| Library / Tipiṭaka / തിപിടക • Tipiṭaka / സംയുത്തനികായ (അട്ഠകഥാ) • Saṃyuttanikāya (aṭṭhakathā) |
൧൦. ഉദായിസുത്തവണ്ണനാ
10. Udāyisuttavaṇṇanā
൨൧൧. ദസമേ അബഹുകതോതി അകതബഹുമാനോ. ഉക്കുജ്ജാവകുജ്ജന്തി ഏത്ഥ ഉക്കുജ്ജം വുച്ചതി ഉദയോ, അവകുജ്ജം വയോതി ഉദയബ്ബയവസേന പരിവത്തേന്തോ സമ്മസന്തോതി ദീപേതി. ധമ്മോ ച മേ, ഭന്തേ, അഭിസമിതോതി വിപസ്സനാധമ്മോ അഭിസമാഗതോ. മഗ്ഗോതി വിപസ്സനാമഗ്ഗോവ. സചേ ഹി ഥേരോ തസ്മിം സമയേ സോതാപന്നോ, ഉപരി തിണ്ണം മഗ്ഗാനം അത്ഥായ, സചേ അനാഗാമീ, അരഹത്തമഗ്ഗസ്സ അത്ഥായ അയം വിപസ്സനാ വേദിതബ്ബാ. തഥാ തഥാ വിഹരന്തന്തി തേന തേനാകാരേന വിഹരന്തം. തഥത്തായാതി തഥാഭാവായ. ഖീണാ ജാതീതിആദീഹി തഥത്തായാതി അധിപ്പേതം തഥാഭാവം ദസ്സേതി. പച്ചവേക്ഖണത്ഥായ ഉപനീയതീതി ഹി ഏത്ഥ അധിപ്പായോ, തം ദസ്സേന്തോ ഏവമാഹ. സേസം സബ്ബത്ഥ ഉത്താനമേവാതി.
211. Dasame abahukatoti akatabahumāno. Ukkujjāvakujjanti ettha ukkujjaṃ vuccati udayo, avakujjaṃ vayoti udayabbayavasena parivattento sammasantoti dīpeti. Dhammo ca me, bhante, abhisamitoti vipassanādhammo abhisamāgato. Maggoti vipassanāmaggova. Sace hi thero tasmiṃ samaye sotāpanno, upari tiṇṇaṃ maggānaṃ atthāya, sace anāgāmī, arahattamaggassa atthāya ayaṃ vipassanā veditabbā. Tathā tathā viharantanti tena tenākārena viharantaṃ. Tathattāyāti tathābhāvāya. Khīṇā jātītiādīhi tathattāyāti adhippetaṃ tathābhāvaṃ dasseti. Paccavekkhaṇatthāya upanīyatīti hi ettha adhippāyo, taṃ dassento evamāha. Sesaṃ sabbattha uttānamevāti.
ഉദായിവഗ്ഗോ.
Udāyivaggo.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൧൦. ഉദായിസുത്തം • 10. Udāyisuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൧൦. ഉദായിസുത്തവണ്ണനാ • 10. Udāyisuttavaṇṇanā
