| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
24. உத³காஸனவக்³கோ³
24. Udakāsanavaggo
1. உத³காஸனதா³யகத்தே²ரஅபதா³னங்
1. Udakāsanadāyakattheraapadānaṃ
1.
1.
‘‘ஆராமத்³வாரா நிக்க²ம்ம, ப²லகங் ஸந்த²ரிங் அஹங்;
‘‘Ārāmadvārā nikkhamma, phalakaṃ santhariṃ ahaṃ;
உத³கஞ்ச உபட்டா²ஸிங், உத்தமத்த²ஸ்ஸ பத்தியா.
Udakañca upaṭṭhāsiṃ, uttamatthassa pattiyā.
2.
2.
‘‘ஏகத்திங்ஸே இதோ கப்பே, யங் கம்மமகரிங் ததா³;
‘‘Ekattiṃse ito kappe, yaṃ kammamakariṃ tadā;
து³க்³க³திங் நாபி⁴ஜானாமி, ஆஸனே சோத³கே ப²லங்.
Duggatiṃ nābhijānāmi, āsane codake phalaṃ.
3.
3.
‘‘இதோ பன்னரஸே கப்பே, அபி⁴ஸாமஸமவ்ஹயோ;
‘‘Ito pannarase kappe, abhisāmasamavhayo;
ஸத்தரதனஸம்பன்னோ, சக்கவத்தீ மஹப்³ப³லோ.
Sattaratanasampanno, cakkavattī mahabbalo.
4.
4.
‘‘படிஸம்பி⁴தா³ சதஸ்ஸோ, விமொக்கா²பி ச அட்டி²மே;
‘‘Paṭisambhidā catasso, vimokkhāpi ca aṭṭhime;
ச²ளபி⁴ஞ்ஞா ஸச்சி²கதா, கதங் பு³த்³த⁴ஸ்ஸ ஸாஸனங்’’.
Chaḷabhiññā sacchikatā, kataṃ buddhassa sāsanaṃ’’.
இத்த²ங் ஸுத³ங் ஆயஸ்மா உத³காஸனதா³யகோ தே²ரோ இமா கா³தா²யோ அபா⁴ஸித்தா²தி.
Itthaṃ sudaṃ āyasmā udakāsanadāyako thero imā gāthāyo abhāsitthāti.
உத³காஸனதா³யகத்தே²ரஸ்ஸாபதா³னங் பட²மங்.
Udakāsanadāyakattherassāpadānaṃ paṭhamaṃ.
