| Library / Tipiṭaka / তিপিটক • Tipiṭaka / জাতকপাল়ি • Jātakapāḷi |
৩৮৮. তুণ্ডিলজাতকং (৬-২-৩)
388. Tuṇḍilajātakaṃ (6-2-3)
৮৮.
88.
বহুকে জনে পাসপাণিকে, নো চ খো মে পটিভাতি ভুঞ্জিতুং॥
Bahuke jane pāsapāṇike, no ca kho me paṭibhāti bhuñjituṃ.
৮৯.
89.
তসসি ভমসি লেণমিচ্ছসি, অত্তাণোসি কুহিং গমিস্সসি।
Tasasi bhamasi leṇamicchasi, attāṇosi kuhiṃ gamissasi;
অপ্পোস্সুক্কো ভুঞ্জ তুণ্ডিল, মংসত্থায হি পোসিতাম্হসে 5॥
Appossukko bhuñja tuṇḍila, maṃsatthāya hi positāmhase 6.
৯০.
90.
ওগহ রহদং অকদ্দমং, সব্বং সেদমলং পৰাহয।
Ogaha rahadaṃ akaddamaṃ, sabbaṃ sedamalaṃ pavāhaya;
গণ্হাহি নৰং ৰিলেপনং, যস্স গন্ধো ন কদাচি ছিজ্জতি॥
Gaṇhāhi navaṃ vilepanaṃ, yassa gandho na kadāci chijjati.
৯১.
91.
কতমো রহদো অকদ্দমো, কিংসু সেদমলন্তি ৰুচ্চতি।
Katamo rahado akaddamo, kiṃsu sedamalanti vuccati;
কতমঞ্চ নৰং ৰিলেপনং, যস্স গন্ধো ন কদাচি ছিজ্জতি॥
Katamañca navaṃ vilepanaṃ, yassa gandho na kadāci chijjati.
৯২.
92.
ধম্মো রহদো অকদ্দমো, পাপং সেদমলন্তি ৰুচ্চতি।
Dhammo rahado akaddamo, pāpaṃ sedamalanti vuccati;
সীলঞ্চ নৰং ৰিলেপনং, তস্স গন্ধো ন কদাচি ছিজ্জতি॥
Sīlañca navaṃ vilepanaṃ, tassa gandho na kadāci chijjati.
৯৩.
93.
নন্দন্তি সরীরঘাতিনো, ন চ নন্দন্তি সরীরধারিনো।
Nandanti sarīraghātino, na ca nandanti sarīradhārino;
পুণ্ণায চ পুণ্ণমাসিযা, রমমানাৰ জহন্তি জীৰিতন্তি॥
Puṇṇāya ca puṇṇamāsiyā, ramamānāva jahanti jīvitanti.
তুণ্ডিলজাতকং ততিযং।
Tuṇḍilajātakaṃ tatiyaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / জাতক-অট্ঠকথা • Jātaka-aṭṭhakathā / [৩৮৮] ৩. তুণ্ডিলজাতকৰণ্ণনা • [388] 3. Tuṇḍilajātakavaṇṇanā
