| Library / Tipiṭaka / တိပိဋက • Tipiṭaka / ကင္ခာဝိတရဏီ-အဘိနဝ-ဋီကာ • Kaṅkhāvitaraṇī-abhinava-ṭīkā |
၅. ဥဒကသုဒ္ဓိကသိက္ခာပဒဝဏ္ဏနာ
5. Udakasuddhikasikkhāpadavaṇṇanā
အာဒာတဗ္ဗန္တိ ပဝေသေတဗ္ဗံ။ အဂ္ဂပဗ္ဗန္တိ ကေသဂ္ဂမတ္တမ္ပိ အဂ္ဂပဗ္ဗံ။ တတိယံ ပဗ္ဗံ ပဝေသေတီတိ ကေသဂ္ဂမတ္တမ္ပိ တတိယံ ပဗ္ဗံ ပဝေသေတိ။ ဝုတ္တဉ္ဟေတံ သမန္တပာသာဒိကာယံ (ပာစိ. အဋ္ဌ. ၈၁၂) ‘‘ဂမ္ဘီရတော ဒ္ဝိန္နံ ပဗ္ဗာနံ ဥပရိ ကေသဂ္ဂမတ္တမ္ပိ ပဝေသေန္တိယာ ပာစိတ္တိယ’’န္တိ။
Ādātabbanti pavesetabbaṃ. Aggapabbanti kesaggamattampi aggapabbaṃ. Tatiyaṃ pabbaṃ pavesetīti kesaggamattampi tatiyaṃ pabbaṃ paveseti. Vuttañhetaṃ samantapāsādikāyaṃ (pāci. aṭṭha. 812) ‘‘gambhīrato dvinnaṃ pabbānaṃ upari kesaggamattampi pavesentiyā pācittiya’’nti.
အတိဂမ္ဘီရံ ဥဒကသုဒ္ဓိကံ အာဒိယနဝတ္ထုသ္မိန္တိ အတိအန္တော ပဝေသေတ္ဝာ ဥဒကဓောဝနကရဏဝတ္ထုသ္မိံ။ ဥဒကသုဒ္ဓိပစ္စယေန (သာရတ္ထ. ဋီ. ပာစိတ္တိယ ၃.၈၁၂) ပန သတိပိ ဖသ္သသ္သာဒိယနေ ယထာဝုတ္တပရိစ္ဆေဒေ အနာပတ္တိ။
Atigambhīraṃudakasuddhikaṃ ādiyanavatthusminti atianto pavesetvā udakadhovanakaraṇavatthusmiṃ. Udakasuddhipaccayena (sārattha. ṭī. pācittiya 3.812) pana satipi phassassādiyane yathāvuttaparicchede anāpatti.
ဥဒကသုဒ္ဓိကသိက္ခာပဒဝဏ္ဏနာ နိဋ္ဌိတာ။
Udakasuddhikasikkhāpadavaṇṇanā niṭṭhitā.
