ вуд̇д̇аа зва. ж̇ан̇гхабзсанз винижчаяо вужжад̇ийд̇и баатасзсо. бид̇аро бхан̣д̣ум̣ сагам̣ взяяааважжагарам̣ табзд̇ваа г̇ихигаммзсу д̣̇ууд̇асаасанам̣ харан̣з бад̣̇аваарзна д̣̇уггаданд̇и самб̣анд̇хо. сахад̇хаммигзсу вад̇д̇аб̣б̣амзва над̇т̇ийд̇и бид̇аад̣̇аяова вуд̇д̇аа. г̇ихигаммасууд̇и висаяасад̇д̇амий. бад̣̇аваарзнаад̇и бад̣̇аггамзна, бад̣̇з бад̣̇зд̇и ад̇хиббааяо. батамам̣ саасанам̣ аг̇г̇ахзд̇вааби буна вад̣̇ад̇о д̣̇уггаданд̇и яож̇зд̇аб̣б̣ам̣. бунаад̇и бажчаа. ‘‘аяам̣ д̣̇аани со г̇аамо, ханд̣̇а нам̣ саасанам̣ аарожзмий’’д̇и маг̇г̇аа оггаманд̇асса жа бад̣̇з бад̣̇з вад̣̇ад̇о жа д̣̇уггаданд̇и ад̇хиббааяо. д̇асса бана саасанам̣ бадигкибид̇ваа саяамзва гаарун̃н̃з тид̇зна г̇анд̇ваа ад̇д̇ано бад̇ируубам̣ саасанам̣ аарожзд̇ум̣, ‘‘мама важанзна бхаг̇авад̇о баад̣̇з ванд̣̇ат̇аа’’д̇иаад̣̇игам̣ г̇ихийнам̣ габбияасаасанам̣ харид̇ун̃жа ваддад̇и.
301-2. Idāni pupphadānādīsu aṭṭhasu kulasaṅgahavatthūsu avasesāni dve dassetuṃ ‘‘vuttāvā’’tiādimāha. Vuttāva micchājīvavivajjanāyaṃ vuttā eva. Jaṅghapesane vinicchayo vuccatīti pāṭhaseso. Pitaro bhaṇḍuṃ sakaṃ veyyāvaccakaraṃ ṭhapetvā gihikammesu dūtasāsanaṃ haraṇe padavārena dukkaṭanti sambandho. Sahadhammikesu vattabbameva natthīti pitādayova vuttā. Gihikammasūti visayasattamī. Padavārenāti padakkamena, pade padeti adhippāyo. Paṭhamaṃ sāsanaṃ aggahetvāpi puna vadato dukkaṭanti yojetabbaṃ. Punāti pacchā. ‘‘Ayaṃ dāni so gāmo, handa naṃ sāsanaṃ ārocemī’’ti maggā okkamantassa ca pade pade vadato ca dukkaṭanti adhippāyo. Tassa pana sāsanaṃ paṭikkhipitvā sayameva kāruññe ṭhitena gantvā attano patirūpaṃ sāsanaṃ ārocetuṃ, ‘‘mama vacanena bhagavato pāde vandathā’’tiādikaṃ gihīnaṃ kappiyasāsanaṃ harituñca vaṭṭati.
303. абхууд̇аарожанаруубияасам̣вохааруг̇г̇ахаад̣̇исаад̇и абхууд̇аарожанааяа руубияасам̣вохаарз жа уг̇г̇ахз уббаннабажжаяз аад̣̇исанд̇и гат̇знд̇и багаасзнд̇ийд̇и абхууд̇аа…бз… хаад̣̇исаа, д̇ам̣сад̣̇исаад̇и вуд̇д̇ам̣ ход̇и.
303.Abhūtārocanarūpiyasaṃvohāruggahādisāti abhūtārocanāya rūpiyasaṃvohāre ca uggahe uppannapaccaye ādisanti kathenti pakāsentīti abhūtā…pe… hādisā, taṃsadisāti vuttaṃ hoti.
304. бид̇уунам̣ хараабзд̇ваа харид̇вааби бубпаани вад̇т̇убууж̇ад̇т̇ам̣ д̣̇аад̇ум̣, сзсан̃аад̇ийнам̣ бад̇д̇аанам̣ вад̇т̇убууж̇ад̇т̇ам̣ д̣̇аад̇унд̇и яож̇анийяам̣. ‘‘хараабзд̇ваа харид̇ваа’’д̇и вуд̇д̇з ‘‘баггосид̇ваа баггосаабзд̇ваа ваа’’д̇и вуд̇д̇амзва сияаад̇и на вуд̇д̇ам̣. бад̇д̇аананд̇и баггосагзна бад̇д̇ааби г̇ахид̇аа. вад̇т̇убууж̇ад̇т̇анд̇и рад̇анад̇д̇аяабууж̇анад̇т̇ам̣. убаасагаанамби бана самбад̇д̇аанам̣ вад̇т̇убууж̇ад̇т̇ам̣ д̣̇аад̇ум̣ ваддад̇иязва. лин̇г̇аад̣̇ибууж̇ад̇т̇анд̇и сивалин̇г̇аг̇ин̣д̣уб̣имб̣аад̣̇ибууж̇анад̇т̇ам̣.
304. Pitūnaṃ harāpetvā haritvāpi pupphāni vatthupūjatthaṃ dātuṃ, sesañātīnaṃ pattānaṃ vatthupūjatthaṃ dātunti yojanīyaṃ. ‘‘Harāpetvā haritvā’’ti vutte ‘‘pakkositvā pakkosāpetvā vā’’ti vuttameva siyāti na vuttaṃ. Pattānanti pakkosakena pattāpi gahitā. Vatthupūjatthanti ratanattayapūjanatthaṃ. Upāsakānampi pana sampattānaṃ vatthupūjatthaṃ dātuṃ vaṭṭatiyeva. Liṅgādipūjatthanti sivaliṅgagiṇḍubimbādipūjanatthaṃ.
305. д̇ат̇аа паланд̇и иминаа бубпз вуд̇д̇ам̣ саб̣б̣ам̣ абад̣̇исад̇и. бариб̣б̣аяавихийнаананд̇и бариб̣б̣аяам̣ баат̇зяяам̣ вихийнам̣ надтам̣ язсам̣ ааг̇анд̇угаананд̇и самаасо. сабаранд̇и ад̇д̇ано виссаасигаа. адтагат̇ааяам̣ (баараа. адта. 2.436-437) бана ‘‘ад̇д̇ано санд̇агам̣язваа’’д̇и важанам̣ т̇уллажжаяаад̣̇ивибхааг̇ад̇о можзд̇ваа вуд̇д̇ам̣.
305.Tathā phalanti iminā pupphe vuttaṃ sabbaṃ apadisati. Paribbayavihīnānanti paribbayaṃ pātheyyaṃ vihīnaṃ naṭṭhaṃ yesaṃ āgantukānanti samāso. Saparanti attano vissāsikā. Aṭṭhakathāyaṃ (pārā. aṭṭha. 2.436-437) pana ‘‘attano santakaṃyevā’’ti vacanaṃ thullaccayādivibhāgato mocetvā vuttaṃ.
306. саммад̇зна д̣̇зяяанд̇и яож̇анаа. д̣̇зяяанд̇и жад̇уд̇т̇абхааг̇ам̣ д̣̇аад̇аб̣б̣ам̣. ид̇арзна д̇у абалогзд̇ваа д̣̇аад̇аб̣б̣анд̇и самб̣анд̇хид̇аб̣б̣ам̣. ид̇арзна д̇у асаммад̇зна бана.
306. Sammatena deyyanti yojanā. Deyyanti catutthabhāgaṃ dātabbaṃ. Itarena tu apaloketvā dātabbanti sambandhitabbaṃ. Itarena tu asammatena pana.
307. барижчиж̇ж̇аад̇и ‘‘зд̇д̇агаани палаани д̣̇аад̇аб̣б̣ааний’’д̇и звам̣ палабарижчзд̣̇зна ваа ‘‘имзхи ругкзхи д̣̇аад̇аб̣б̣ааний’’д̇и звам̣ ругкабарижчзд̣̇зна ваа барижчинд̣̇ид̇ваа. д̇ад̇од̇и барижчиннапалад̇о ругкад̇о ваа. яаажамаанасса г̇илаанассзд̇арасса ваад̇и самб̣анд̇ханийяам̣. ругкаава д̣̇ассияаад̇и ‘‘ид̇ха палаани сунд̣̇араани, ид̇о г̇ан̣хат̇аа’’д̇и авад̇ваа ‘‘ид̇о г̇ахзд̇ум̣ лаб̣бхад̇ий’’д̇и ругкаа ваа д̣̇ассзд̇аб̣б̣аа.
307.Paricchijjāti ‘‘ettakāni phalāni dātabbānī’’ti evaṃ phalaparicchedena vā ‘‘imehi rukkhehi dātabbānī’’ti evaṃ rukkhaparicchedena vā paricchinditvā. Tatoti paricchinnaphalato rukkhato vā. Yācamānassa gilānassetarassa vāti sambandhanīyaṃ. Rukkhāva dassiyāti ‘‘idha phalāni sundarāni, ito gaṇhathā’’ti avatvā ‘‘ito gahetuṃ labbhatī’’ti rukkhā vā dassetabbā.
308. ид̣̇аани адтасу бубпаад̣̇ийнам̣ жад̇уннам̣ винижчаяам̣ д̣̇ассзд̇ваа яат̇аавуд̇д̇апалабубпавинижчаяам̣ авасзсзсу жад̇уусу абад̣̇исанд̇о ‘‘сирийсаа’’д̇иаад̣̇имааха. сирийсажун̣н̣агасаваад̣̇ижун̣н̣зд̇и гасаавам̣ яам̣ гин̃жи аад̣̇и яасса, д̇амзва жун̣н̣ам̣, сирийсажун̣н̣ан̃жа гасааваад̣̇ижун̣н̣ан̃жаад̇и самаасо. ‘‘сирийсажун̣н̣ам̣ ваа ан̃н̃ам̣ ваа гасаава’’нд̇и хи адтагат̇ааяам̣ (баараа. адта. 2.436-437) вуд̇д̇ам̣. ‘‘гасааваад̣̇ий’’д̇и вад̇д̇аб̣б̣з рассзна вуд̇д̇ам̣. сзсзсууд̇и взл̣уаад̣̇ийсу д̇ийсу. баал̣ияаа авуд̇д̇ассааби адтагат̇ааяам̣ вуд̇д̇ад̇д̇аа ааха ‘‘бан̣н̣амбзд̇т̇а бавзсаяз’’д̇и. зд̇т̇аад̇и бубпаад̣̇ийсууд̇и.
308. Idāni aṭṭhasu pupphādīnaṃ catunnaṃ vinicchayaṃ dassetvā yathāvuttaphalapupphavinicchayaṃ avasesesu catūsu apadisanto ‘‘sirīsā’’tiādimāha. Sirīsacuṇṇakasavādicuṇṇeti kasāvaṃ yaṃ kiñci ādi yassa, tameva cuṇṇaṃ, sirīsacuṇṇañca kasāvādicuṇṇañcāti samāso. ‘‘Sirīsacuṇṇaṃ vā aññaṃ vā kasāva’’nti hi aṭṭhakathāyaṃ (pārā. aṭṭha. 2.436-437) vuttaṃ. ‘‘Kasāvādī’’ti vattabbe rassena vuttaṃ. Sesesūti veḷuādīsu tīsu. Pāḷiyā avuttassāpi aṭṭhakathāyaṃ vuttattā āha ‘‘paṇṇampettha pavesaye’’ti. Etthāti pupphādīsūti.
д̣̇уусананид̣̇д̣̇зсаван̣н̣анаа нидтид̇аа.
Dūsananiddesavaṇṇanā niṭṭhitā.
