| Library / Tipiṭaka / တိပိဋက • Tipiṭaka / အင္ဂုတ္တရနိကာယ • Aṅguttaranikāya |
၁၀. ဥဒ္ဓစ္စသုတ္တံ
10. Uddhaccasuttaṃ
၁၁၆. ‘‘တယောမေ , ဘိက္ခဝေ, ဓမ္မာ။ ကတမေ တယော? ဥဒ္ဓစ္စံ, အသံဝရော, ပမာဒော။ ဣမေ ခော, ဘိက္ခဝေ, တယော ဓမ္မာ။ ဣမေသံ ခော, ဘိက္ခဝေ, တိဏ္ဏံ ဓမ္မာနံ ပဟာနာယ တယော ဓမ္မာ ဘာဝေတဗ္ဗာ။ ကတမေ တယော? ဥဒ္ဓစ္စသ္သ ပဟာနာယ သမထော ဘာဝေတဗ္ဗော, အသံဝရသ္သ ပဟာနာယ သံဝရော ဘာဝေတဗ္ဗော, ပမာဒသ္သ ပဟာနာယ အပ္ပမာဒော ဘာဝေတဗ္ဗော။ ဣမေသံ ခော, ဘိက္ခဝေ, တိဏ္ဏံ ဓမ္မာနံ ပဟာနာယ ဣမေ တယော ဓမ္မာ ဘာဝေတဗ္ဗာ’’တိ။ ဒသမံ။
116. ‘‘Tayome , bhikkhave, dhammā. Katame tayo? Uddhaccaṃ, asaṃvaro, pamādo. Ime kho, bhikkhave, tayo dhammā. Imesaṃ kho, bhikkhave, tiṇṇaṃ dhammānaṃ pahānāya tayo dhammā bhāvetabbā. Katame tayo? Uddhaccassa pahānāya samatho bhāvetabbo, asaṃvarassa pahānāya saṃvaro bhāvetabbo, pamādassa pahānāya appamādo bhāvetabbo. Imesaṃ kho, bhikkhave, tiṇṇaṃ dhammānaṃ pahānāya ime tayo dhammā bhāvetabbā’’ti. Dasamaṃ.
တသ္သုဒ္ဒာနံ –
Tassuddānaṃ –
ရာဂဒုစ္စရိတဝိတက္က၊ သညာ ဓာတူတိ ဝုစ္စတိ။
Rāgaduccaritavitakka, saññā dhātūti vuccati;
အသ္သာဒအရတိတုဋ္ဌိ၊ ဒုဝေ စ ဥဒ္ဓစ္စေန ဝဂ္ဂောတိ။
Assādaaratituṭṭhi, duve ca uddhaccena vaggoti.
Footnotes:
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၁၀. ဥဒ္ဓစ္စသုတ္တဝဏ္ဏနာ • 10. Uddhaccasuttavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၁-၁၁. ပာတုဘာဝသုတ္တာဒိဝဏ္ဏနာ • 1-11. Pātubhāvasuttādivaṇṇanā
