| Library / Tipiṭaka / তিপিটক • Tipiṭaka / সুত্তনিপাত-অট্ঠকথা • Suttanipāta-aṭṭhakathā |
৯. তোদেয্যসুত্তৰণ্ণনা
9. Todeyyasuttavaṇṇanā
১০৯৫. যস্মিং কামাতি তোদেয্যসুত্তং। তত্থ ৰিমোক্খো তস্স কীদিসোতি তস্স কীদিসো ৰিমোক্খো ইচ্ছিতব্বোতি পুচ্ছতি । ইদানি তস্স অঞ্ঞৰিমোক্খাভাৰং দস্সেন্তো ভগৰা দুতিযং গাথমাহ। তত্থ ৰিমোক্খো তস্স নাপরোতি তস্স অঞ্ঞো ৰিমোক্খো নত্থি।
1095.Yasmiṃkāmāti todeyyasuttaṃ. Tattha vimokkho tassa kīdisoti tassa kīdiso vimokkho icchitabboti pucchati . Idāni tassa aññavimokkhābhāvaṃ dassento bhagavā dutiyaṃ gāthamāha. Tattha vimokkho tassa nāparoti tassa añño vimokkho natthi.
১০৯৭-৮. এৰং ‘‘তণ্হক্খযো এৰ ৰিমোক্খো’’তি ৰুত্তেপি তমত্থং অসল্লক্খেন্তো ‘‘নিরাসসো সো উদ আসসানো’’তি পুন পুচ্ছতি। তত্থ উদ পঞ্ঞকপ্পীতি উদাহু সমাপত্তিঞাণাদিনা ঞাণেন তণ্হাকপ্পং ৰা দিট্ঠিকপ্পং ৰা কপ্পযতি। অথস্স ভগৰা তং আচিক্খন্তো দুতিযং গাথমাহ। তত্থ কামভৰেতি কামে চ ভৰে চ। সেসং সব্বত্থ পাকটমেৰ।
1097-8. Evaṃ ‘‘taṇhakkhayo eva vimokkho’’ti vuttepi tamatthaṃ asallakkhento ‘‘nirāsaso so uda āsasāno’’ti puna pucchati. Tattha uda paññakappīti udāhu samāpattiñāṇādinā ñāṇena taṇhākappaṃ vā diṭṭhikappaṃ vā kappayati. Athassa bhagavā taṃ ācikkhanto dutiyaṃ gāthamāha. Tattha kāmabhaveti kāme ca bhave ca. Sesaṃ sabbattha pākaṭameva.
এৰং ভগৰা ইমম্পি সুত্তং অরহত্তনিকূটেনেৰ দেসেসি। দেসনাপরিযোসানে চ পুব্বসদিসো এৰ ধম্মাভিসমযো অহোসীতি।
Evaṃ bhagavā imampi suttaṃ arahattanikūṭeneva desesi. Desanāpariyosāne ca pubbasadiso eva dhammābhisamayo ahosīti.
পরমত্থজোতিকায খুদ্দক-অট্ঠকথায
Paramatthajotikāya khuddaka-aṭṭhakathāya
সুত্তনিপাত-অট্ঠকথায তোদেয্যসুত্তৰণ্ণনা নিট্ঠিতা।
Suttanipāta-aṭṭhakathāya todeyyasuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / খুদ্দকনিকায • Khuddakanikāya / সুত্তনিপাতপাল়ি • Suttanipātapāḷi / ৯. তোদেয্যমাণৰপুচ্ছা • 9. Todeyyamāṇavapucchā
