| Library / Tipiṭaka / ತಿಪಿಟಕ • Tipiṭaka / ಸುತ್ತನಿಪಾತಪಾಳಿ • Suttanipātapāḷi |
೨. ತಿಸ್ಸಮೇತ್ತೇಯ್ಯಮಾಣವಪುಚ್ಛಾ
2. Tissametteyyamāṇavapucchā
೧೦೪೬.
1046.
‘‘ಕೋಧ ಸನ್ತುಸಿತೋ ಲೋಕೇ, (ಇಚ್ಚಾಯಸ್ಮಾ ತಿಸ್ಸಮೇತ್ತೇಯ್ಯೋ)
‘‘Kodha santusito loke, (iccāyasmā tissametteyyo)
ಕಸ್ಸ ನೋ ಸನ್ತಿ ಇಞ್ಜಿತಾ।
Kassa no santi iñjitā;
ಕಂ ಬ್ರೂಸಿ ಮಹಾಪುರಿಸೋತಿ, ಕೋ ಇಧ ಸಿಬ್ಬಿನಿಮಚ್ಚಗಾ’’॥
Kaṃ brūsi mahāpurisoti, ko idha sibbinimaccagā’’.
೧೦೪೭.
1047.
‘‘ಕಾಮೇಸು ಬ್ರಹ್ಮಚರಿಯವಾ, (ಮೇತ್ತೇಯ್ಯಾತಿ ಭಗವಾ)
‘‘Kāmesu brahmacariyavā, (metteyyāti bhagavā)
ವೀತತಣ್ಹೋ ಸದಾ ಸತೋ।
Vītataṇho sadā sato;
ಸಙ್ಖಾಯ ನಿಬ್ಬುತೋ ಭಿಕ್ಖು, ತಸ್ಸ ನೋ ಸನ್ತಿ ಇಞ್ಜಿತಾ॥
Saṅkhāya nibbuto bhikkhu, tassa no santi iñjitā.
೧೦೪೮.
1048.
‘‘ಸೋ ಉಭನ್ತಮಭಿಞ್ಞಾಯ, ಮಜ್ಝೇ ಮನ್ತಾ ನ ಲಿಪ್ಪತಿ।
‘‘So ubhantamabhiññāya, majjhe mantā na lippati;
ತಂ ಬ್ರೂಮಿ ಮಹಾಪುರಿಸೋತಿ, ಸೋ ಇಧ ಸಿಬ್ಬಿನಿಮಚ್ಚಗಾ’’ತಿ॥
Taṃ brūmi mahāpurisoti, so idha sibbinimaccagā’’ti.
ತಿಸ್ಸಮೇತ್ತೇಯ್ಯಮಾಣವಪುಚ್ಛಾ ದುತಿಯಾ ನಿಟ್ಠಿತಾ।
Tissametteyyamāṇavapucchā dutiyā niṭṭhitā.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಸುತ್ತನಿಪಾತ-ಅಟ್ಠಕಥಾ • Suttanipāta-aṭṭhakathā / ೨. ತಿಸ್ಸಮೇತ್ತೇಯ್ಯಸುತ್ತವಣ್ಣನಾ • 2. Tissametteyyasuttavaṇṇanā
