| Library / Tipiṭaka / തിപിടക • Tipiṭaka / അങ്ഗുത്തരനികായ • Aṅguttaranikāya |
൧൦. ഉദ്ധച്ചസുത്തം
10. Uddhaccasuttaṃ
൧൧൬. ‘‘തയോമേ , ഭിക്ഖവേ, ധമ്മാ. കതമേ തയോ? ഉദ്ധച്ചം, അസംവരോ, പമാദോ. ഇമേ ഖോ, ഭിക്ഖവേ, തയോ ധമ്മാ. ഇമേസം ഖോ, ഭിക്ഖവേ, തിണ്ണം ധമ്മാനം പഹാനായ തയോ ധമ്മാ ഭാവേതബ്ബാ. കതമേ തയോ? ഉദ്ധച്ചസ്സ പഹാനായ സമഥോ ഭാവേതബ്ബോ, അസംവരസ്സ പഹാനായ സംവരോ ഭാവേതബ്ബോ, പമാദസ്സ പഹാനായ അപ്പമാദോ ഭാവേതബ്ബോ. ഇമേസം ഖോ, ഭിക്ഖവേ, തിണ്ണം ധമ്മാനം പഹാനായ ഇമേ തയോ ധമ്മാ ഭാവേതബ്ബാ’’തി. ദസമം.
116. ‘‘Tayome , bhikkhave, dhammā. Katame tayo? Uddhaccaṃ, asaṃvaro, pamādo. Ime kho, bhikkhave, tayo dhammā. Imesaṃ kho, bhikkhave, tiṇṇaṃ dhammānaṃ pahānāya tayo dhammā bhāvetabbā. Katame tayo? Uddhaccassa pahānāya samatho bhāvetabbo, asaṃvarassa pahānāya saṃvaro bhāvetabbo, pamādassa pahānāya appamādo bhāvetabbo. Imesaṃ kho, bhikkhave, tiṇṇaṃ dhammānaṃ pahānāya ime tayo dhammā bhāvetabbā’’ti. Dasamaṃ.
തസ്സുദ്ദാനം –
Tassuddānaṃ –
രാഗദുച്ചരിതവിതക്ക, സഞ്ഞാ ധാതൂതി വുച്ചതി;
Rāgaduccaritavitakka, saññā dhātūti vuccati;
അസ്സാദഅരതിതുട്ഠി, ദുവേ ച ഉദ്ധച്ചേന വഗ്ഗോതി.
Assādaaratituṭṭhi, duve ca uddhaccena vaggoti.
Footnotes:
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) / ൧൦. ഉദ്ധച്ചസുത്തവണ്ണനാ • 10. Uddhaccasuttavaṇṇanā
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൧-൧൧. പാതുഭാവസുത്താദിവണ്ണനാ • 1-11. Pātubhāvasuttādivaṇṇanā
