| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
២. ឧទកបូជកត្ថេរអបទានំ
2. Udakapūjakattheraapadānaṃ
៧.
7.
‘‘សុវណ្ណវណ្ណំ សម្ពុទ្ធំ, គច្ឆន្តំ អនិលញ្ជសេ;
‘‘Suvaṇṇavaṇṇaṃ sambuddhaṃ, gacchantaṃ anilañjase;
ឃតាសនំវ ជលិតំ, អាទិត្តំវ ហុតាសនំ។
Ghatāsanaṃva jalitaṃ, ādittaṃva hutāsanaṃ.
៨.
8.
‘‘បាណិនា ឧទកំ គយ្ហ, អាកាសេ ឧក្ខិបិំ អហំ;
‘‘Pāṇinā udakaṃ gayha, ākāse ukkhipiṃ ahaṃ;
សម្បដិច្ឆិ មហាវីរោ, ពុទ្ធោ ការុណិកោ ឥសិ។
Sampaṭicchi mahāvīro, buddho kāruṇiko isi.
៩.
9.
‘‘អន្តលិក្ខេ ឋិតោ សត្ថា, បទុមុត្តរនាមកោ;
‘‘Antalikkhe ṭhito satthā, padumuttaranāmako;
មម សង្កប្បមញ្ញាយ, ឥមំ គាថមភាសថ។
Mama saṅkappamaññāya, imaṃ gāthamabhāsatha.
១០.
10.
‘‘‘ឥមិនា ទកទានេន, បីតិឧប្បាទនេន ច;
‘‘‘Iminā dakadānena, pītiuppādanena ca;
កប្បសតសហស្សម្បិ, ទុគ្គតិំ នុបបជ្ជសិ’។
Kappasatasahassampi, duggatiṃ nupapajjasi’.
១១.
11.
‘‘តេន កម្មេន ទ្វិបទិន្ទ, លោកជេដ្ឋ នរាសភ;
‘‘Tena kammena dvipadinda, lokajeṭṭha narāsabha;
បត្តោម្ហិ អចលំ ឋានំ, ហិត្វា ជយបរាជយំ។
Pattomhi acalaṃ ṭhānaṃ, hitvā jayaparājayaṃ.
១២.
12.
‘‘សហស្សរាជនាមេន, តយោ ច ចក្កវត្តិនោ;
‘‘Sahassarājanāmena, tayo ca cakkavattino;
បញ្ចសដ្ឋិកប្បសតេ, ចាតុរន្តា ជនាធិបា។
Pañcasaṭṭhikappasate, cāturantā janādhipā.
១៣.
13.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា ឧទកបូជកោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā udakapūjako thero imā gāthāyo abhāsitthāti.
ឧទកបូជកត្ថេរស្សាបទានំ ទុតិយំ។
Udakapūjakattherassāpadānaṃ dutiyaṃ.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ១-១០. ថោមកត្ថេរអបទានាទិវណ្ណនា • 1-10. Thomakattheraapadānādivaṇṇanā
