| Library / Tipiṭaka / திபிடக • Tipiṭaka / ஜாதகபாளி • Jātakapāḷi |
458. உத³யஜாதகங் (4)
458. Udayajātakaṃ (4)
37.
37.
ஏகா நிஸின்னா ஸுசி ஸஞ்ஞதூரூ, பாஸாத³மாருய்ஹ அனிந்தி³தங்கீ³;
Ekā nisinnā suci saññatūrū, pāsādamāruyha aninditaṅgī;
யாசாமி தங் கின்னரனெத்தசக்கு², இமேகரத்திங் உப⁴யோ வஸேம.
Yācāmi taṃ kinnaranettacakkhu, imekarattiṃ ubhayo vasema.
38.
38.
ஓகிண்ணந்தரபரிக²ங், த³ள்ஹமட்டாலகொட்ட²கங்;
Okiṇṇantaraparikhaṃ, daḷhamaṭṭālakoṭṭhakaṃ;
ரக்கி²தங் க²க்³க³ஹத்தே²ஹி, து³ப்பவேஸமித³ங் புரங்.
Rakkhitaṃ khaggahatthehi, duppavesamidaṃ puraṃ.
39.
39.
த³ஹரஸ்ஸ யுவினோ சாபி, ஆக³மோ ச ந விஜ்ஜதி;
Daharassa yuvino cāpi, āgamo ca na vijjati;
அத² கேன நு வண்ணேன, ஸங்க³மங் இச்ச²ஸே மயா.
Atha kena nu vaṇṇena, saṅgamaṃ icchase mayā.
40.
40.
த்வங் மங் நந்த³ய 3 ப⁴த்³த³ந்தே, புண்ணகங்ஸங் த³தா³மி தே.
Tvaṃ maṃ nandaya 4 bhaddante, puṇṇakaṃsaṃ dadāmi te.
41.
41.
தே³வங் வ யக்க²ங் அத² வா மனுஸ்ஸங், ந பத்த²யே உத³யமதிச்ச அஞ்ஞங்;
Devaṃ va yakkhaṃ atha vā manussaṃ, na patthaye udayamaticca aññaṃ;
க³ச்சே²வ த்வங் யக்க² மஹானுபா⁴வ, மா சஸ்ஸு க³ந்த்வா புனராவஜித்த².
Gaccheva tvaṃ yakkha mahānubhāva, mā cassu gantvā punarāvajittha.
42.
42.
யா ஸா ரதி உத்தமா காமபோ⁴கி³னங், யங் ஹேது ஸத்தா விஸமங் சரந்தி;
Yā sā rati uttamā kāmabhoginaṃ, yaṃ hetu sattā visamaṃ caranti;
மா தங் ரதிங் ஜீயி துவங் ஸுசிம்ஹி தே, த³தா³மி தே ரூபியங் கங்ஸபூரங்.
Mā taṃ ratiṃ jīyi tuvaṃ sucimhi te, dadāmi te rūpiyaṃ kaṃsapūraṃ.
43.
43.
நாரிங் நரோ நிஜ்ஜ²பயங் த⁴னேன, உக்கங்ஸதீ யத்த² கரோதி ச²ந்த³ங்;
Nāriṃ naro nijjhapayaṃ dhanena, ukkaṃsatī yattha karoti chandaṃ;
விபச்சனீகோ தவ தே³வத⁴ம்மோ, பச்சக்க²தோ தோ²கதரேன ஏஸி.
Vipaccanīko tava devadhammo, paccakkhato thokatarena esi.
44.
44.
ஆயு ச வண்ணோ ச 5 மனுஸ்ஸலோகே, நிஹீயதி மனுஜானங் ஸுக்³க³த்தே;
Āyu ca vaṇṇo ca 6 manussaloke, nihīyati manujānaṃ suggatte;
தேனேவ வண்ணேன த⁴னம்பி துய்ஹங், நிஹீயதி ஜிண்ணதராஸி அஜ்ஜ.
Teneva vaṇṇena dhanampi tuyhaṃ, nihīyati jiṇṇatarāsi ajja.
45.
45.
ஏவங் மே பெக்க²மானஸ்ஸ, ராஜபுத்தி யஸஸ்ஸினி;
Evaṃ me pekkhamānassa, rājaputti yasassini;
46.
46.
இமினாவ த்வங் வயஸா, ராஜபுத்தி ஸுமேத⁴ஸே;
Imināva tvaṃ vayasā, rājaputti sumedhase;
ப்³ரஹ்மசரியங் சரெய்யாஸி, பி⁴ய்யோ வண்ணவதீ ஸியா.
Brahmacariyaṃ careyyāsi, bhiyyo vaṇṇavatī siyā.
47.
47.
தே³வா ந ஜீரந்தி யதா² மனுஸ்ஸா, க³த்தேஸு தேஸங் வலியோ ந ஹொந்தி;
Devā na jīranti yathā manussā, gattesu tesaṃ valiyo na honti;
புச்சா²மி தங் யக்க² மஹானுபா⁴வ, கத²ங் நு தே³வான 9 ஸரீரதே³ஹோ.
Pucchāmi taṃ yakkha mahānubhāva, kathaṃ nu devāna 10 sarīradeho.
48.
48.
தே³வா ந ஜீரந்தி யதா² மனுஸ்ஸா, க³த்தேஸு தேஸங் வலியோ ந ஹொந்தி;
Devā na jīranti yathā manussā, gattesu tesaṃ valiyo na honti;
ஸுவே ஸுவே பி⁴ய்யதரோவ 11 தேஸங், தி³ப்³போ³ ச வண்ணோ விபுலா ச போ⁴கா³.
Suve suve bhiyyatarova 12 tesaṃ, dibbo ca vaṇṇo vipulā ca bhogā.
49.
49.
கிங்ஸூத⁴ பீ⁴தா ஜனதா அனேகா, மக்³கோ³ ச நேகாயதனங் பவுத்தோ;
Kiṃsūdha bhītā janatā anekā, maggo ca nekāyatanaṃ pavutto;
புச்சா²மி தங் யக்க² மஹானுபா⁴வ, கத்த²ட்டி²தோ பரலோகங் ந பா⁴யே.
Pucchāmi taṃ yakkha mahānubhāva, katthaṭṭhito paralokaṃ na bhāye.
50.
50.
வாசங் மனஞ்ச பணிதா⁴ய ஸம்மா, காயேன பாபானி அகுப்³ப³மானோ;
Vācaṃ manañca paṇidhāya sammā, kāyena pāpāni akubbamāno;
ப³ஹுன்னபானங் க⁴ரமாவஸந்தோ, ஸத்³தோ⁴ முதூ³ ஸங்விபா⁴கீ³ வத³ஞ்ஞூ;
Bahunnapānaṃ gharamāvasanto, saddho mudū saṃvibhāgī vadaññū;
ஸங்கா³ஹகோ ஸகி²லோ ஸண்ஹவாசோ, எத்த²ட்டி²தோ பரலோகங் ந பா⁴யே.
Saṅgāhako sakhilo saṇhavāco, etthaṭṭhito paralokaṃ na bhāye.
51.
51.
அனுஸாஸஸி மங் யக்க², யதா² மாதா யதா² பிதா;
Anusāsasi maṃ yakkha, yathā mātā yathā pitā;
உளாரவண்ணங் புச்சா²மி, கோ நு த்வமஸி ஸுப்³ரஹா.
Uḷāravaṇṇaṃ pucchāmi, ko nu tvamasi subrahā.
52.
52.
ஆமந்த கோ² தங் க³ச்சா²மி, முத்தொஸ்மி தவ ஸங்கரா 15.
Āmanta kho taṃ gacchāmi, muttosmi tava saṅkarā 16.
53.
53.
ஸசே கோ² த்வங் உத³யோஸி, ஸங்கரத்தா இதா⁴க³தோ;
Sace kho tvaṃ udayosi, saṅkarattā idhāgato;
அனுஸாஸ மங் ராஜபுத்த, யதா²ஸ்ஸ புன ஸங்க³மோ.
Anusāsa maṃ rājaputta, yathāssa puna saṅgamo.
54.
54.
அதிபததி 17 வயோ க²ணோ ததே²வ, டா²னங் நத்தி² து⁴வங் சவந்தி ஸத்தா;
Atipatati 18 vayo khaṇo tatheva, ṭhānaṃ natthi dhuvaṃ cavanti sattā;
பரிஜிய்யதி அத்³து⁴வங் ஸரீரங், உத³யே மா பமாத³ 19 சரஸ்ஸு த⁴ம்மங்.
Parijiyyati addhuvaṃ sarīraṃ, udaye mā pamāda 20 carassu dhammaṃ.
55.
55.
கஸிணா பத²வீ த⁴னஸ்ஸ பூரா, ஏகஸ்ஸேவ ஸியா அனஞ்ஞதெ⁴ய்யா;
Kasiṇā pathavī dhanassa pūrā, ekasseva siyā anaññadheyyā;
தஞ்சாபி ஜஹதி 21 அவீதராகோ³, உத³யே மா பமாத³ சரஸ்ஸு த⁴ம்மங்.
Tañcāpi jahati 22 avītarāgo, udaye mā pamāda carassu dhammaṃ.
56.
56.
மாதா ச பிதா ச பா⁴தரோ ச, ப⁴ரியா யாபி த⁴னேன ஹோதி கீதா 23;
Mātā ca pitā ca bhātaro ca, bhariyā yāpi dhanena hoti kītā 24;
தே சாபி ஜஹந்தி அஞ்ஞமஞ்ஞங், உத³யே மா பமாத³ சரஸ்ஸு த⁴ம்மங்.
Te cāpi jahanti aññamaññaṃ, udaye mā pamāda carassu dhammaṃ.
57.
57.
இத்தரவாஸோதி ஜானியான, உத³யே மா பமாத³ சரஸ்ஸு த⁴ம்மங்.
Ittaravāsoti jāniyāna, udaye mā pamāda carassu dhammaṃ.
58.
58.
ஸாது⁴ பா⁴ஸதியங் 29 யக்கோ², அப்பங் மச்சான ஜீவிதங்;
Sādhu bhāsatiyaṃ 30 yakkho, appaṃ maccāna jīvitaṃ;
கஸிரஞ்ச பரித்தஞ்ச, தஞ்ச து³க்கே²ன ஸங்யுதங்;
Kasirañca parittañca, tañca dukkhena saṃyutaṃ;
ஸாஹங் ஏகா பப்³ப³ஜிஸ்ஸாமி, ஹித்வா காஸிங் ஸுருந்த⁴னந்தி.
Sāhaṃ ekā pabbajissāmi, hitvā kāsiṃ surundhananti.
உத³யஜாதகங் சதுத்த²ங்.
Udayajātakaṃ catutthaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / ஜாதக-அட்ட²கதா² • Jātaka-aṭṭhakathā / [458] 4. உத³யஜாதகவண்ணனா • [458] 4. Udayajātakavaṇṇanā
