| Library / Tipiṭaka / တိပိဋက • Tipiṭaka / ကင္ခာဝိတရဏီ-အဘိနဝ-ဋီကာ • Kaṅkhāvitaraṇī-abhinava-ṭīkā |
၆. ဥပတိဋ္ဌနသိက္ခာပဒဝဏ္ဏနာ
6. Upatiṭṭhanasikkhāpadavaṇṇanā
တက္ကာဒီသု ဝာ အညတရေနာတိ တက္ကဒဓိမတ္ထုရသခီရာဒီသု အညတရေန။ ယာယ ကာယစိ ဗီဇနိယာတိ အန္တမသော စီဝရကဏ္ဏံ ဥပာဒာယ ယာယ ကာယစိ ဗီဇနိယာ။
Takkādīsu vā aññatarenāti takkadadhimatthurasakhīrādīsu aññatarena. Yāya kāyaci bījaniyāti antamaso cīvarakaṇṇaṃ upādāya yāya kāyaci bījaniyā.
ဣမံ ပိဝထာတိ ဣမံ ပာနီယံ ဝာ သူပာဒိံ ဝာ ပိဝထ။ ဣမိနာ ဗီဇထာတိ ဣမိနာ တာလဝဏ္ဋေန ဗီဇထ။ ဒာပေန္တိယာတိ အညေန ဥဘယမ္ပိ ဒာပေန္တိယာ။
Imaṃ pivathāti imaṃ pānīyaṃ vā sūpādiṃ vā pivatha. Iminā bījathāti iminā tālavaṇṭena bījatha. Dāpentiyāti aññena ubhayampi dāpentiyā.
ဥပတိဋ္ဌနသိက္ခာပဒဝဏ္ဏနာ နိဋ္ဌိတာ။
Upatiṭṭhanasikkhāpadavaṇṇanā niṭṭhitā.
