| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
2. பா⁴ஜனபாலகத்தே²ரஅபதா³னங்
2. Bhājanapālakattheraapadānaṃ
5.
5.
‘‘நக³ரே ப³ந்து⁴மதியா, கும்ப⁴காரோ அஹங் ததா³;
‘‘Nagare bandhumatiyā, kumbhakāro ahaṃ tadā;
பா⁴ஜனங் அனுபாலேஸிங், பி⁴க்கு²ஸங்க⁴ஸ்ஸ தாவதே³.
Bhājanaṃ anupālesiṃ, bhikkhusaṅghassa tāvade.
6.
6.
‘‘ஏகனவுதிதோ கப்பே, பா⁴ஜனங் அனுபாலயிங்;
‘‘Ekanavutito kappe, bhājanaṃ anupālayiṃ;
து³க்³க³திங் நாபி⁴ஜானாமி, பா⁴ஜனஸ்ஸ இத³ங் ப²லங்.
Duggatiṃ nābhijānāmi, bhājanassa idaṃ phalaṃ.
7.
7.
‘‘தேபஞ்ஞாஸே இதோ கப்பே, அனந்தஜாலினாமகோ;
‘‘Tepaññāse ito kappe, anantajālināmako;
ஸத்தரதனஸம்பன்னோ, சக்கவத்தீ மஹப்³ப³லோ.
Sattaratanasampanno, cakkavattī mahabbalo.
8.
8.
‘‘படிஸம்பி⁴தா³ சதஸ்ஸோ…பே॰… கதங் பு³த்³த⁴ஸ்ஸ ஸாஸனங்’’.
‘‘Paṭisambhidā catasso…pe… kataṃ buddhassa sāsanaṃ’’.
இத்த²ங் ஸுத³ங் ஆயஸ்மா பா⁴ஜனபாலகோ 1 தே²ரோ இமா கா³தா²யோ அபா⁴ஸித்தா²தி.
Itthaṃ sudaṃ āyasmā bhājanapālako 2 thero imā gāthāyo abhāsitthāti.
பா⁴ஜனபாலகத்தே²ரஸ்ஸாபதா³னங் து³தியங்.
Bhājanapālakattherassāpadānaṃ dutiyaṃ.
Footnotes:
