| Library / Tipiṭaka / තිපිටක • Tipiṭaka / අපදානපාළි • Apadānapāḷi |
10. තිවණ්ටිපුප්ඵියත්ථෙරඅපදානං
10. Tivaṇṭipupphiyattheraapadānaṃ
57.
57.
තෙසං නිජ්ඣායමානානං, පරිළාහො අජායථ.
Tesaṃ nijjhāyamānānaṃ, pariḷāho ajāyatha.
58.
58.
‘‘සුනන්දො නාම නාමෙන, බුද්ධස්ස සාවකො තදා;
‘‘Sunando nāma nāmena, buddhassa sāvako tadā;
ධම්මදස්සිස්ස මුනිනො, ආගච්ඡි මම සන්තිකං.
Dhammadassissa munino, āgacchi mama santikaṃ.
59.
59.
‘‘යෙ මෙ බද්ධචරා ආසුං, තෙ මෙ පුප්ඵං අදුං තදා;
‘‘Ye me baddhacarā āsuṃ, te me pupphaṃ aduṃ tadā;
තාහං පුප්ඵං ගහෙත්වාන, සාවකෙ අභිරොපයිං.
Tāhaṃ pupphaṃ gahetvāna, sāvake abhiropayiṃ.
60.
60.
‘‘සොහං කාලංකතො තත්ථ, පුනාපි උපපජ්ජහං;
‘‘Sohaṃ kālaṃkato tattha, punāpi upapajjahaṃ;
අට්ඨාරසෙ කප්පසතෙ, විනිපාතං න ගච්ඡහං.
Aṭṭhārase kappasate, vinipātaṃ na gacchahaṃ.
61.
61.
‘‘තෙරසෙතො කප්පසතෙ, අට්ඨාසුං ධූමකෙතුනො;
‘‘Teraseto kappasate, aṭṭhāsuṃ dhūmaketuno;
සත්තරතනසම්පන්නා, චක්කවත්තී මහබ්බලා.
Sattaratanasampannā, cakkavattī mahabbalā.
62.
62.
‘‘පටිසම්භිදා චතස්සො…පෙ.… කතං බුද්ධස්ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්ථං සුදං ආයස්මා තිවණ්ටිපුප්ඵියො ථෙරො ඉමා ගාථායො අභාසිත්ථාති;
Itthaṃ sudaṃ āyasmā tivaṇṭipupphiyo thero imā gāthāyo abhāsitthāti;
තිවණ්ටිපුප්ඵියත්ථෙරස්සාපදානං දසමං.
Tivaṇṭipupphiyattherassāpadānaṃ dasamaṃ.
කුටජපුප්ඵියවග්ගො එකූනවීසතිමො.
Kuṭajapupphiyavaggo ekūnavīsatimo.
තස්සුද්දානං –
Tassuddānaṃ –
කුටජො බන්ධුජීවී ච, කොටුම්බරිකහත්ථියො;
Kuṭajo bandhujīvī ca, koṭumbarikahatthiyo;
ඉසිමුග්ගො ච බොධි ච, එකචින්තී තිකණ්ණිකො;
Isimuggo ca bodhi ca, ekacintī tikaṇṇiko;
එකචාරී තිවණ්ටි ච, ගාථා ද්වාසට්ඨි කිත්තිතාති.
Ekacārī tivaṇṭi ca, gāthā dvāsaṭṭhi kittitāti.
Footnotes:
