| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
১০. উদ্ধচ্চসুত্তং
10. Uddhaccasuttaṃ
১১৬. ‘‘তযোমে , ভিক্খৰে, ধম্মা। কতমে তযো? উদ্ধচ্চং, অসংৰরো, পমাদো। ইমে খো, ভিক্খৰে, তযো ধম্মা। ইমেসং খো, ভিক্খৰে, তিণ্ণং ধম্মানং পহানায তযো ধম্মা ভাৰেতব্বা। কতমে তযো? উদ্ধচ্চস্স পহানায সমথো ভাৰেতব্বো, অসংৰরস্স পহানায সংৰরো ভাৰেতব্বো, পমাদস্স পহানায অপ্পমাদো ভাৰেতব্বো। ইমেসং খো, ভিক্খৰে, তিণ্ণং ধম্মানং পহানায ইমে তযো ধম্মা ভাৰেতব্বা’’তি। দসমং।
116. ‘‘Tayome , bhikkhave, dhammā. Katame tayo? Uddhaccaṃ, asaṃvaro, pamādo. Ime kho, bhikkhave, tayo dhammā. Imesaṃ kho, bhikkhave, tiṇṇaṃ dhammānaṃ pahānāya tayo dhammā bhāvetabbā. Katame tayo? Uddhaccassa pahānāya samatho bhāvetabbo, asaṃvarassa pahānāya saṃvaro bhāvetabbo, pamādassa pahānāya appamādo bhāvetabbo. Imesaṃ kho, bhikkhave, tiṇṇaṃ dhammānaṃ pahānāya ime tayo dhammā bhāvetabbā’’ti. Dasamaṃ.
তস্সুদ্দানং –
Tassuddānaṃ –
রাগদুচ্চরিতৰিতক্ক, সঞ্ঞা ধাতূতি ৰুচ্চতি।
Rāgaduccaritavitakka, saññā dhātūti vuccati;
অস্সাদঅরতিতুট্ঠি, দুৰে চ উদ্ধচ্চেন ৰগ্গোতি॥
Assādaaratituṭṭhi, duve ca uddhaccena vaggoti.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ১০. উদ্ধচ্চসুত্তৰণ্ণনা • 10. Uddhaccasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ১-১১. পাতুভাৰসুত্তাদিৰণ্ণনা • 1-11. Pātubhāvasuttādivaṇṇanā
