| Library / Tipiṭaka / তিপিটক • Tipiṭaka / অপদানপাল়ি • Apadānapāḷi |
১০. তিৰণ্টিপুপ্ফিযত্থেরঅপদানং
10. Tivaṇṭipupphiyattheraapadānaṃ
৫৭.
57.
তেসং নিজ্ঝাযমানানং, পরিল়াহো অজাযথ॥
Tesaṃ nijjhāyamānānaṃ, pariḷāho ajāyatha.
৫৮.
58.
‘‘সুনন্দো নাম নামেন, বুদ্ধস্স সাৰকো তদা।
‘‘Sunando nāma nāmena, buddhassa sāvako tadā;
ধম্মদস্সিস্স মুনিনো, আগচ্ছি মম সন্তিকং॥
Dhammadassissa munino, āgacchi mama santikaṃ.
৫৯.
59.
‘‘যে মে বদ্ধচরা আসুং, তে মে পুপ্ফং অদুং তদা।
‘‘Ye me baddhacarā āsuṃ, te me pupphaṃ aduṃ tadā;
তাহং পুপ্ফং গহেত্ৰান, সাৰকে অভিরোপযিং॥
Tāhaṃ pupphaṃ gahetvāna, sāvake abhiropayiṃ.
৬০.
60.
‘‘সোহং কালংকতো তত্থ, পুনাপি উপপজ্জহং।
‘‘Sohaṃ kālaṃkato tattha, punāpi upapajjahaṃ;
অট্ঠারসে কপ্পসতে, ৰিনিপাতং ন গচ্ছহং॥
Aṭṭhārase kappasate, vinipātaṃ na gacchahaṃ.
৬১.
61.
‘‘তেরসেতো কপ্পসতে, অট্ঠাসুং ধূমকেতুনো।
‘‘Teraseto kappasate, aṭṭhāsuṃ dhūmaketuno;
সত্তরতনসম্পন্না, চক্কৰত্তী মহব্বলা॥
Sattaratanasampannā, cakkavattī mahabbalā.
৬২.
62.
‘‘পটিসম্ভিদা চতস্সো…পে॰… কতং বুদ্ধস্স সাসনং’’॥
‘‘Paṭisambhidā catasso…pe… kataṃ buddhassa sāsanaṃ’’.
ইত্থং সুদং আযস্মা তিৰণ্টিপুপ্ফিযো থেরো ইমা গাথাযো অভাসিত্থাতি।
Itthaṃ sudaṃ āyasmā tivaṇṭipupphiyo thero imā gāthāyo abhāsitthāti;
তিৰণ্টিপুপ্ফিযত্থেরস্সাপদানং দসমং।
Tivaṇṭipupphiyattherassāpadānaṃ dasamaṃ.
কুটজপুপ্ফিযৰগ্গো একূনৰীসতিমো।
Kuṭajapupphiyavaggo ekūnavīsatimo.
তস্সুদ্দানং –
Tassuddānaṃ –
কুটজো বন্ধুজীৰী চ, কোটুম্বরিকহত্থিযো।
Kuṭajo bandhujīvī ca, koṭumbarikahatthiyo;
ইসিমুগ্গো চ বোধি চ, একচিন্তী তিকণ্ণিকো।
Isimuggo ca bodhi ca, ekacintī tikaṇṇiko;
একচারী তিৰণ্টি চ, গাথা দ্ৰাসট্ঠি কিত্তিতাতি॥
Ekacārī tivaṇṭi ca, gāthā dvāsaṭṭhi kittitāti.
Footnotes:
