| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၄. တုလာကူဋသုတ္တဝဏ္ဏနာ
4. Tulākūṭasuttavaṇṇanā
၁၁၆၄. ရူပကူဋံ သရူပေန သဒိသေန ဆလဝောဟာရော။ အင္ဂကူဋံ အတ္တနော ဟတ္ထာဒိနာ အင္ဂာနံ ဆလကရဏံ ။ ဂဟဏကူဋံ မာနေသု ဂဟဏဝသေန။ ပဋိစ္ဆန္နကူဋံ အယစုဏ္ဏာဒိနာ ပဋိစ္ဆန္နေန ဆလကရဏံ။ မဟတိယာ တုလာယ။ ပစ္ဆာဘာဂေတိ တုလာယ ပစ္ဆိမဘာဂေ။ ဟတ္ထေနာတိ ဟတ္ထပဒေသေန။ အက္ကမတီတိ ဥဋ္ဌာတုံ အဒေန္တော ဂဏ္ဟာတိ။ ဒဒန္တော ပုဗ္ဗဘာဂေတိ ပရေသံ ဒဒန္တော ပုဗ္ဗဘာဂေ ဟတ္ထေန တုလံ အက္ကမတိ။ တန္တိ အယစုဏ္ဏံ။
1164.Rūpakūṭaṃ sarūpena sadisena chalavohāro. Aṅgakūṭaṃ attano hatthādinā aṅgānaṃ chalakaraṇaṃ . Gahaṇakūṭaṃ mānesu gahaṇavasena. Paṭicchannakūṭaṃ ayacuṇṇādinā paṭicchannena chalakaraṇaṃ. Mahatiyā tulāya. Pacchābhāgeti tulāya pacchimabhāge. Hatthenāti hatthapadesena. Akkamatīti uṭṭhātuṃ adento gaṇhāti. Dadanto pubbabhāgeti paresaṃ dadanto pubbabhāge hatthena tulaṃ akkamati. Tanti ayacuṇṇaṃ.
လောဟပာတိယောတိ တမ္ဗလောဟပာတိယော။ သုဝဏ္ဏဝဏ္ဏာ ကရောန္တီတိ အသနိခာဒသုဝဏ္ဏကနကလိမ္ပိတာ သုဝဏ္ဏဝဏ္ဏာ ကရောန္တိ။ မာနဘာဇနသ္သ ဟဒယဘူတသ္သ အဗ္ဘန္တရသ္သ ဘိန္နံ ဟဒယဘေဒော။ နိမိယမာနသ္သ တိလတဏ္ဍုလာဒိကသ္သ သိခာယ အဂ္ဂကောဋိယာ ဘိန္နံ သိခာဘေဒော။ ခေတ္တာဒီနံ မိနနရဇ္ဇုယာ အညထာကရဏံ ရဇ္ဇုဘေဒော။ ရဇ္ဇုဂဟဏေနေဝ စေတ္ထ ဒဏ္ဍကသ္သ ဂဟဏံ ကတမေဝာတိ ဒဋ္ဌဗ္ဗံ။
Lohapātiyoti tambalohapātiyo. Suvaṇṇavaṇṇā karontīti asanikhādasuvaṇṇakanakalimpitā suvaṇṇavaṇṇā karonti. Mānabhājanassa hadayabhūtassa abbhantarassa bhinnaṃ hadayabhedo. Nimiyamānassa tilataṇḍulādikassa sikhāya aggakoṭiyā bhinnaṃ sikhābhedo. Khettādīnaṃ minanarajjuyā aññathākaraṇaṃ rajjubhedo. Rajjugahaṇeneva cettha daṇḍakassa gahaṇaṃ katamevāti daṭṭhabbaṃ.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၄. တုလာကူဋသုတ္တံ • 4. Tulākūṭasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၄. တုလာကူဋသုတ္တဝဏ္ဏနာ • 4. Tulākūṭasuttavaṇṇanā
