| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೧೦. ತಿವಣ್ಟಿಪುಪ್ಫಿಯತ್ಥೇರಅಪದಾನಂ
10. Tivaṇṭipupphiyattheraapadānaṃ
೫೭.
57.
ತೇಸಂ ನಿಜ್ಝಾಯಮಾನಾನಂ, ಪರಿಳಾಹೋ ಅಜಾಯಥ॥
Tesaṃ nijjhāyamānānaṃ, pariḷāho ajāyatha.
೫೮.
58.
‘‘ಸುನನ್ದೋ ನಾಮ ನಾಮೇನ, ಬುದ್ಧಸ್ಸ ಸಾವಕೋ ತದಾ।
‘‘Sunando nāma nāmena, buddhassa sāvako tadā;
ಧಮ್ಮದಸ್ಸಿಸ್ಸ ಮುನಿನೋ, ಆಗಚ್ಛಿ ಮಮ ಸನ್ತಿಕಂ॥
Dhammadassissa munino, āgacchi mama santikaṃ.
೫೯.
59.
‘‘ಯೇ ಮೇ ಬದ್ಧಚರಾ ಆಸುಂ, ತೇ ಮೇ ಪುಪ್ಫಂ ಅದುಂ ತದಾ।
‘‘Ye me baddhacarā āsuṃ, te me pupphaṃ aduṃ tadā;
ತಾಹಂ ಪುಪ್ಫಂ ಗಹೇತ್ವಾನ, ಸಾವಕೇ ಅಭಿರೋಪಯಿಂ॥
Tāhaṃ pupphaṃ gahetvāna, sāvake abhiropayiṃ.
೬೦.
60.
‘‘ಸೋಹಂ ಕಾಲಂಕತೋ ತತ್ಥ, ಪುನಾಪಿ ಉಪಪಜ್ಜಹಂ।
‘‘Sohaṃ kālaṃkato tattha, punāpi upapajjahaṃ;
ಅಟ್ಠಾರಸೇ ಕಪ್ಪಸತೇ, ವಿನಿಪಾತಂ ನ ಗಚ್ಛಹಂ॥
Aṭṭhārase kappasate, vinipātaṃ na gacchahaṃ.
೬೧.
61.
‘‘ತೇರಸೇತೋ ಕಪ್ಪಸತೇ, ಅಟ್ಠಾಸುಂ ಧೂಮಕೇತುನೋ।
‘‘Teraseto kappasate, aṭṭhāsuṃ dhūmaketuno;
ಸತ್ತರತನಸಮ್ಪನ್ನಾ, ಚಕ್ಕವತ್ತೀ ಮಹಬ್ಬಲಾ॥
Sattaratanasampannā, cakkavattī mahabbalā.
೬೨.
62.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ತಿವಣ್ಟಿಪುಪ್ಫಿಯೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ āyasmā tivaṇṭipupphiyo thero imā gāthāyo abhāsitthāti;
ತಿವಣ್ಟಿಪುಪ್ಫಿಯತ್ಥೇರಸ್ಸಾಪದಾನಂ ದಸಮಂ।
Tivaṇṭipupphiyattherassāpadānaṃ dasamaṃ.
ಕುಟಜಪುಪ್ಫಿಯವಗ್ಗೋ ಏಕೂನವೀಸತಿಮೋ।
Kuṭajapupphiyavaggo ekūnavīsatimo.
ತಸ್ಸುದ್ದಾನಂ –
Tassuddānaṃ –
ಕುಟಜೋ ಬನ್ಧುಜೀವೀ ಚ, ಕೋಟುಮ್ಬರಿಕಹತ್ಥಿಯೋ।
Kuṭajo bandhujīvī ca, koṭumbarikahatthiyo;
ಇಸಿಮುಗ್ಗೋ ಚ ಬೋಧಿ ಚ, ಏಕಚಿನ್ತೀ ತಿಕಣ್ಣಿಕೋ।
Isimuggo ca bodhi ca, ekacintī tikaṇṇiko;
ಏಕಚಾರೀ ತಿವಣ್ಟಿ ಚ, ಗಾಥಾ ದ್ವಾಸಟ್ಠಿ ಕಿತ್ತಿತಾತಿ॥
Ekacārī tivaṇṭi ca, gāthā dvāsaṭṭhi kittitāti.
Footnotes:
