| Library / Tipiṭaka / តិបិដក • Tipiṭaka / កង្ខាវិតរណី-អភិនវ-ដីកា • Kaṅkhāvitaraṇī-abhinava-ṭīkā |
៥. ឧទកសុទ្ធិកសិក្ខាបទវណ្ណនា
5. Udakasuddhikasikkhāpadavaṇṇanā
អាទាតព្ពន្តិ បវេសេតព្ពំ។ អគ្គបព្ពន្តិ កេសគ្គមត្តម្បិ អគ្គបព្ពំ។ តតិយំ បព្ពំ បវេសេតីតិ កេសគ្គមត្តម្បិ តតិយំ បព្ពំ បវេសេតិ។ វុត្តញ្ហេតំ សមន្តបាសាទិកាយំ (បាចិ. អដ្ឋ. ៨១២) ‘‘គម្ភីរតោ ទ្វិន្នំ បព្ពានំ ឧបរិ កេសគ្គមត្តម្បិ បវេសេន្តិយា បាចិត្តិយ’’ន្តិ។
Ādātabbanti pavesetabbaṃ. Aggapabbanti kesaggamattampi aggapabbaṃ. Tatiyaṃ pabbaṃ pavesetīti kesaggamattampi tatiyaṃ pabbaṃ paveseti. Vuttañhetaṃ samantapāsādikāyaṃ (pāci. aṭṭha. 812) ‘‘gambhīrato dvinnaṃ pabbānaṃ upari kesaggamattampi pavesentiyā pācittiya’’nti.
អតិគម្ភីរំ ឧទកសុទ្ធិកំ អាទិយនវត្ថុស្មិន្តិ អតិអន្តោ បវេសេត្វា ឧទកធោវនករណវត្ថុស្មិំ។ ឧទកសុទ្ធិបច្ចយេន (សារត្ថ. ដី. បាចិត្តិយ ៣.៨១២) បន សតិបិ ផស្សស្សាទិយនេ យថាវុត្តបរិច្ឆេទេ អនាបត្តិ។
Atigambhīraṃudakasuddhikaṃ ādiyanavatthusminti atianto pavesetvā udakadhovanakaraṇavatthusmiṃ. Udakasuddhipaccayena (sārattha. ṭī. pācittiya 3.812) pana satipi phassassādiyane yathāvuttaparicchede anāpatti.
ឧទកសុទ្ធិកសិក្ខាបទវណ្ណនា និដ្ឋិតា។
Udakasuddhikasikkhāpadavaṇṇanā niṭṭhitā.
