| Library / Tipiṭaka / තිපිටක • Tipiṭaka / ඛුද්දකපාඨපාළි • Khuddakapāṭhapāḷi |
7. තිරොකුට්ටසුත්තං
7. Tirokuṭṭasuttaṃ
1.
1.
තිරොකුට්ටෙසු තිට්ඨන්ති, සන්ධිසිඞ්ඝාටකෙසු ච;
Tirokuṭṭesu tiṭṭhanti, sandhisiṅghāṭakesu ca;
ද්වාරබාහාසු තිට්ඨන්ති, ආගන්ත්වාන සකං ඝරං.
Dvārabāhāsu tiṭṭhanti, āgantvāna sakaṃ gharaṃ.
2.
2.
පහූතෙ අන්නපානම්හි, ඛජ්ජභොජ්ජෙ උපට්ඨිතෙ;
Pahūte annapānamhi, khajjabhojje upaṭṭhite;
න තෙසං කොචි සරති, සත්තානං කම්මපච්චයා.
Na tesaṃ koci sarati, sattānaṃ kammapaccayā.
3.
3.
එවං දදන්ති ඤාතීනං, යෙ හොන්ති අනුකම්පකා;
Evaṃ dadanti ñātīnaṃ, ye honti anukampakā;
සුචිං පණීතං කාලෙන, කප්පියං පානභොජනං;
Suciṃ paṇītaṃ kālena, kappiyaṃ pānabhojanaṃ;
ඉදං වො ඤාතීනං හොතු, සුඛිතා හොන්තු ඤාතයො.
Idaṃ vo ñātīnaṃ hotu, sukhitā hontu ñātayo.
4.
4.
තෙ ච තත්ථ සමාගන්ත්වා, ඤාතිපෙතා සමාගතා;
Te ca tattha samāgantvā, ñātipetā samāgatā;
පහූතෙ අන්නපානම්හි, සක්කච්චං අනුමොදරෙ.
Pahūte annapānamhi, sakkaccaṃ anumodare.
5.
5.
චිරං ජීවන්තු නො ඤාතී, යෙසං හෙතු ලභාමසෙ;
Ciraṃ jīvantu no ñātī, yesaṃ hetu labhāmase;
අම්හාකඤ්ච කතා පූජා, දායකා ච අනිප්ඵලා.
Amhākañca katā pūjā, dāyakā ca anipphalā.
6.
6.
න හි තත්ථ කසි 1 අත්ථි, ගොරක්ඛෙත්ථ න විජ්ජති;
Na hi tattha kasi 2 atthi, gorakkhettha na vijjati;
7.
7.
උන්නමෙ උදකං වුට්ඨං, යථා නින්නං පවත්තති;
Unname udakaṃ vuṭṭhaṃ, yathā ninnaṃ pavattati;
එවමෙව ඉතො දින්නං, පෙතානං උපකප්පති.
Evameva ito dinnaṃ, petānaṃ upakappati.
8.
8.
යථා වාරිවහා පූරා, පරිපූරෙන්ති සාගරං;
Yathā vārivahā pūrā, paripūrenti sāgaraṃ;
එවමෙව ඉතො දින්නං, පෙතානං උපකප්පති.
Evameva ito dinnaṃ, petānaṃ upakappati.
9.
9.
පෙතානං දක්ඛිණං දජ්ජා, පුබ්බෙ කතමනුස්සරං.
Petānaṃ dakkhiṇaṃ dajjā, pubbe katamanussaraṃ.
10.
10.
න හි රුණ්ණං වා සොකො වා, යා චඤ්ඤා පරිදෙවනා;
Na hi ruṇṇaṃ vā soko vā, yā caññā paridevanā;
න තං පෙතානමත්ථාය, එවං තිට්ඨන්ති ඤාතයො.
Na taṃ petānamatthāya, evaṃ tiṭṭhanti ñātayo.
11.
11.
අයඤ්ච ඛො දක්ඛිණා දින්නා, සඞ්ඝම්හි සුප්පතිට්ඨිතා;
Ayañca kho dakkhiṇā dinnā, saṅghamhi suppatiṭṭhitā;
දීඝරත්තං හිතායස්ස, ඨානසො උපකප්පති.
Dīgharattaṃ hitāyassa, ṭhānaso upakappati.
12.
12.
සො ඤාතිධම්මො ච අයං නිදස්සිතො, පෙතාන පූජා ච කතා උළාරා;
So ñātidhammo ca ayaṃ nidassito, petāna pūjā ca katā uḷārā;
බලඤ්ච භික්ඛූනමනුප්පදින්නං 9, තුම්හෙහි පුඤ්ඤං පසුතං අනප්පකන්ති.
Balañca bhikkhūnamanuppadinnaṃ 10, tumhehi puññaṃ pasutaṃ anappakanti.
තිරොකුට්ටසුත්තං නිට්ඨිතං.
Tirokuṭṭasuttaṃ niṭṭhitaṃ.
Footnotes:
Related texts:
අට්ඨකථා • Aṭṭhakathā / සුත්තපිටක (අට්ඨකථා) • Suttapiṭaka (aṭṭhakathā) / ඛුද්දකනිකාය (අට්ඨකථා) • Khuddakanikāya (aṭṭhakathā) / ඛුද්දකපාඨ-අට්ඨකථා • Khuddakapāṭha-aṭṭhakathā / 7. තිරොකුට්ටසුත්තවණ්ණනා • 7. Tirokuṭṭasuttavaṇṇanā
