| Library / Tipiṭaka / တိပိဋက • Tipiṭaka / စူဠနိဒ္ဒေသပာဠိ • Cūḷaniddesapāḷi |
၂. တိသ္သမေတ္တေယ္ယမာဏဝပုစ္ဆာ
2. Tissametteyyamāṇavapucchā
၆၅.
65.
‘‘ကောဓ သန္တုသိတော လောကေ၊ [ဣစ္စာယသ္မာ တိသ္သမေတ္တေယ္ယော]
‘‘Kodha santusito loke, [iccāyasmā tissametteyyo]
ကသ္သ နော သန္တိ ဣဉ္ဇိတာ။
Kassa no santi iñjitā;
ကံ ဗ္ရူသိ မဟာပုရိသောတိ၊ ကော ဣဓ သိဗ္ဗိနိမစ္စဂာ’’တိ 3။
Kaṃ brūsi mahāpurisoti, ko idha sibbinimaccagā’’ti 4.
၆၆.
66.
‘‘ကာမေသု ဗ္ရဟ္မစရိယဝာ၊ [မေတ္တေယ္ယာတိ ဘဂဝာ]
‘‘Kāmesu brahmacariyavā, [metteyyāti bhagavā]
ဝီတတဏ္ဟော သဒာ သတော။
Vītataṇho sadā sato;
သင္ခာယ နိဗ္ဗုတော ဘိက္ခု၊ တသ္သ နော သန္တိ ဣဉ္ဇိတာ။
Saṅkhāya nibbuto bhikkhu, tassa no santi iñjitā.
၆၇.
67.
‘‘သော ဥဘန္တမဘိညာယ၊ မဇ္ဈေ မန္တာ န လိပ္ပတိ။
‘‘So ubhantamabhiññāya, majjhe mantā na lippati;
တံ ဗ္ရူမိ မဟာပုရိသောတိ၊ သော ဣဓ သိဗ္ဗိနိမစ္စဂာ’’တိ။
Taṃ brūmi mahāpurisoti, so idha sibbinimaccagā’’ti.
တိသ္သမေတ္တေယ္ယမာဏဝပုစ္ဆာ ဒုတိယာ။
Tissametteyyamāṇavapucchā dutiyā.
Footnotes:
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / ခုဒ္ဒကနိကာယ (အဋ္ဌကထာ) • Khuddakanikāya (aṭṭhakathā) / စူဠနိဒ္ဒေသ-အဋ္ဌကထာ • Cūḷaniddesa-aṭṭhakathā / ၂. တိသ္သမေတ္တေယ္ယမာဏဝသုတ္တနိဒ္ဒေသဝဏ္ဏနာ • 2. Tissametteyyamāṇavasuttaniddesavaṇṇanā
