| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੪. ਤੁਲਾਕੂਟਸੁਤ੍ਤવਣ੍ਣਨਾ
4. Tulākūṭasuttavaṇṇanā
੧੧੬੪. ਰੂਪਕੂਟਂ ਸਰੂਪੇਨ ਸਦਿਸੇਨ ਛਲવੋਹਾਰੋ। ਅਙ੍ਗਕੂਟਂ ਅਤ੍ਤਨੋ ਹਤ੍ਥਾਦਿਨਾ ਅਙ੍ਗਾਨਂ ਛਲਕਰਣਂ । ਗਹਣਕੂਟਂ ਮਾਨੇਸੁ ਗਹਣવਸੇਨ। ਪਟਿਚ੍ਛਨ੍ਨਕੂਟਂ ਅਯਚੁਣ੍ਣਾਦਿਨਾ ਪਟਿਚ੍ਛਨ੍ਨੇਨ ਛਲਕਰਣਂ। ਮਹਤਿਯਾ ਤੁਲਾਯ। ਪਚ੍ਛਾਭਾਗੇਤਿ ਤੁਲਾਯ ਪਚ੍ਛਿਮਭਾਗੇ। ਹਤ੍ਥੇਨਾਤਿ ਹਤ੍ਥਪਦੇਸੇਨ। ਅਕ੍ਕਮਤੀਤਿ ਉਟ੍ਠਾਤੁਂ ਅਦੇਨ੍ਤੋ ਗਣ੍ਹਾਤਿ। ਦਦਨ੍ਤੋ ਪੁਬ੍ਬਭਾਗੇਤਿ ਪਰੇਸਂ ਦਦਨ੍ਤੋ ਪੁਬ੍ਬਭਾਗੇ ਹਤ੍ਥੇਨ ਤੁਲਂ ਅਕ੍ਕਮਤਿ। ਤਨ੍ਤਿ ਅਯਚੁਣ੍ਣਂ।
1164.Rūpakūṭaṃ sarūpena sadisena chalavohāro. Aṅgakūṭaṃ attano hatthādinā aṅgānaṃ chalakaraṇaṃ . Gahaṇakūṭaṃ mānesu gahaṇavasena. Paṭicchannakūṭaṃ ayacuṇṇādinā paṭicchannena chalakaraṇaṃ. Mahatiyā tulāya. Pacchābhāgeti tulāya pacchimabhāge. Hatthenāti hatthapadesena. Akkamatīti uṭṭhātuṃ adento gaṇhāti. Dadanto pubbabhāgeti paresaṃ dadanto pubbabhāge hatthena tulaṃ akkamati. Tanti ayacuṇṇaṃ.
ਲੋਹਪਾਤਿਯੋਤਿ ਤਮ੍ਬਲੋਹਪਾਤਿਯੋ। ਸੁવਣ੍ਣવਣ੍ਣਾ ਕਰੋਨ੍ਤੀਤਿ ਅਸਨਿਖਾਦਸੁવਣ੍ਣਕਨਕਲਿਮ੍ਪਿਤਾ ਸੁવਣ੍ਣવਣ੍ਣਾ ਕਰੋਨ੍ਤਿ। ਮਾਨਭਾਜਨਸ੍ਸ ਹਦਯਭੂਤਸ੍ਸ ਅਬ੍ਭਨ੍ਤਰਸ੍ਸ ਭਿਨ੍ਨਂ ਹਦਯਭੇਦੋ। ਨਿਮਿਯਮਾਨਸ੍ਸ ਤਿਲਤਣ੍ਡੁਲਾਦਿਕਸ੍ਸ ਸਿਖਾਯ ਅਗ੍ਗਕੋਟਿਯਾ ਭਿਨ੍ਨਂ ਸਿਖਾਭੇਦੋ। ਖੇਤ੍ਤਾਦੀਨਂ ਮਿਨਨਰਜ੍ਜੁਯਾ ਅਞ੍ਞਥਾਕਰਣਂ ਰਜ੍ਜੁਭੇਦੋ। ਰਜ੍ਜੁਗਹਣੇਨੇવ ਚੇਤ੍ਥ ਦਣ੍ਡਕਸ੍ਸ ਗਹਣਂ ਕਤਮੇવਾਤਿ ਦਟ੍ਠਬ੍ਬਂ।
Lohapātiyoti tambalohapātiyo. Suvaṇṇavaṇṇā karontīti asanikhādasuvaṇṇakanakalimpitā suvaṇṇavaṇṇā karonti. Mānabhājanassa hadayabhūtassa abbhantarassa bhinnaṃ hadayabhedo. Nimiyamānassa tilataṇḍulādikassa sikhāya aggakoṭiyā bhinnaṃ sikhābhedo. Khettādīnaṃ minanarajjuyā aññathākaraṇaṃ rajjubhedo. Rajjugahaṇeneva cettha daṇḍakassa gahaṇaṃ katamevāti daṭṭhabbaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੪. ਤੁਲਾਕੂਟਸੁਤ੍ਤਂ • 4. Tulākūṭasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੪. ਤੁਲਾਕੂਟਸੁਤ੍ਤવਣ੍ਣਨਾ • 4. Tulākūṭasuttavaṇṇanā
