| Library / Tipiṭaka / തിപിടക • Tipiṭaka / അങ്ഗുത്തരനികായ • Aṅguttaranikāya |
൧൨. സാമഞ്ഞവഗ്ഗോ
12. Sāmaññavaggo
൧. കായാനുപസ്സീസുത്തം
1. Kāyānupassīsuttaṃ
൧൧൭. ‘‘ഛ , ഭിക്ഖവേ, ധമ്മേ അപ്പഹായ അഭബ്ബോ കായേ കായാനുപസ്സീ വിഹരിതും. കതമേ ഛ? കമ്മാരാമതം, ഭസ്സാരാമതം, നിദ്ദാരാമതം, സങ്ഗണികാരാമതം, ഇന്ദ്രിയേസു അഗുത്തദ്വാരതം, ഭോജനേ അമത്തഞ്ഞുതം. ഇമേ ഖോ, ഭിക്ഖവേ, ഛ ധമ്മേ അപ്പഹായ അഭബ്ബോ കായേ കായാനുപസ്സീ വിഹരിതും.
117. ‘‘Cha , bhikkhave, dhamme appahāya abhabbo kāye kāyānupassī viharituṃ. Katame cha? Kammārāmataṃ, bhassārāmataṃ, niddārāmataṃ, saṅgaṇikārāmataṃ, indriyesu aguttadvārataṃ, bhojane amattaññutaṃ. Ime kho, bhikkhave, cha dhamme appahāya abhabbo kāye kāyānupassī viharituṃ.
‘‘ഛ , ഭിക്ഖവേ, ധമ്മേ പഹായ ഭബ്ബോ കായേ കായാനുപസ്സീ വിഹരിതും. കതമേ ഛ? കമ്മാരാമതം, ഭസ്സാരാമതം, നിദ്ദാരാമതം, സങ്ഗണികാരാമതം, ഇന്ദ്രിയേസു അഗുത്തദ്വാരതം, ഭോജനേ അമത്തഞ്ഞുതം – ഇമേ ഖോ, ഭിക്ഖവേ, ഛ ധമ്മേ പഹായ ഭബ്ബോ കായേ കായാനുപസ്സീ വിഹരിതു’’ന്തി. പഠമം.
‘‘Cha , bhikkhave, dhamme pahāya bhabbo kāye kāyānupassī viharituṃ. Katame cha? Kammārāmataṃ, bhassārāmataṃ, niddārāmataṃ, saṅgaṇikārāmataṃ, indriyesu aguttadvārataṃ, bhojane amattaññutaṃ – ime kho, bhikkhave, cha dhamme pahāya bhabbo kāye kāyānupassī viharitu’’nti. Paṭhamaṃ.
